பதிவுலகில் ஒரு வருடம் & தமிழ்மண நட்சத்திர வாரம்!

இணைய வலையேறி கணித் திரை வழி புகுந்து உங்கள் இதயங்களை நாடி வரும் நாற்று வலைப் பதிவிற்கு வருகை தந்திருக்கும் அனைத்துச் சொந்தங்களுக்கும் அன்பான வணக்கங்கள்;
சுய புலம்பல்:

நேற்றுப் போல இருக்கிறது. கடந்த வருடம் தை மாதம் 19ம் திகதி (19.01.2011) அன்று ப்ளாக் எழுத வந்து இப்போது ஒரு வருடமும் ஆகி விட்டது. என்னமோ தெரியவில்லை. சின்ன வயதிலிருந்து இலக்கியம், வானொலி, நாடகங்கள் மீது தீராத காதல். ஹை இஸ்கூல் வந்த பின்னர் தமிழுக்கும் எனக்குமான நெருக்கம் கல்லூரிப் பாடத்தின் அடிப்படையில் குறைந்தாலும், தமிழோடு நானும் தவழ வேண்டும் எனும் ஆர்வம் மட்டும் என்னை விட்டுப் போகவேயில்லை.

என் மன உணர்வுகள், எங்கள் தேசத்தின் அவலங்கள், அழு குரல்கள், என்னோடு படித்த கல்லூரி தோழர்களின் நினைவலைகள் இவை யாவற்றையும் கையெழுத்து வடிவில் அப்பியாச கொப்பிகளில் (நோட்டு புக்) எழுதி பத்திரப்படுத்திக் கொள்வேன். சின்ன வயசில் எட்டாம் வகுப்பு படிக்கும் போது வண்ணத்தமிழ் எனும் பெயர் கொண்ட சஞ்சியிகையினை நண்பர்கள் சிலர் இணைந்து கையெழுத்து சஞ்சிகையாக வெளியிட்டு சந்தைப்படுத்தும் செயற்பாடுகளையும் மேற்கொண்டோம்.அப்போது அந்தச் சஞ்சிகைக்கு ஆக்கங்களை எழுதுவதற்கு ஒப்புவித்த நண்பர்களின் பங்களிப்பானது குறைந்து கொண்டு செல்ல நானும் ஐந்து நண்பர்களும் இணைந்து ஆக்கங்களை எழுதி அந்தச் சஞ்சிகையினை வெளியிட்டுக் கொண்டிருந்தோம். இந்தக் கையெழுத்துப் பிரதியில் பல பெயர்களில் நானே என் ஆக்கங்களை எழுதி வெளியிட்டும் இருந்தேன். இந்த மாதிரியான சின்னச் சின்ன செயற்பாடுகள் என்னுள் எழுத வேண்டும் எனும் உணர்வினை ஏற்படுத்தியது எனலாம்.

பிறந்த இடம் ஈழவளநாட்டின் வடபுலத்தின் வன்னியெனச் சிறப்பிக்கப்படும் முல்லைத்தீவு மாவட்டத்தில் உள்ள நட்டாங்கண்டல் எனும் அழகிய கிராமம். சந்தர்ப்ப சூழ் நிலைகளால் யாழ் நோக்கி தந்தையாரின் தொழில் நிமித்தம் குடி புகுந்தோம். கல்லூரி, பல்கலைக்கழகம் என எல்லா இடமும் ஓடி ஓடி இடப் பெயர்வுகளின் நடுவே படித்து; பின்னர் மீண்டும் வன்னிக்குள் வாழும் வரத்தினைப் பெற்றேன். நான் கிளிநொச்சியில் வாழ்ந்த சமயத்தில் என் மச்சாள் ஒருத்திக்கும் (அத்தைப் பொண்ணு) எனக்கும் ஒரு இது இருந்தது. சின்ன வயசில் நான் எழுதிய எழுத்துக்களை வீட்டில் பத்திரப்படுத்தியிருந்தேன். யாரோ ஒரு பிகரைப் பார்த்து ஜொள்ளு விட்டு நான் எழுதிய கவிதையினை அவள் எங்கள் வீட்டிற்குள் நுழைந்து திருட்டுத்தனமாகப் படித்து விட்டாள். அப்புறம் என்ன; எங்கள் வீட்டாரிடம் ஏதும் கூறாது என்னுடைய கவிதைகள் அடங்கிய கொப்பியினை நெருப்பில் எரித்து விட்டாள். 

