பதிவுலகத்தை ஏமாற்றி பதிவர்கள் காதில் பூச்சுத்தும் பம்மாத்து பதிவர்கள்!

இப் பதிவினைப் படிக்க வந்திருக்கும் அனைவருக்கும் வணக்கமுங்க;
புதிய பதிவர்களுக்கும், ஏனைய பதிவுலக நண்பர்களுக்கும் ஒரு சின்ன உதவியாக அமையும் வண்ணம்; வலைப் பதிவில் "ஒத்தப் பதிவின் மூலம் மொத்த ஹிட்ஸையும் அள்ளுவது எப்படி?" எனும் தொடரினை எழுதிட்டு வருகிறேன். ஸோ அந்த தொடரின் ஐந்தாவது பாகமாக இப் பதிவு உங்களை நாடி வருகின்றது. இப் பதிவின் தொடர்ச்சியான:

முதலாவது பாகத்தினைப் படிக்க இங்கே கிளிக் செய்யவும்>>>

இரண்டாவது பாகத்தினைப் படிக்க இங்கே கிளிக் செய்யவும்>>>

மூன்றாவது பாகத்தினைப் படிக்க இங்கே கிளிக் செய்யவும்>>> 

நான்காவது பாகத்தினைப் படிக்க இங்கே கிளிக் செய்யவும்>>> இனி நான்காவது பாகத்தின் தொடர்ச்சியினைப் படிப்போமா? எல்லோரும் பதிவினைப் படிக்க ரெடியா? அப்படீன்னா ஓக்கே

பதிவர்களின் காதில் பூச் சுத்தும் பம்மாத்துப் பதிவர்கள்:

வலையுலகில் நான் இதற்கு முதற் பாகத்தில் கூறியது போன்று தமது கருத்துக்களை திணிக்கும் அல்லது தமது பதிவுகளைச் சந்தைப்படுத்தும் நோக்கில் எம்மை யூஸ் செய்யும் பதிவர்களிடம் நானும் பல்பு வாங்கியிருக்கேன். அது எப்படித் தெரியுமா? நானும் ஆரம்பத்தில் மாஞ்சு மாஞ்சு எல்லாப் பதிவர்களுக்கும் மொய் வைச்சேனுங்க. ஆனால் இந்த பல்பு கொடுக்கிற பதிவருங்க என் பதிவில் உள்ள ஒரு பந்தியினையோ அல்லது எனக்கு வந்திருக்கும் பின்னூட்டங்களில் ஏதாவது ஒன்றினையோ காப்பி பண்ணி தமது கமெண்ட் போல போட்டுக்கிட்டேயிருந்தாங்க. நானும் அப்பாவித்தனமாக அவங்க பதிவுக்கும் போயி ஒரு பந்தியினைக் காப்பி பண்ணிட்டு அவங்க பாணியிலே அருமை அப்படீன்னு கமெண்ட் போட்டேனுங்க. என்னா அநியாயம்? என் கமெண்டை அவங்க ரிலீஸ் பண்ணலைங்க. ஸப்பா, அப்போது தான் இந்த கருத்து திணிப்பு பற்றி நன்றாக உணர்ந்து கொண்டேன்.

இன்னும் சில பதிவர்கள் என்னா பண்ணுவாங்க என்றால், நீங்க பதிவு எழுதிப் பப்பிளிஷ் பண்ணியதும் ஓடோடி வந்து அருமை, கலக்கிட்டீங்க போங்க, சூப்பருங்க, ம்......தொடருங்கள், அப்படீன்னு கமெண்ட் போட்டுக்கிட்டு அடுத்த வலையினை நாடிப் போயி இதே மாதிரியான கமெண்டுகளைப் போடுவாங்க பாருங்க. இன்னும் சிலரோ தாங்கள் புதுப் பதிவு ரிலீஸ் பண்ண முன்னாடி திருவிழாவில தேர் வெள்ளோட்டம் வுடுறது போல உங்க வலைகளுக்கு வந்து கமெண்ட் போட்டு விட்டு கொஞ்ச நேரம் கழித்து புதுப் பதிவினை ரிலீஸ் பண்ணுவாங்க. ஸ்பப்பா...முடியலை என்று நீங்க வடிவேலு பாணியில அழுவீங்க. இம் மாதிரியான பதிவர்களைக் கண்டுபிடிக்க ஒரே வழி. உங்க பதிவினை நீங்க பப்பிளிஷ் பண்ணியதும் உங்களுக்கு இம் மாதிரியான நபரிடமிருந்து ஓர் கமெண்ட் வரும். அப்படி ஓர் கமெண்ட் வந்ததும் உங்க ப்ளாக்கின் டாஷ்போர்ட் மூலமா நீங்க பதிவர்களின் பதிவுகளை படிக்க கிளம்பனும். 

