கலைஞரின் கோவணம் கோபாலபுரத்து காற்றினில் பறந்ததோ?

காற்றினில் பறந்தன தேர்தல் வாக்குறுதிகள்

கண்ணீரால் நனைந்தன ஏழைகள் கண்கள்

சேற்றினில் கால் வைத்த குடும்பங்கள் வீட்டில்

செல்லா காசாய் இப்போ இலவச டீவீக்கள்!

முத்தமிழறிஞர்! முது பெரும் முதல்வர் - ஆட்சி

பித்தது பிடித்து தினமும் பிதற்றிடலானார்

செத்திடும் வேளையில் பொதுச் சொத்துமேல் ஆசை

நித்தமும் கொண்டவராய் நிதம் வருகின்றார்!

மக்களின் சொத்தினை மர்மமாய் கொள்ளையிட்டார்

மாளிகை கட்டி தன் மக்களை வளர்த்திட்டார்

அக்கிரமங்கள் எங்கனும் நடந்தால் - இரங்கி

அறிக்கையும் விட்டு அனுதாபத்தால் ஏமாற்றிடுவார்!!

மணிமேல் ஆசை கொண்டார் 

மகளை ராசாவுடன் கூட்டாக்கி

கனிவாய் ஊழலிட்டார் - கனியின்

இனிய வாழ்வையும் இடருள் அழுந்த வைத்தார்

கோபாலபுரத்தில் கோமகனாய் கொலுவீற்றிருப்பார்

ஆவேச அறிக்கை விட்டு இன்றோ சினிமாவில்

வடிவேல் இல்லாத குறையினையும் அய்யா போக்கிடுவார்

தாவாத தன் உணர்வு இன்னமும் குறையலையே என

மானாட மயிலாட பார்த்து மகிழ்ச்சியில் மூழ்கிடுவார் - இன்னும்

போகாத தன்னுயிரை பெருந்தீயில் மாய்ப்பேன் என 

பொய்யெல்லாம் உரைத்து பேசாமல் சிரிக்க வைப்பார்! 

கலைஞரின் கோவணம் கோபாலபுரத்து

காற்றினில் பறந்ததோ - மக்கள் கண்ணீரின்

வலிமையால் உந்தன் கட்சி வாழ்வும் 

தோல்வியில் துவண்டதோ? - எளிமையின் சிகரமாம்

அண்ணாவை முன் வைத்து நீ நடத்தும்

ஏமாற்று வித்தையும் இன்று சிதைந்ததோ - பேரீச்சம் பழத்திற்கும்

விலை போகா இரும்புத் துண்டாய் 

உன் அரசியல் வாழ்வும்

அடியோடு நிலை குலைந்ததோ? 

வஞ்சியர் நடனம் பார்க்கையில் வதையோனே 

மஞ்சள் துண்டதும் தொலைந்ததோ - மனையாளை

கொஞ்சையில் உந்தன் வெள்ளை துண்டும் 

வேறிடம் தேடி நகர்ந்ததோ - சிந்தனை எல்லாம்

அஞ்சிடா அரசியல் நடாத்துவதில் என சொன்ன பெரியோனே

கஞ்சனாய் உனை ஆக்கிட்டாரோ - நீயும் காவி உடுத்த

துறவியாய் மாறிட ஆசை கொண்டாயோ?

கோவணம் எனப்படுவது ஆபாசச் சொல் அல்ல. தமிழர்களின் பாரம்பரிய உடையினைக் குறிப்பிடும் சொல் ஆகும். 

இப் பதிவிற்குரிய படமானது பேஸ்புக்கிலிருந்து பெறப்பட்டது!

Share