விடயம், நான் கிளிநொச்சியிலிருந்து விடுமுறையில் வீட்டிற்கு வந்த போது தான் தெரிந்தது. அப்புறம் அழுதேன். ஆனாலும் அழிந்த படைப்புக்களில் மனதில் நினைவில் உள்ள சிலவற்றை மீண்டும் எழுதிச் சேர்த்தேன். பத்திரிகை, வானொலி, மற்றும் ஊடகங்கள் மீதான தீராத காதல் என்னை மேலும் மேலும் எழுதத் தூண்டியது. பல ஆக்கங்கள் எழுதியனுப்பி, பத்திரிகைகளில் வெளிவந்த போது அவற்றை கட் பண்ணி பத்திரப்படுத்தியும் வைத்திருந்தேன். ஆனால் அவை எல்லாமே ஈழத்தில் இடம் பெற்ற கொடிய போர் அரக்கனின் நகர்வுகளின் கீழ் அமிழ்ந்து போய் விட்டன. இன்று இவை தான் என்னுடைய படைப்புக்கள் என்று சொல்ல முடியாத சூழ் நிலையில், நானும் ஏதோ கிறுக்குகிறேன் என்று உரிமை கோர முடியாத நிலையில் என்னுடைய பல படைப்புக்களை வன்னி மண்ணில் தொலைத்து விட்டேன். 

வலையுலகிற்குள் வந்த கதை:

இணையம் தந்த இணையற்ற வரப்பிரசாதத்தினால் இன்று உங்கள் முன் ஓர் சிறு நாற்றாக நானும் இருக்கிறேன் எனச் சொல்லிக் கொள்வதனைத் தவிர வேறு என்ன உள்ளது? என்னைப் பற்றி அதிகம் சொல்ல இல்லை என்றே கூறலாம். என்னைப் பற்றி நான் சொல்லுவதற்கோ அல்லது பிறர் என்னைப் புகழ்வதனையோ நான் ஒரு போதும் விரும்புவதில்லை.என்னைப் புகழ்வோரை விட என்னை விமர்சிப்போரைத் தான் நான் அதிகம் நேசிப்பதுண்டு. நாம் வளர்ந்த காலத்தில், எதையும் தீவிரமாக ஆராய்ந்து தேட வேண்டும். தேடி அறிய வேண்டும் எனச் சொல்லி வளர்த்தார்கள். அந்த தேடல், ஊக்கம், அவர்களால் எமக்குள் ஊட்டப்பட்ட எழுத்துக் கருக்கள் தான் இன்று என்னால் உங்கள் முன் இணையத்தில் நானும் ஏதோ கிறுக்குகிறேன் எனச் சொல்லிக் கொள்ள ஓர் உந்து சக்தியாக அமைந்திருக்கிறது. 

வலையுலகில் நான் என்ன சாதித்தேன் என்று நீங்கள் கேட்கலாம். வன்னியில் வாழும் போதும், பின்னர் சிறை, முட்கம்பி வேலி ஆகியவற்றில் இருக்கையில் வலைப் பூக்கள் பற்றி அறிந்து வைத்திருந்தேன். இவை எல்லாம் ஏதோ கற்பனைக்கும் எட்டாத கட்டணம் செலுத்தி எழுதும் வலைப் பூக்கள் அல்லது ஊடகங்கள் என நினைத்து பல தடவை வலைப்பூக்கள் எழுதும் முயற்சியினைக் கைவிட்டதுண்டு.ஆனாலும் விடா முயற்சி, தேடலின் பயனால் நானும் உங்களோடு இணைந்திருக்கிறேன் எனலாம். எம்மை வளர்த்தவர்கள் தமிழக உறவுகள் மீதான பாசத்தினை எமக்குள் ஊட்டி வளர்த்திருக்கிறார்கள். வலைப் பதிவில் நான் எழுத வந்த போது ஈழப் பதிவர்களுக்கும், தமிழக உறவுகளுக்குமான இடைவெளி மிக அதிகமாக இருந்தது எனலாம்.

