வரைந்த கோடுகளினூடே வளைந்து நெளியும் காதல்!

"புள்ள சுமாரா கொஞ்ச நேரம் கடையில நிற்க முடியுமா? வாப்பா டவுனுக்குப் போயி கடைக்கு கொஞ்ச சாமான் வாங்கிட்டு வரனும்" எனத் தன் மளிகைக் கடையினுளிருந்து தன் மகளின் செல்லப் பெயரைச் சொல்லிக் குரலெழுப்பினார் பைசூர். 

"வாப்பா, பொறுங்க வாப்பா. இப்பத் தான் குளிச்சிட்டு வந்திருக்கேன். பர்தாவைக் காணல்ல. தேடி எடுத்து மாட்டிக்கிட்டு வாரேன்" எனப் பதிலுரைத்தவாறு நொடிப் பொழுதினுள் ரெடியாகித் தன் தந்தையின் கடைக்குள் நுழைந்தாள் சுமாரா. "வாப்பா சுருக்கா (விரைவாக) வந்திடுவீங்க ஏலேய்?" எனத் தன் தந்தையிடம் கேள்வி கேட்டு அவரை வழி அனுப்பி விட்டு கடையில் பொருட்களை அடுக்கத் தொடக்கினாள் சுமாரா.

அந் நேரம் பார்த்து ஒரு மெல்லிய புன்னகையோடு அவன் நுழைந்தான். "ஹலோ! எப்படி இருக்கிறீங்க? 

கடைக்குள் ஒரு வாடிக்கையாளராக வந்திருப்பவன் - தன்னைப் பற்றி அறிமுகம் இல்லாதவன் எடுத்த எடுப்பிலேயே ஹலோ சொல்லிக் குசலம் (நலம்) விசாரித்ததும் ஷாக் ஆகி விட்டாள் சுமாரா.  தன்னைச் சுதாகரித்தவளாகத் தன் பார்தா முகத்தை முழுவதுமாய் மறைக்கிறதா என மேனியில் கோடிட்டுப் பார்த்த பின்னர் அவனிடம் பேச்சுக் கொடுத்தாள் சுமாரா.

"சொல்லுங்க! என்ன வேண்டும்" என்று கொஞ்சம் அதட்டல் (மிரட்டல்) கலந்த தொனியில் கேட்டாள் சுமாரா.

"அது....அது...அது தான் வேண்டும்" எனத் தன் பாடி லாங்குவேஜ் மூலம் அவள் வேண்டும் என்பதைச் சொல்லியும் சொல்லாதவனாக, விரலசைவு மூலம், அவளின் பின்னேயிருந்த சிகரட் லைட்டரினைக் காட்டினான் நிமல். சிகரட் லைட்டருக்குரிய பணத்தினை வாங்கிப் பெட்டிக்குள் போட்டு விட்டு, குனிந்த தலை நிமிராதவளாக சுமாரா மெதுவாக கடையின் கவுண்டரினை விட்டு நகர்ந்தாள். ஏமாற்றத்துடன் நிமல் வெளியேறினான். அந் நேரம் சுமாராவின் வாப்பாவும் டவுனிலிருந்து பொருட்களை வாங்கிக் கொண்டு வந்தார். 

"புள்ள சுமாரா நீ படிச்சு முடிச்சிட இன்னும் எம்புட்டு வருசம் இருக்கு?"

"வாப்பா நான் கூடிய சீக்கிரத்தில படிச்சு முடிச்சிட மாட்டேன். இப்போ படிக்கிற கம்பியூட்டர் சப்ஜெக்ட் முடிஞ்சதும், எனக்கு மேல படிக்க இன்னும் நெறைய சப்ஜெக்ட் இருக்கு வப்பா" என்று சொன்னாள் சுமாரா.

எனக்கும் புள்ள வயசாயிடுச்சில்லே. நான் சாக முன்னாடி ஒனக்கும் நிக்கா செஞ்சிட்டு அல்லாஹ்கிட்டப் போய்ச் சேர்ந்திட்டனும் என்று வேண்டுதல் வைக்கிறேன்" நீமட்டும் ஓக்கே சொன்னா. கூடிய சீக்கிரத்தில நிக்காவை சட்டு புட்டென்னு செஞ்சிடலாமில்லே" எனச் சொன்னார் பைசூர். 

"வாப்பா நான் படிக்கனும். எனக்கு என்ன அம்புட்டு வயசா? நானாவிற்குத் தானே வயசாகிடுச்சு. அவனுக்கு மொதல்ல ஒரு பொண்ணைப் பார்த்து சீக்கிரமே நிக்காவைச் செஞ்சு முடிச்சிடுங்க" எனச் சொல்லி விட்டு அவ் இடத்தை விட்டு நகர்ந்தாள் சுமாரா. மறு நாள். அதே நேரம் வாப்பா கடையினை விட்டு டவுனுக்குப் போகும் சமயத்தில் பள்ளி விடுமுறையிலிருந்த சுமாராவை அழைத்துக் கடையில் நிற்கச் சொல்லி விட்டுச் சென்றார்.

அதே சைக்கிளில்; ஸ்டைல் எனும் வார்த்தைக்கு வர்ணிப்பு பொருளாகக் கொஞ்சம் கால் கிழிந்து தொங்கும் டெனிம் ஜீன்ஸ் உடன் நிமல் மீண்டும் பைசூரின் கடைக்குள் நுழைந்தான். கடையினுள் அந் நேரம் தன் மனதில் சிக்கி விடத் துடிக்கும் தோகையாய் அதே பெண் இருப்பதனைக் கண்ணுற்றான். மனதில் கொஞ்சம் தைரியம் கொண்டவனாக, "இது ஒங்களோட கடையா?" எனக் கேட்டான்.

