குழந்தை தாய்ப் பாலில் அடங்குமா அல்லது தகரப் பாலில் அடங்குமா?

கலவன் பள்ளிக் கூடமும், காதல் செய்யும் ஆசிரியர்களும்- பாகம் 02

டீச்சர் டிங்குசாவும் மாணவர்களும்!

வணக்கம் பிள்ளைகளே, எனச் சொல்லிக் கொண்டு மூன்றாம் வகுப்பு வகுப்பறையினுள் நுழைந்தா டீச்சர் டிங்குசா. இன்றைக்கு நாங்கள் கூட்டல் கழித்தல் பற்றிப் படிப்போம் சரியா என்று கேட்டு விட்டு, பிள்ளைகளே

5+3=8(வலக் கையிலை ஐந்து விரலையும், இடக் கையிலை மூன்று விரலையும் எடுத்துக் கூட்டிப் பாருங்கோ.. விடை சரியாக வரும்..)

4+2= இதுக்கும் அதே மாதிரித் தான் கூட்ட வேண்டும். இரண்டு கை விரல்களையும் வைச்சுக் கூட்டிப் பாருங்கோ. விடை ’ஏழு’  எனச் சொல்லி விட்டு, இப்படித் தான் கூட்டல் கழித்தல் படிக்க வேண்டும் என ஒரு அட்வைஸ் வேறு சொன்னா நம்ம டீச்சர் டிங்குசா.

பிள்ளைகளே! கூட்டல் கணக்கு எப்படிச் செய்வதென்று எல்லோருக்கும் தெரியும் தானே என்ற வாறு, வகுப்பறையினுள் இருந்த முப்பது மாணவர்களுள் ஒருவனான ‘டிங்குமாரை’ எழுப்புகிறா.

''A" கிளாசிலை 25 பேர்

’’B''கிளாசிலை 28 பேர். அப்ப சொல்லுங்கோ பார்ப்பம். A கிளாசையும், B கிளாசையும் சேர்த்துக் கூட்டினா என்ன வரும் என்று?

‘டீச்சர் குப்பை வரும்’ என்று விட்டு அமர்ந்து கொள்கிறான் டிங்குமார்..

இதனால் ஆத்திரமடைந்த ஆசிரியை டிங்குசா தன் பாட நேரம் முடிவடைகிறது என்பதை உணர்ந்தவளாய் வகுப்பறையினை விட்டு வெளியேற முடிவு செய்கிறா. அந் நேரம் திடீரென வகுப்பறையினுள் நுழைந்த ஹெட் மாஸ்டர், இன்றைக்கு ஆங்கில சேர் அல்போன்ஸ் பள்ளிக் கூடத்திற்கு வரவில்லை, டீச்சர் நீங்கள் தான் ஆங்கிலம் கற்பிக்க வேண்டும் என்று சொல்லி விட்டுச் செல்லுகிறார். 

ஆங்கிலம் என்றாலே வேப்பெண்ணையினைப் போல நாக்கில் வெறுப்பு வந்து விடும் உணர்வு கொண்டவளாய், தான் ஒரு தீவிர தமிழ் பற்றாளர் எனும் கொள்கையுடன் இருந்த நம்ம ஆசிரியையின் முகத்தில் இடி விழுந்தாற் போன்ற ஓர் உணர்வு. ஆனாலும் சவாலாக ஏற்றுக் கொண்டு, ஆங்கிலத்தைக் கற்பிக்கத் தொடங்கினார்.

பிள்ளைகளே, conjunction words என்பது வசனங்களை அமைக்கும் போது கண்டிப்பாகத் தேவைப்படுகிறது, ஆகவே இப்போ நான் உங்களுக்கு இந்த இணைப்பிடைச் சொற்களை வைத்து ஒரு சில வசனங்களை அமைப்பது எப்படி என்பதைச் சொல்லித் தாறேன் என்று தொடங்கினா பாருங்க நம்ம டீச்சர்... பாயிண்டு பாயிண்ட் எக்பிரஸ்ஸை விடப் பயங்கர வேகம்.

கந்தையாவின் மாடு, put the சாணி. கந்தையா is get angry,

கந்தையா started ceasing the cow,  Then மாடு running thorough the தோட்டம்,

Started eating the பயிற்றங்காய், வெண்டிக்காய், And பாவற்காய்

finally கந்தையர் Catch the Cow, but he can't catch the vegetables.

என்ன பிள்ளைகளே, புரிஞ்சுதா Conjunction words என்றால் என்ன என்று கேட்டா நம்ம டீச்சர்.

Some body listing your lesson, but Some body want to leave from you'r lesson இதுவும் ஒரு இணைப்பிடைச் சொல் தானே என்று கேட்டான் ஒரு கேள்வியை, நம்ம குழப்படி குசும்பன். நம்ம டீச்சரே வகுப்பறையை விட்டு எஸ்கேப் ஆகிட்டாங்க.

**********************************************************************************

அடுத்த கிளாசிற்கு போனா நம்ம டீச்சர், பிள்ளைகளே இன்றைக்கு உங்களுக்கு உள்ள தமிழ் அறிவினைச் செக் பண்ணிப் பார்க்கப் போறேன். முதலாவதாக ‘அந்த கடைசி வாங்கில இருக்கிற கலக்கல் கண்ணியப்பன்’ எழும்பு என்று அழைத்தா. நம்ம டீச்சர்.

‘’முருகன் மரத்தால் விழுந்தான்..இது என்ன காலம்?

டீச்சர் இது கூடத் தெரியாமலா?, இது கஸ்ட காலம் டீச்சர்.

ஓவராத் தான் நீ படிச்சிருக்கிறாய். அப்பிடியே உட்காரு என்று இருத்தினா டீச்சர்.

அடுத்ததாக பால்களைப் பற்றிப் படிப்போம் என்று சொல்லிவிட்டு முதலாவது கேள்வியை மாணவி, டாரணியை எழுப்பிக் கேட்டா.

குழந்தை என்ன பாலிலை அடங்கும்?

டீச்சர் இது கூடத் தெரியாமலே....

குழந்தை தகரப் பாலிலையும் அடங்கும் இல்லேன்னா பெட்டிப் பாலிலையும் அடங்கும் டீச்சர்.(Tin milk Or packet Milk powder)

ஓம் உண்மையாகத் தான், , இந்தக் காலக் குழந்தைகள் தாய்ப் பாலை விட தகரப் பாலிலை தானே அடங்கும் என்று தனக்குள் தானே நொந்து கொண்டா நம்ம டீச்சர்...

டிஸ்கி: இப் பதிவில் வருகின்ற நகைச்சுவைகளில் Conjunction Word மட்டும் சொந்தமா யோசித்தது, ஏனைய நகைச்சுவைகள், முன்பொரு காலத்தில் யாழ்ப்பாணத்தில் பிரபலமாக இருந்த லூஸ் மாஸ்டரின் தனி நடிப்பு கசற்றிலிருந்து உல்டா செய்து, கொஞ்சம் ரீமேக் பண்ணி, மொழி மாற்றங்களோடு எழுதியிருக்கிறேன்.

Share