நண்பர்களின் நல்லாதரவு அல்லது சக பதிவர்களின் உற்சாக டானிக்:

நான் வலைப் பதிவு எழுத வந்த காலத்தில் மதிசுதா, மற்றும் ஓட்டவடை நாராயணன் (ஐடியா Funny இன் ஜெராக்ஸ்) ஆகியோர் தான் தமிழக உறவுகளோடு அதிக நெருக்கங்களைக் கொண்டிருந்தார்கள்.தமிழக உறவுகளுக்கும் எமக்கும் பல விடயங்கள் ஒத்துப் போனாலும், மொழி அடிப்படையில் ஈழத்து ஊடகங்களின் மீதான பரிச்சயம் தமிழகச் சொந்தங்களுக்கு குறைவாகவே காணப்பட்டது. ஆதலால் எம் இயல்புத் தமிழை இலகுத் தமிழாக மாற்றி எழுதினால் தான் நிச்சயமா தமிழகச் சொந்தங்களுடனான உறவினை வலுப்படுத்த முடியும் எனப் புரிந்து கொண்டேன். என் முதற் பதிவிற்கு பின்னூட்டம் எழுதிய டி.சாய், மதிசுதா, எப்பூடி, பிரேம், ஆகிய நண்பர்களைத் தொடர்ந்து சென்னிமலை செந்தில்குமார் என எமக்கு எல்லாம் தமிழக சஞ்சிகைகள் ஊடாகப் பரிச்சயமான சிபி செந்தில்குமார், ஹேமா, ஜனா ஆகியோர் என்னுடைய பதிவுகளிற்கு ஊக்க மருந்தும், உற்சாக டானிக்கும் கொடுத்து என்னை வரவேற்றார்கள்.

மைந்தன் சிவாவின் அறிமுகமும், கவியழகன் / கவிக் கிழவனின் அறிமுகமும் இதன் பின்னர் கிடைத்தது. இவர்கள் இருவரும் தான் என்னை மொக்கை போடாது காத்திரமாக எழுதுமாறு உற்சாகமூட்டினார்கள். அப்புறமா சிபி செந்தில்குமார் சில வலையுலக நுணுக்கங்களையும், நான் எழுதிய பின்னூட்டங்களைப் பற்றிய கருத்துக்களையும் தந்து தொட்ர்ந்தும் எழுத உற்சாகமூட்டினார். பின்னர் ஓட்டவடை நாராயணன் என் பதிவுகளைப் படித்து கமெண்ட் போட்டுக்கிட்டு இருந்ததோடு மாத்திரமின்றி யூஸ்புல்லா பின்னூட்டங்களுக்கு பதில் போட வேண்டும் எனவும், எந்த மாதிரியான பதிவுகளை எழுத வேண்டும் எனவும் சொல்லி கொடுத்தார். எம் இருவருக்கும் நாம் முன்பே அறிமுகமானவர்கள் என்ற விடயம் பல மாதங்களாகத் தெரியாதே வலையுலகில் நட்புடன் பழகி வந்தோம். திடீரென உரையாடும் போது தான் நமக்குள் ஏலவே ஒரு கனெக்சன் இருந்தது எனும் விடயம் தெரிய வந்தது.