ப்ளாக் டாஷ்போர்ட்டில் பிரசுரமாகியிருக்கும் உங்க பதிவுக்கு கீழே யார் யாரோட பதிவுகள் டாஷ்போர்ட்டில் இருக்கோ. அங்கே எல்லாம் போய்ப் பாருங்க. இம் மாதிரியான கருத்து திணிப்பு மன்னர்களின் பின்னூட்டங்கள் கண்டிப்பாக ஒரே பாணியில இருக்கும். இதில இன்று என் வலையில் என்று கமெண்ட் போடும் பதிவருங்க தொல்லை இருக்கே. ஸப்பா...நீங்களே நொந்து நொந்து அழுவீங்க. இப்படித் தான் ஒரு பதிவர் தன்னோட சோகங்களையெல்லாம் சொல்லி, தன் மனைவிக்கு ஏற்பட்ட நோய் பற்றியும் எழுதியிருந்தாரு. இந்த மாதிரி பதிவினைப் படிக்காது விளம்பரம் கொடுக்கிற பதிவர் ஒருத்தர் அங்கே போயி; "அருமை" அப்படீன்னு ஓர் கமெண்டும் போட்டு, இன்று என் வலையில் "உங்கள் மனைவியை விரட்டியடிக்க என்ன வழி?" அப்படீன்னு போட்டிருக்காரு. அப்புறம் என்ன நடந்திருக்கும் என்று நீங்களே திங் பண்ணிப் பாருங்களேன்;-))

என்னோட அனுபவத்தில் எனக்கு நேரம் கிடைத்தால் பதிவினைப் படித்து பின்னூட்டம் போடுவேன். இல்லேன்னா பின்னூட்டம் போடவே மாட்டேன். சில நண்பர்களுக்கு தமிழ்மணத்தில் ஓட்டுப் போட்டு விட்டு கமெண்ட் போட முடியலை அப்படீன்னு சொல்லிட்டு எஸ் ஆகியிருக்கேன். ஆனால் சில பதிவர்கள் என்னா; பண்ணுவாங்க என்றால் தாங்கள் ஓர் பதிவினை எழுதிப் பிரசுரித்து விட்டு, ஓடியோடி ஏனைய பதிவர்களுக்கு த.ம 1, த.ம 6, த.ம4 அப்படீன்னு நம்பர் கமெண்ட் போடுவாங்க. இம் மாதிரியான கமெண்ட் என்ன அர்த்தத்தில் போடுறாங்க என்று உங்களுக்கு புரியலையா? ஹி..ஹி..அவங்க உங்க பதிவிற்கு தமிழ்மணத்தில் 1ம் ஓட்டு போட்டிருக்காங்க. ஆகவே நீங்களும் அவங்க பதிவிற்கு தமிழ்மணத்தில் ஓட்டுப் போடுங்க என்பதனைச் சொல்லுறாங்க என்று அர்த்தம். இந்த மாதிரியான கமெண்ட் போடும் பதிவர்களுக்கு நீங்களும் த.ம2 அப்படீன்னு கமெண்ட் போட்டு பாருங்க. கெட்டவார்த்தையால திட்டாத குறையா உங்களை திட்டிடுவாங்க. இல்லேன்னா நீங்க போட்ட த.ம6 எனும் கமெண்டை வெளியிடவே மாட்டாங்க. 

அடுத்த பாகம் கொஞ்சம் சூடான + சுவையான விடயங்களைக் கொண்ட பாகமாக உங்களை நாடிவரவிருக்கிறது. காத்திருங்கள். எதிர்பார்த்திருங்கள். 

Share