பிறர் பதிவுகள் மூலம் சுய இன்பம் காணும் பதிவர்கள்!

அடுத்தவன் குழந்தைக்கு அப்பனாக நினைக்கும் பதிவர்கள் - ஓர் அலசல்!

"ஒத்தப் பதிவின் மூலம் மொத்த ஹிட்ஸையும் அள்ளுவது எப்படி?" எனும் தொடர் பதிவின் ஆறாவது பாகத்தினைப் படிக்க வந்திருக்கும் அன்புச் சொந்தங்கள் அனைவருக்கும் இனிய வணக்கங்கள்;

முதலாவது பாகத்தினைப் படிக்க இங்கே கிளிக் செய்யவும்>>>

இரண்டாவது பாகத்தினைப் படிக்க இங்கே கிளிக் செய்யவும்>>>

மூன்றாவது பாகத்தினைப் படிக்க இங்கே கிளிக் செய்யவும்>>> 

நான்காவது பாகத்தினைப் படிக்க இங்கே கிளிக் செய்யவும்>>>
ஐந்தாவது பாகத்தினைப் படிக்க இங்கே கிளிக் செய்யவும்>>> இனி ஐந்தாவது பாகத்தின் தொடர்ச்சியினைப் படிப்போமா? எல்லோரும் பதிவினைப் படிக்க ரெடியா? ஸ்னாக்ஸ், சிப்ஸ், அப்புறம், கூல் ட்ரிங்க்ஸ் எல்லாமே கொண்டு வந்திருக்கிறீங்களா?  வாங்க, வாங்க.

பிறர் படைப்பின் மூலம் சுய இன்பம் காணும் பதிவர்கள்:

பதிவர்களை முட்டாளாக்கும் பதிவர்கள் செய்யும் இன்னுமோர் மகா தவறு என்ன தெரியுமா? தாம் படித்த பதிவினைப் பிறருடன் பகிர்ந்து கொள்ள நினைப்பது தவறு அல்ல. அதே நேரம் தமக்கு பிடித்த படித்துச் சுவைத்த விடயங்களையும் பிறருடன் பகிர்ந்து கொள்வதும் தவறே அல்ல. சில பதிவருங்க பதிவினைப் பிற இடங்களில் இருந்து காப்பி பேஸ்ட் செஞ்சிட்டு அந்தப் பதிவினை மட்டும் பெரிய எழுத்துருவில் போட்டு விடுவாங்க. ஆனால் தாங்க எங்கே இருந்து காப்பி செஞ்சிருக்கோம் என்ற விடயத்தினை மாத்திரம் மிகவும் சிறிய எழுத்துருவில் அடையாளம் தெரியாத மாதிரி ஒரு மூலையில் ஓரமாப் போட்டிருப்பாங்க.இம் மாதிரியான பதிவர்களுக்கு வேண்டியதெல்லாம் மத்தவங்க படைப்பினை தாங்கள் பிரசுரித்தாலும் தமது படைப்பு என நினைத்து பிறர் தம்மை புகழ வேண்டும் எனும் ஆசை தான். 

பதிவுலகில் காப்பி பேஸ்ட் பதிவர்கள் என்று சொல்லப்பட்டு சர்ச்சைக்குள் சிக்கிய பதிவுலக நண்பர்கள் எல்லோரும் வெளிப்படையாகவே தாம் எங்கிருந்து இப் பதிவினை காப்பி பண்ணியிருக்கோம் என்பதனை பெரிய எழுத்துருவில் போட்டிருப்பாங்க. ஆனால் இம் மாதிரியான சுய இன்பம் காணும் நோக்குடைய பதிவர்கள் மாத்திரம் விதி விலக்காக பிறர் படைப்பினைக் காப்பி பண்ணி அப்படியே தமது படைப்பு போன்று எழுதி விட்டு, அதன் கீழ் ஓரமா இந்தியா டுடே இல்லேன்னா இன்னோர் சஞ்சிகையில் இருந்து எடுத்தது அப்படீன்னு போட்டிருப்பாங்க. இவங்க எங்கே இருந்து எடுத்தாங்க என்பதற்கான ஆதாரத்தினை பதிவிற்குச் சமனான எழுத்துருவில் போடமாட்டாங்க. இதனால அப்பாவிப் பதிவருங்க என்னா பண்ணுவாங்க என்றால்; அசத்திட்டீங்க. ரைட்டு, கலக்கிட்டீங்க. உங்கள் படைப்புக்களில் சிறந்தது அப்படீன்னு கமெண்ட் போடுவாங்க.