அப்புறமா தம்பி கூர்மதியன் எனும் அருமையான நண்பர், மிக நீண்ட விமர்சனங்களை எல்லாம் என் பதிவுகளுக்கு கொடுத்து என்னை மெருகூட்டினார். கில்மா பதிவு போட்டால் ப்ளாக் பக்கம் வரவே மாட்டேன் என மிரட்டியுமிருந்தார். பல பதிவுகள் தொடர்பான கருத்துக்களை பின்னூட்டங்கள் வாயிலாகவும், மெயிலிலும் பகிர்ந்திருக்கிறார். நண்பர் சீனிவாசன் பீமாராவ் எனும் அன்பரும் தன் கருத்துக்களைப் பின்னூட்டங்கள் ஊடாகவும்,தனி மடலிலும் விமர்சனங்களாக வழங்கி என்னை மெருகூட்டியிருக்கிறார். எனக்கு புகழ்வது பிடிக்காது என்ற காரணத்தினால் வலைச் சரத்தில் நான் பதிவெழுத வந்து இரண்டாம் வாரத்தில் என்னை அறிமுகம் செஞ்சு பாரி எனும் அன்பர் பில்டப் கொடுத்து எழுதியதைக் கூற தவறாகப் புரிந்து கொண்டு அப் பதிவிலிருந்து என் பெயரை நீக்குமாறும், நான் ஓர் நாற்று ஐயா! நான் வளர்ந்த பின்னர் எழுதுங்கள் எனவும் சொல்லி சண்டையிட்டிருக்கிறேன்.வலைச் சரத்தில் புதிய பதிவர்களையும் அறிமுகப்படுத்துவாங்க என்று தம்பி கூர்மதியன் சொல்லிய பின்னர் தான் நான் தவறாகப் பாரியுடன் சண்டையிட்ட விடயம் தெரிந்தது. அப்புறமா பேசி சமாதானம் ஆயிட்டேன். 

என் எழுத்துக்களுக்கு அங்கீகாரம் வழங்கிய ஊடகங்கள் & நண்பர்களின் பங்களிப்புக்கள்:

என் பதிவுகளை வலைச் சரத்தில் அறிமுகப்படுத்திய நண்பர்கள் அனைவருக்கும் இந் நேரத்தில் உளமார்ந்த நன்றிகள். என் பதிவினை இலங்கையிலிருந்து உலகெங்கும் ஒலித்துக் கொண்டிருக்கும் வெற்றி எப்.எம் இன் பணிப்பாளர் திரு.ARV.லோசன் அவர்கள் வானொலியிலும் அறிமுகப்படுத்தியிருந்தார். அவருக்கும் இந் நேரத்தில் உளமார்ந்த நன்றிகள். திரட்டிகளில் பல திரட்டிகள் எனக்கு நல்லாதரவு வழங்கியுள்ளன. தமிழ்மணம், இன்ட்லி, தமிழ்வெளி, உலவு, தமிழ்10, தமிழ்வெளி, ஹாரம், ஒன்இன்டியா, வலையகம், மற்றும் பேஸ்புக் குழும உறுப்பினர்கள், டுவிட்டரில் என்னை பின் தொடரும் பாலோவர்கள், பத்திரிகை உலகில் தினமணி, விகடன் ஆகிய தமிழகப் பத்திரிகைகள் எனப் பலர் நல்லாதரவு வழங்கியிருக்கிறாங்க. வழங்கி வருகிறார்கள். இவர்கள் அனைவருக்கும் என் நன்றிகள். பதிவுலகில் என் பதிவுகளை திரட்டிகளில் இணைத்து விடுகின்ற பணியினை நான் கேட்கும் வேளையில் மறுக்காது செய்கின்ற நிகழ்வுகள் கந்தசாமி, மனோ அண்ணர், மதுரன், ஐடியா மணி, மற்றும் பலே பிரபு ஆகியோருக்கும்,வீடு சுரேஸ்குமாரிற்கும் உளமார்ந்த நன்றிகள் உரித்தாகட்டும். 