"ஆமா அதிலென்ன சந்தேகம்? எனப் பதில் உரைத்தாள் சுமாரா". பர்தாவினூடே அவளின் முழு அழகினையும் தரிசிக்க முடியா விட்டாலும், அவள் ஒரு பேரழகி தான் என்பதில் ஐயமில்லை எனத் தன் மனதினுள் கோட்டை கட்டினான் நிமல்.
"ஒங்கட பேரைச் சொல்ல முடியுமா?" 

அந்தக் கணமே சுமாராவின் மன அலைகளை "புள்ளைங்க வயசுக்கு வந்ததும் பசங்க கிட்டப் பேசக் கூடாது. முகத்தை நிமிர்ந்து பார்த்து படிக்கிற வயசில மனசில ஆசையை வளர்ப்பதே தப்பு” என வாப்பா சொல்லிய வார்த்தைகள் வந்து அடித்துச் சென்றன. 

மௌனமாய் இருந்தவளின் மனச் சிறையின் எண்ணவோட்டத்தினை உடைத்தான் நிமல். "பெயரைத் தானே கேட்கிறேன். சொல்லுங்களேன்? சொன்னா குறைஞ்சா போயிடுவீங்க?""வேறு வழியின்றிப் பீடிகை போட்டவளாய், என்னோட பெயர் என்னவென்று நான் நேராச் சொல்ல மாட்டேன். முடிஞ்ச கண்டு பிடிச்சுக்குங்க" எனச் சொல்லி விட்டு, 

என் பெயரின் முதல் எழுத்து சினிமாவில் பங்கு பற்றும் கலைஞர்களை அழைக்கின்ற சொல்லிருந்து தொடங்குகிறது.

இரண்டாம் எழுத்து, புன்னகைக்கு நிகரான சொல்லின் முதல் எழுத்திலிருந்து தொடங்குகின்றது.

மூன்றாம் எழுத்து பட்டி தொட்டியெங்கும் சலங்கை ஒலியோடு ஒலித்த சூப்பர் ஸ்டாரின் சந்திரமுகிப் படப் பாடலொன்றின் தொடக்க எழுத்தில் முடிகின்றது என பூடகாமய்ப் பதிலுரைத்து விட்டு நிமலை நிமிர்ந்து பார்த்தாள் சுமாரா. 

நிமல் சுற்றும் முற்றும் பார்த்து விட்டு அவளை வைத்த கண் வாங்காதவனாய்ப் பார்த்துக் கொண்டு நின்றான். அப்போது அவனிடம் "பெயரைக் கண்டு புடிக்கத் தானே க்குளூ கொடுத்திருக்கேன். மொதல்ல என் பெயர் என்னவென்று கண்டு புடிச்சிட்டு வாங்க. அப்புறமா நான் உங்ககிட்டப் பேசுறேன்" என்று சொல்லி விட்டு அவ் இடத்தை விட்டு நகர்ந்தாள் சுமாரா.

சுமாராவின் நிஜப் பெயர் என்னவென்று யோசித்தபடி வீதியில் வந்த நிமல் என்னை எதேச்சையாகச் சந்தித்தான். ஏண்டா நிரூ.  உனக்காச்சும் இந்தப் பெயர் என்னவென்று கண்டு பிடிக்க முடியுமா? என்று கேட்டான்.

நானோ விடயத்தை விபரமாகக் கேட்டு விட்டு, எனக்கும் தெரியாதென்று சொல்லி விட்டு நிமலிடமிருந்து எஸ் ஆகினேன். நம்ம தோஸ்த்து நிமல் ரொம்ப பாவமுங்க. உங்களில் யாருக்காச்சும் சுமாராவின் நிஜப் பெயர் என்னவென்று கண்டு புடிக்கத் தெரிஞ்சா பின்னூட்டத்தில் பதிலாக எழுதி நிமலின் மனத் தேடலுக்கும் விடை கொடுக்கலாம் அல்லவா.

பிற் சேர்க்கை: இப் பதிவின் தலைப்பு மேற்படி குறுங் கதையினூடாவும், இலக்கிய அடிப்படையிலும் பெறும் முக்கியத்துவம் என்ன?
*****************************************************************************************************************************

குயிலின் இனிமையான குரலுக்கு நிகராக ஏனைய பறவைகளின் ஒலிகள் அமைந்து கொள்ளாது என்று கூறுவார்கள். அதே போன்று வலைப் பதிவில் குயில் போன்ற (பதிவர்) குரல் மூலமாக இனிமையான பதிவுகளைத் தருகின்ற ஒருவரது பதிவிற்குத் தான் நாம் இன்று செல்லவிருக்கின்றோம். 
சகோதரி "கடம்பவன குயில்" அவர்கள் தன்னுடைய "கடம்பவன பூங்கா" வலைப் பதிவில் ஆன்மீகம், இலக்கியம், எனப் பல சுவையான விடயங்களைப் பகிர்ந்து வருகின்றார். 

கடம்பவனப் பூங்காவிற்கு நீங்களும் செல்ல:
http://kadambavanakuyil.blogspot.com/
*******************************************************************************************************************************

Share