நடு இரவில் தெறித்து
நரம்பறுக்கும் வேகத்துடன்
உயிர் குடிக்கும் எறிகணையாய்
என் உணர்வுகளை கிளறிய படி
இப்போது ஒலியெழுப்பிப் போகிறது அது!
நெருடல் கொண்ட நினைவுகளையும்
பரவிக் கிடக்கும் கற்பனா புலன்களையும்
ஒட்ட நறுக்கி விடத் துடித்த படி
வார்த்தைகளால் வானினையும் தொடுகிறது அது!
அடுக்களையினூடு ஏறி, இப்போது
அந்தரங்க காட்சிகளையும்
அனுமானித்துப் பார்க்கும் உணர்வுகளை
என்னுள் கிளறி விட்டபடி
மெதுவாய் நகர்து கொண்டிருக்கிறது!
இது போன்று பல சுவாரஸ்யமான செய்திகள், சினிமா செய்திகள் அனைத்தும் அறியனுமா? இங்கே கிளிக் செய்யுங்க
வாழ்வை, வாழ்வின் பிடிமானத்தை,
மனித மனங்களின் சிந்தனையை
வாய்க்கரிசி போட்டு,
உயிருடனே புதைத்த படி
வானுயர்ந்த கனவுகளையும்,
கற்பனைகளையும் கண் முன்னே
சிதைத்த படி
காலக் கிரமத்தில் கண்ணுக்கு மட்டும்
வர்ண மையடித்து - தான் கொண்ட
கோலத்தை மட்டும் உணர்த்தி
பிணந் தின்னும் பிராணியின் ஓலமாய்
ஒலித்துக் கொண்டிருக்கிறது
இந்த உணர்வற்ற ஜீவன்,
இது போன்று பல சுவாரஸ்யமான செய்திகள், சினிமா செய்திகள் அனைத்தும் அறியனுமா? இங்கே கிளிக் செய்யுங்க
இனி மூன்றாவது அணியாக
இளைஞர் அணி எனும்
அறை கூவல் வருகையில்
நடிகையின் நர்த்தனங்களும்,
நாத்திகம் பேசுவோரினை
மாற்றும் நவரசங்களும்
இலவசமாய் கிடைக்கும்
உணர்வு மேலெழுந்து வருகிறது!
என் கற்பனைகளையும்
கனவுகளையும்
காற்றின் ஒற்றை வார்த்தையில்
அடமானம் வைத்து விட்டு;
சுயத்தைத் தொலைத்தவனாய்
பசியின் கொடுமையால்
உருக்குலைந்து, உடல் நலிந்து
உணவேதுமின்றி, இறுதியில்
அழுகி நாற்றமடிக்கும்
இறந்த விலங்கின்
உணவினை புசித்தபடி
சிரித்துக் கொண்டிருக்கிறேன் நான்!
உண்டு பசியாறும் வரை
தெரியவில்லை,
இறந்து சீழ்க்கள் வழிந்து
மணக்கும் ஓர் தெரு நாய்
தான் அது என்பது!
இனி இலவசங்கள் வரிசையில்
அம்மா டாஸ்மாக்கும் வரும்
அருந்தி மகிழ்வோம்
எச்சில் பொறுக்கும் நாய்களாய் நாமும்!
இது போன்று பல சுவாரஸ்யமான செய்திகள், சினிமா செய்திகள் அனைத்தும் அறியனுமா? இங்கே கிளிக் செய்யுங்க
இனி உங்கள் பார்வைக்காக:
இது போன்று பல சுவாரஸ்யமான செய்திகள், சினிமா செய்திகள் அனைத்தும் அறியனுமா? இங்கே கிளிக் செய்யுங்கள்|
|
0 Comments:
Post a Comment