கந்தசாமி பற்றிய நினைவுகளை மீட்டுகையில் நிறைய விடயங்களை எழுதலாம். பல பதிவர்களின் ப்ளாக்கினை நான் ரிப்பேர் செஞ்சு கொடுப்பேன். ஆனால் என் ப்ளாக்கின் முகப்பு அலங்காரங்கள் முதல், பல பதிவுகளிற்கான படங்கள் வரை அனைத்தையும் ரிப்பேர் & டிசைனிங் செஞ்சு கொடுத்த சிறப்பு கந்தசாமி தாத்தாவிற்கே உரியது. இப்படிப் பல பதிவர்களின் பணிகளைப் பற்றிச் சொல்லிக் கொண்டே போகலாம். திரட்டிகளில் தமிழ்மணம், இன்ட்லி ஆகிய திரட்டிகளுடன் சில பதிவுகளின் அடிப்படையில் முரண்பட்டிருகிறேன். ஆனாலும் என்னை இன்று வரை வளர்த்துக் கொண்டிருப்பவர்கள் அந்தத் திரட்டிகள் தான். இறுதியாக ஒரு கருத்துப் பரிமாற்றத்தின் போது பெயரிலி அண்ணர் (க.இரமணிதரன் - தமிழ்மண நிர்வாகிகளுள் ஒருவர்); "கில்மா பதிவு போட்டா கூட்டமா பன்றிகள் வரும். கிரேட் பதிவு போட்டால் பசுக் கன்றுகள் வரும். பன்னிக் குட்டிகள் போல 15 வேண்டுமா அல்லது பசுக் கன்று போல ஒன்று வேண்டுமா என நகைச்சுவையாகப் பேசி பதிவுலகில் நல்ல பதிவுகளை எழுத வேண்டும்" எனும் உண்மையினை உணர்த்தினார். அவருக்கு இந் நேரத்தில் நன்றிகள்.

விமர்சனங்களால் மெருகூட்டி பின்னூட்டங்களால் ஆதரவு நல்கும் நண்பர்கள்:

இவ் வேளையில் தொடர்ச்சியாக என் பதிவுகளுக்கு ஆதரவு நல்கி வரும் அனைவரையும் நான் நினைவு கூர்வது கடமை. ஆனால் பல நண்பர்களின் பெயர்கள் விடுபட்டுப் போகலாம். எல்லோரையும் தனித்தனியே நினைவு மீட்டல் செய்வதற்கு முன்பதாக என் பதிவுகளுக்கு விமர்சனங்களையும், நல்லாதரவினையும் வழங்கி வரும் அனைத்து வாசகர்களுக்கும் என் உளமார்ந்த நன்றிகள்.  பதிவர்கள் அல்லாது பின்னூட்டம், மற்றும் ஓட்டுக்கள் வாயிலாக என் பதிவுகளுக்கு ஆரம்ப காலம் முதல் இன்று வரை உற்சாக டானிக் வழங்கும் எழிலன் - இளஞ்செழியன் அண்ணா, Robin அண்ணா, யோகா ஐயா, மகி75, Aavuraan, ஆகிய சொந்தங்களுக்கும், இன்னும் பெயர் குறிப்பிட மறந்த அனைத்து உள்ளங்களுக்கும் உளமார்ந்த நன்றிகளைத் தெரிவித்துக் கொள்கின்றேன்.

