நாளை எனக்கு கல்யாணமாம் - என்ன நான் செய்வேன் சொல்லுங்களேன்!

நாளை எனக்கு கல்யாணமாம் - நான்

என்ன செய்வேன் சொல்லுங்களேன்!

காலை எழுந்தவுடன் கரும்பாய் ஓர் சேதி

மதுரனோ என் காதில் மெதுவாய் சொன்னான்

ஓலை எழுதி ஒருத்தியை பார்த்து

ஒன்னை எனக்கு புடிச்சிருக்கு என்றும் சொல்லவில்லை

வேளை வரும் வரை காதல் வெறி கொண்டு அலைந்து

வெட்டியாய் நானும் காத்திருக்கவில்லை

தானாய் வந்ததோர் வாய்ப்பு - தயக்கத்துடன்

என்னை நானே கண்ணாடியில் பார்த்தேன் - 

வீணாய்ப் போன நிரூபன் உனக்கா கல்யாணம்?

விட்டத்தை முறைத்தேன் - வெட்கத்தில் சிரித்தேன்!

தேனாய் இனிக்கும் தேவ மங்கை வருவாளா - இல்லை

தேவ ரம்பயைர் போல ஓர் நங்கை கிடைப்பாளா

ஏனோ தெரியவில்லை - மனதில் ஆனந்த தொல்லை

என்னவள் என்னிடம் வந்தால் இரவென்பதே வாழ்வினில் இல்லை!

மீனா போன்ற கண்ணழகியா - இல்லை மினுக்கி குலுக்க்கி 

மீண்டும் மீண்டும் ரசிக்கத் தூண்டும் காதல் பேரழகியா? 

ஊணை மறந்தேன் - என் உறவை பார்க்க துடியாய் துடித்தேன்

உடனே அவள் வர வேண்டுமே என வாசலில் தவித்திருந்தேன்!

கனாவில் கழியும் வாலிப வாழ்க்கை இனிமேல் 

கன்னியின் மடியில் என எண்ணிப் பார்த்தேன்!

நிலாவில் போய் வசிக்கா இடமில்லை; என்றாலும் அவள்

நினைப்புடன் அருகே வாழ்வதில் சுகம் என நானும் நினைத்தேன்!

பொண்ணை காணவில்லையே என பெரு மூச்சு விட்டேன்

பொறுமை காக்கச் சொன்னான் மதுரன் - எதிர்பார்ப்புடன் நின்றேன்

கண்ணில் அவள் பற்றிய நினைப்புடன் அலைந்தேன் 

காத்திரு காதலி கிடைப்பாள் எனச் சொன்னான் - சரி என்றேன்!

அண்ணே நிரூ! நாளை எனக்கு கல்யாணம் என்றான் 

அடடா, நானும் ரெடியாகனும் என்றேன் - போடா

வெண்ணெய்! மாப்பிளைத் தோழனுக்கு எதுக்கு அவசரம்?

வெட்டியாய் இரு! மாப்பிளை நானும் ரெடியாகனும் என்றான் மதுரன்!

போலீஸ் தொல்லையால் இன்பம் போச்சே!

கண்ணழகி - கட்டழகி ஹம்சிகாவை கண்ட இடம் திண்டிவனம்

கண்ணியமாய் என்னை பார்த்ததனால் அவளுக்கும் நல்ல குணம்

அன்பு மழை பொழிந்தேன் - ஆதரவாய் அணைத்தேன்

அழகி அவள் உடலை அடைய அடையார் வரை போனேன்

அக்கம் பக்கம் பார்த்தேன் - கட்டி முத்தம் வைத்தேன்

சொர்க்கம் எங்கே இருக்கும் என தேடுகின்ற நேரம் - ரூமை

சோதிக்கின்ற நோக்கத்துடன் வாசலிலே போலீஸ்

வெட்கத்துடன் பொட்டுத் துணி இன்றி நின்றிருந்தேன் நானும் - என்னை

வேகமாக ஜீப்பினிலே போட்டார் கான்ஸ்டபிள் ஆறுமுகனும்

கட்டிலிலே தொலைய வேண்டிய என் சக்தி- இப்போ சிறை

கம்பிக்குள்ளே தொலைகிறதே என நொந்தேன் - புத்தி தெளிந்தேன்!

*****************************************************************************************************************************

இப் பதிவினூடாக நாம் செல்லவிருக்கும் வலைப் பூ எது தெரியுமா? "அலையல்ல சுனாமி" வலைப் பூ தானுங்க. என்னங்க பேரைக் கேட்டதும் சும்மா அதிருதில்லே. பெயருக்கு ஏற்றாற் போலவே கவிதைகள், பொதுத் தகவல்கள், மற்றும் அறிவியல் விடயங்களை தன் அலையல்ல சுனாமி வலைப் பதிவில் பகிர்ந்து வருகிறார் பதிவர் "விச்சு" அவர்கள். 

ஓய்வாக இருக்கும் போது அலையல்ல சுனாமி வலைப் பூவிற்கு நீங்களும் ஒரு தடவை சென்று வரலாம் அல்லவா?

http://alaiyallasunami.blogspot.com/

*****************************************************************************************************************************

Share