இம் மாதிரியான கமெண்டுகளைப் படித்ததும் அடுத்தவன் குழந்தைக்கு திருட்டுத்தனமாக உரிமை கோரும் பதிவின் உரிமையாளருக்கோ இன்பம் பொங்கி வழியும். ஆனந்த கண்ணீர் விடாக் குறையாக, ரொம்ப நன்றிங்க. இப்படி ஓர் பதிவினை எழுத எம்புட்டு நாள் காத்திருந்தேன் அப்படீன்னு கமெண்ட் போடுவாரு. ஹே...ஹே.. நானும் ஓர் நாள் இப்படியான பதிவினையும், அதன் கீழே உள்ள பின்னூட்டங்களையும் பார்த்து விட்டு, பயங்கர கடுப்பாகிட்டேன். நான் போய் ஓர் கமெண்ட் போட்டேன். நீங்கள் படித்துச் சுவைத்த இந்தியா டுடே சஞ்சிகையில் உள்ள பதிவினை எம்முடன் பகிர்ந்து கொண்டதற்கு ரொம்ப நன்றிங்க அப்படீன்னு. அடப் பாவமே. அந்த நல்ல மனுசன் என் கமெண்டை ரிலீஸ் பண்ணிக்கவே இல்லைங்க. தற் புகழ்ச்சி வேண்டி பிறர் பதிவினைச் சுட்டுப் பகிர்வோரை நீங்கள் இலகுவில் கண்டறிய முடியாதுங்க. அப்படி கண்டு புடிச்சீங்க என்றாலும், உடனடியாக பதிவின் கீழே எங்கிட்டு இருந்து பதிவினைச் சுட்டிருக்கேன் என்று குறிப்பிட்டிருக்கேன் கவனிக்கலையா என்று உங்களைப் பார்த்து ஒரு கேள்வி கேட்பார் பாருங்க! நீங்க அசந்து போடுவீங்க.

அடுத்த பாகத்தில் தமக்குத் தாமே விருது கொடுத்து மகிழும் பதிவர்கள் பற்றிப் பார்ப்போமா? பதிவுலகில் ஆரோக்கியமான எழுத்துலகினை நோக்கிய பயணத்தினை நாம் தொடர வேண்டுமானால், நல்ல பதிவுகள் எழுத வேண்டுமானால் இம் மாதிரியான விடயங்களையும் அறிந்து வைத்திருத்தல் அவசியம். இப் பதிவின் அடுத்தடுத்த பாகங்கள் தமக்குத் தாமே விருத்து கொடுத்து மகிழும் சில பதிவர்களின் குணவியல்புகளை நேரடியாகச் சுட்டும் வண்ணம் அமைந்து கொள்ளலாம். ஆகவே யாரையும் தனிப்பட்ட ரீதியில் தாக்கி இப் பதிவினை எழுதும் நோக்கம் எனக்கில்லை. பல புதிய பதிவர்கள் கேட்டுக் கொண்டதற்கு அமைவாக எவ்வாறு நல்ல பதிவுகளையும், பதிவர்களையும் அடையாளங் கண்டு கொள்ளலாம் எனும் சிந்தனைக்கு அமைவாக இப் பதிவினை எழுதுகின்றேன்

இன்றைய தினம் ஓர் அதிரடிப் பதிவாக ஐடியா மணியின் ப்ளாக்கில் வெளியாகியிருக்கும்;

பிரபல காம வியாபாரியுடன் ஓர் கல கல சந்திப்பு! பதிவினைப் படிக்க இங்கே கிளிக் செய்யுங்கள்

http://www.tamilaathi.com/2012/01/blog-post_20.html

Share