எனக்கு எப்போதும் விமர்சனங்கள் பிடிக்கும் என்பதால் என்னைப் பற்றிய விமர்சனப் பதிவுகளை எழுதித் தள்ளிய ரதி, அனாமிகா துவாரகன், ஜோதிஜி திருப்பூர், மற்றும் முஹமட் ஆஷிக் ஆகிய அன்பு நண்பர்களும், இன்னும் பல நண்பர்களும் தான் விமர்சனங்கள் மூலம் என்னை எளிமைப்படுத்தியுள்ளார்கள். அவர்களுக்கு நன்றி. இவர்களுடன் மயிலன், ஹாலிவூட் ரசிகன், காந்தி பனங்கூர், ஆகுலன், குமரன், திண்டுக்கல் தனபாலன், ராஜபாட்டை ராஜா, வேடந்தாங்கல் கருன், கவிதை வீதி சௌந்தர், ரமேஷ்பாபு, பலே பிரபு, வசந்தா நடேசன், கார்தி (பொட்டலம்) சீனிவாசன் பீமாராவ், தனிமரம் நேசன் அண்ணர், ஆதவா, டி. சாய், சேட்டைக்காரன், இராஜராஜேஸ்வரி, நாய்க்குட்டி மனசு ரூபினா, மகாதேவன், கடம்பவன குயில், நிலாமகள், இரா.எட்வின், ஆப்பிசர் சங்கரலிங்கம், ஸ்பார்க் கார்த்தி, கொக்கரக்கோ, சாதாரணமானவள், இந்திரா, சுவனப் பிரியன், ஆதிரை, வந்தியத்தேவன், கருப்பன், கீதா ஆஷ்சல், அஸ்வின், M.சண்முகன், ஹாஜாமைதீன், சிராஜ், ரஹீம் ஹசாலி, புதிய தென்றல், அன்புடன் மலிக்கா, ஷாசிகா, சஜி, அமுதவன், காலிங்கராஜர், ஆகாயமனிதன், அம்பாளடியாள், இமா டீச்சர், வானதி அக்கா, வெளங்காதவன், ஈரோடு தங்கதுரை, உலக சினிமா ரசிகன், ரமணி ஐயா, எங்கள் ப்ளாக் ஸ்ரீராம், எப்பூடி (ஜீவதர்ஷன்), சந்துரு, விமலன், சிவகுமாரன் கவிதைகள், புலவர் இராமாநுசம் ஐயா, ஜெய்லானி, ஜோஸபின் பாபா, டக்கால்டி, முஹம்மட் ரியாஸ், டெரர் கும்மி குழுவினர், வெளங்காதவன், அன்பு உலகம் M.R, பாயிக் முஹம்மட், ரியாஸ் அஹமட்( நுனிப் புல்லில் ஓர் பனித் துளி), நண்டு நொரண்டு, நல்ல நேரம் சதீஷ்குமார் அண்ணாச்சி, நாய் நக்ஸ், பதிவுலகில் பாபு, பிரபாஷ்கரன், கௌசல்யா, ஆனந்தி அக்கா, மருதமூரான், மன்னார் அமுதன், பிரணவன், ஸ்ரீதர்சன் (பதியவும் பகிரவும்), ARR.ராஜகோபாலன், ஷர்புதின், மாலதி, கீதா, வடலியூரான், ராஜநடராஜன், தோழி பிரஷா,சித்தாரா மகேஷ், பூங்கோதை, கானாவரோ, தங்கராஜா கீர்த்திராஜ், உண்மையா பொய்யா அப்பு, ஜேகே, துரைடானியல்,KRP செந்தில், சிதறல்கள் ரமேஷ், சித்ரா மேடம், ஆகிய அன்பு உள்ளங்களுக்கும், இவர்களில் தவறவிடப்பட்ட நண்பர்களுக்கும் மீண்டும்! மீண்டும் என் நன்றிகள்.

அருகே இருந்து ஊக்கம் கொடுக்கும் அன்புச் சொந்தங்கள்:

