குணத்தை கெடுக்கும் குடிபானம்! குமரிப் பெண்ணால் வாழ்வே நாசம்!
அப்பாவியாய் இருந்தேன் - அன்றொரு நாள்
அருமை நண்பன் ஆசையாய் அழைத்தான்
தப்பாக இருக்காது மச்சான் என்றான்
தரமான சரக்கிது அடி என்றான்
முப்பாலும் கற்காது இவ் உலகில்
மூன்றாம் பால் கற்ற நானோ
மப்பேத்தும் கள்ளதனை கண்டதுமே நெகிழ்ந்தேன்
மனதையும் பறி கொடுத்தேன் - மயக்கத்தில்
தப்பான ரூட்டில் போவேனா என்றேன்!
தரமான கள்ளு என தமிழுரைத்தேன்
அப்பாவி என் பார்வை தப்பானதோ?
அடுத்தாத்து பெண் மீதும் ஒப்பானதோ?
மப்பாலே மனம் போன போக்கில்
மதி கெட்டும் போய் விட்டேன்
அப்பாவாய் ஆகாத குறையாக இன்றோ
ஆருமற்ற ஜெயிலில் களி தின்றேன்!
|
|