என்னை அடிக்கடி செம்மைப்படுத்த உதவுகின்றவர்கள், என் படைப்புக்கள் அடிக்கடி திருத்தம் பெற உதவுகின்றவர்கள், நான் தொடர்ந்தும் எழுத வேண்டும் என சோர்ந்திருக்கும் நேரத்தில் எல்லாம் உற்சாகம் கொடுக்கின்ற உள்ளங்களாக சிபி.செந்தில்குமார், பவுடர் ஸ்டார் - ஒன்னும் தெரியாத ஐடியாமணி / ஓட்டவடை நாராயணன், மதிசுதா, காட்டான் அண்ணர், யோகா ஐயா, ஆமினா அக்கா, வருண் பிரகாஷ், பூனைகளின் தோழியான அதிரா அக்கா (மிக......நீண்ட....கமெண்ட் போட்டு ஊக்கப்படுத்துவா), உமாஜீ, விக்கி உலகம் வெங்கட்குமார், ஏஞ்சலின் அக்கா, தம்பி கூர்மதியன், ஹேமா அக்கா, செங்கோவி, தமிழ்வாசி பிரகாஷ், வீடு சுரேஸ்குமார், கவுன்சிலர் அண்ணர் சண்முகலிங்கம், ஆகுலன், KSS.ராஜ், தனிமரம் நேசன், ஜனா அண்ணா, மதுரன், மைந்தன் சிவா, கவியழகன், ARV.லோசன் அண்ணர், பொன்னர் அம்பலத்தார் ஐயா, யோகா ஐயா, பன்னிக்குட்டி ராம்சாமி அண்ணர், கோகுல் மகாலிங்கம், மாய உலகம் ராஜேஷ், வந்தேமாதரம் சசி, ராஜநடராஜன் அண்ணர், சென்னைப் பித்தன் ஐயா, துஸ்யந்தன், கந்தசாமி தாத்தா, ரேவா, மகேந்திரன் அண்ணாச்சி, ஆப்பிசர் சங்கரலிங்கம்,நாஞ்சில் மனோ அண்ணர்,பிலாசபி பிரபாகரன், ரேவரி, மெட்ராஸ்பவன் சிவகுமார், சீனிவாசன் பீமாராவ், சுவடுகள் கேதரன், யாழினி அக்கா, ஆகுலன்,அழகிய இடைக்காடு சக்திவேல் ஐயா, பி.அமல்ராஜ் அண்ணர், டொக்டர் எம்.கே.முருகானந்தன் ஐயா, சதாலட்சுமி பாஸ்கர் ஆன்ரி, பதிவர் சரியில்ல, மற்றும் இங்கே விடுபட்ட அத்தனை அன்புச் சொந்தங்களுக்கும் என் நன்றிகளை மட்டும் சொல்லி உங்களில் இருந்து என்னைப் பிரித்துப் பார்க்க விரும்பவில்லை. எல்லோருடைய அன்பிற்கும், உற்சகாத்திற்கும் ஊக்கத்திற்கும் நன்றிகள்.

நண்பர்களின் பதிவுகளுக்கு பின்னூட்டம் எழுதாமைக்கான காரணங்கள்:

இவ் வேளையில் பலருக்கு என் மீது கடுப்பு இருக்கலாம், கோபம் இருக்கலாம், ஆரம்பத்திலிருந்து இந்த வருட ஆகஸ்ட் மாதம் வரை அதிக பின்னூட்டங்களை எழுதிய நிரூபன் தற்போது பின்னூட்டங்களை எழுதுவதில்லை என்று கோபம் இருக்கலாம். அத்தோடு என் வலையிலும் என் பதிவுகளுக்கு நான் மீண்டும் உங்க ப்ளாக்கிற்கு வந்து பின்னூட்டம் எழுதுவேன் என்ற நோக்கத்தில் எழுத வேண்டாம் என்று சொல்லியிருந்த்தேன். எனக்கு கிடைக்கும் ஓய்வு நேரங்களில் பதிவுகளை மாத்திரம் தான் எழுத முடிகிறது. பின்னூட்டங்களை எழுத ஆரம்பித்தால் எல்லோர் வலைக்கும் பின்னூட்டங்கள் எழுத வேண்டும். ஆனால் டைம்மிற்கு எங்கே போவது. ஆகவே மன்னித்துக் கொள்ளுங்கள். நேரம் உள்ள போது கண்டிப்பாக வாரம் ஒரு தடவை என்றாலும் உங்கள் வலைகளுக்கு வருவேன். 

பதிவுலகில் என் ஓய்வு நேரங்களில் செய்ய நினைப்பவை/ செய்தவை:

எல்லோரும் நன்றாக எழுத வேண்டும் எனும் ஆவலினால் பதிவர் அறிமுகத்தினை ஒவ்வோர் பதிவுகளின் கீழும் வழங்கி வருகின்றேன். நேரம் அதிகமாக இல்லை என்பதால் புதிய பதிவர்களை தொடர்ந்தும் அறிமுகப்படுத்த முடியவில்லை. புதிய பதிவர்கள் இருந்தால் உங்கள் வலைப் பதிவு பற்றிய விபரங்களை தொடர்புகட்கு எனும் பகுதியூடாக அனுப்பி வையுங்கள். இணைத்துக் கொள்கின்றேன்.பதிவுலகில் மதுரன் மற்றும் KSS.ராஜ் தலமையிலான ஈழவயலில் இணைந்து ஈழத்து கலை கலாச்சர விடயங்களை எழுத ஆரம்பித்தது ஓர் சந்தோசம். தமிழகச் சொந்தங்களோடு கைகோர்க்க சந்தர்ப்பம் கிடைத்தது இன்னோர் சந்தோசம். ஈழ வரலாறு பற்றிய தொடரினை எழுத தொடங்கியது இன்னும் இன்னும் சந்தோசம். அதன் பத்து பாகங்களை உள்ளடக்கிய முதலாவது அத்தியாயம் முடிவடைந்து விட்டது. ஏனைய பாகங்கள் வெகு விரைவில் உங்களை நாடி வரும். உங்களைப் போன்ற பல வாசகர்கள் இச் சிறியேனின் படைப்புக்களைப் படிப்பது மென்மேலும் சந்தோசம்! கருத்துக்கள் அடிப்படையில் புரிந்துணர்வுடன் கூடிய ஓர் இளைய தலைமுறை ஊடகவியலாளர்களை நண்பர்கள் சிலருடன் இணைந்து வளர்த்தெடுக்கிறோம் என்பது இன்னுமோர் மகிழ்ச்சியான செய்தி.

வாழ்த்துக்கள் என்று ஒற்றை வரியில் சொல்லாது, என் படைப்புக்களைப் பற்றிய குறைகளை, விமர்சனங்களை, என்னிடம் நீங்க எவ்வாறான படைப்புக்களை எதிர்பார்க்கிறீங்க என்று சொன்னீங்க என்றால் ரொம்ப மகிழ்ச்சியாக இருக்கும். வலையுலகில் என்ன சாதனை என்று யாருமே கேட்க வேணாம். அப்புறமா எல்லோரும் பதிவெழுதி ஹிட்ஸ் அடித்து அண்ணா நகரில அப்பார்மெண்ட் வாங்குறாங்களாம், நான் சேலத்தில ரெண்டு மாந்தோப்பு வாங்கியிருக்கேனுங்க. ஹிட்ஸ்சு பத்தி நான் என்ன சொல்லனுமுங்க. நீங்களே சைட் பாரில பார்த்து தெரிஞ்சுக்கலாம். அப்புறம் டுவிட்டர் மற்றும் நண்பர்களால் உருவாக்கபப்ட்ட நாற்று பேஸ்புக் குழுமம், மற்றும் பாலோவர்ஸ் மூலமாயும் நண்பர்கள் என் பதிவுகளைப் படிக்க வாறாங்க. அது பத்தி தெரிஞ்சுக்க ஆர்வமுள்ளவங்க அங்கங்கே கொஞ்சம் நோட்டம் விட்டு பாருங்க. 

கடந்த வாரம் முழுவதும் தமிழ்மணம் திரட்டியில் நட்சத்திர வாரப் பதிவராக இருக்கின்ற அரிய வாய்ப்பினைத் தமிழ்மணம் திரட்டி நிர்வாகத்தினர் வழங்கியிருந்தார்கள். இந்த நட்சத்திர வாரம் இன்றுடன் நிறைவு பெறுகின்றது. பதிவர்களின் படைப்புக்களை பல வாசகர்களிடம் எடுத்துச் சென்று சேர்க்கும் தமிழ்மணச் சொந்தங்களுக்கும் இந் நேரத்தில் நன்றிகள். வாழ்த்துக்கள் என்று ஒற்றை வரியில் சொல்லாது, என் படைப்புக்களைப் பற்றிய குறைகளை, விமர்சனங்களை, என்னிடம் நீங்க எவ்வாறான படைப்புக்களை எதிர்பார்க்கிறீங்க என்று சொன்னீங்க என்றால் ரொம்ப மகிழ்ச்சியாக இருக்கும்.

மீண்டும் இங்கே அன்புச் சொந்தங்கள் யாரையாச்சும் தவற விட்டிருந்தா மன்னிச்சுக் கொள்ளுங்கள்! 

நன்றி! நன்றி! நன்றி! 

ஆர்வமுள்ளவர்கள் என் முதல் பதிவினைப் படிக்க இங்கே கிளிக் செய்யுங்கள்:

Share