தமிழ் சினிமா இயக்குனர்கள் அரைத்த மாவையா மீண்டும் அரைக்கிறார்கள்!

பேரன்பிற்கும், பெரு மதிப்பிற்குமுரிய உறவுகளே, எல்லோரும் நலம் தானே?
தமிழ் சினிமா இன்றைய கால கட்டத்தில் ஒவ்வோர் தமிழனின் வாழ்வோடும் இரண்டறக் கலந்து விட்டது. பொழுது போக்கு அம்சமாகவும், நாட்டின் தலைவிதியைத் தீர்மானிக்கின்ற, அல்லது நடிகர்களை அரசியல் எனும் சாக்கடையினுள் தள்ளி விடுகின்ற ஊடகமாகவும் எம் சினிமா இன்று விளங்குகிறது. மேற்கத்தைய சினிமாவின் தரத்தினை- வளர்ச்சியினை, வெரைட்டியான கதைகளை எம் தமிழ் சினிமா எட்டித் தொட முடியாதளவிற்குப் பின் தங்கி நிற்கிறதா எனும் ஆதங்கத்தின் வெளிப்பாடே இப் பதிவு. நாற்று நிரூபன்

எம் தமிழ் சினிமாதான் பல கிராமியக் கனவுகளையும், பச்சை வயலின் வரம்புகளைத் தரிசித்திராத- ஏழ்மை பற்றி உணர்ந்திராத பணக்கார வர்க்கத்திற்கு வாழ்க்கைப் பாடம் போதிக்கும் ஒன்றாகவும் விளங்கியிருக்கின்றது. நாளாந்தம் எம் தமிழ் சினிமாவில் வெளிவரும் படங்கள் ஒரு குறுகிய வட்டத்தினுள் தான் இருக்கின்றன. உதாரணமாக ஒரு மாதத்தில் வெளிவருகின்ற படங்களை உற்று நோக்குங்கள், அவற்றின் உள்ளடக்கம் யாவும், ஒரு காதல் கதையினை, இல்லையேல் ஒரே மாதிரியான ரசனை கொண்ட கருப் பொருளைத் தான் கொண்டிருக்கும்.
வெட்கம் மானம் சூடு சுறணையின்றி நாற்றிலிருந்து காப்பி பண்றேன்
எல்லாப் படங்களிலும் ஐந்து அல்லது ஆறு பாட்டுக்கள் இருக்க வேண்டும் என்பது எழுதப்படாத விதியாகி விட்டது. அவற்றில் ஒரு பாடலினை
படத்தினை நடிக்கும் நடிகனைக் கடவுளாகப் போற்றுவதற்கான நம்பிக்கையினை ரசிகர்கள் மத்தியில் ஊட்டக் கூடிய எழுச்சிப் பாடலாகவும், இன்னோர் பாட்டினை நடிகையின் பொக்குளைக் காட்டிக் குத்தாட்டம் போடுவதை ரசிகர்கள் ரசிக்க வேண்டும் எனும் எண்ணத்திலும் படங்களில் புகுத்துவது இயக்குனர்களின் கடமையாகி விட்டது.
வெட்கம் மானம் சூடு சுறணையின்றி காப்பி பண்றேன்
உண்மையில் தமிழ் சினிமாவின் பெரும்பாலான படங்கள் நடிகைகளின் சதையினை விற்றுக் காசு பார்க்க வேண்டும் எனும் நோக்கிலா எடுக்கப்படுகின்றன எனும் ஆதங்கமும் என்னுள் எழுகின்றது. பிரபல நடிகர்களின் நடிப்பில் பிரம்மாண்டமாக வெளியிடப்படுகின்ற படமாக இருந்தாலும் அவற்றில் குத்தாட்டம் இடம் பெறுவது தவிர்க்க முடியாததாகி விடுகின்றதா? இல்லையேல் மார்புகள் குலுங்கக் குலுங்க நடிகைகள் அரை குறை ஆடையில் ஆடுவது தான் படத்தின் விற்பனையினை அதிகரிக்கும் எனும் நோக்கில் எடுக்கப்படுகின்றதா? ரசிகர்கள் விரும்பி இத்தகைய கிளு கிளுப்பு நடனங்களை ரசிக்கின்றார்கள் என்றால், எம் திரைப்பட இயக்குனர்களால் ரசிகர்களின் மன நிலையினை மாற்றி வெரைட்டியான படங்களைக் கொடுக்க முடியாதா?,

கிளு கிளுப்பு நடனத்திற்கு கொடுக்கும் மதிப்பினை விட, காத்திரமான கதையுள்ள படத்தினைக் கொடுத்து; குத்தாட்டங்களையும், சதையினையும் நம்பி எடுக்கப்படும் எம் தமிழ் சினிமாவின் உயிரோட்டத்தினை இயக்குனர்களால் மாற்ற முடியாதா? ஆங்கில- வேற்று மொழித் திரைப்படங்களைப் பாருங்கள். ஒரு கம்ர்சியல் படத்தில் கூட சூட்டைக் கிளப்பும் பல காட்சிகள் இடம் பெற்றிருந்தாலும் அவர்கள் அங்கே பாடலுக்கு முக்கியத்துவம் கொடுக்கின்றார்களா? இல்லைத் தானே, படம் முடிந்த பின்னரும் அப் படத்தில் இடம் பெற்ற கிளு கிளுப்புக் காட்சிகளை விட படத்தின் மூலக் கருத் தானே எம் மனங்களில் ஆழமாகப் பதிந்து விடுகின்றது.
நிரூபனின் நாற்று வலையின் மூலப் பதிவு
இத்தகைய நல்ல கரு உள்ள தரமான படங்களை தமிழ் ரசிகர்களும் பார்க்கும் வண்ணம் இயக்குனர்களால் வழங்க முடியாதா? நடிகரையும், நடிகைகளையும் நாம் அனைவரும் தலை முறை தலை முறையாக கோயில் கட்டியும், மனதில் இருத்தி தெய்வமாக நினைந்துருகி, உணர்ச்சிவசப்பட்டு பாலூற்றி அபிஷேகம் செய்து வழிபடும் நிலையினைத் தான் தமிழ் சினிமா இயக்குனர்கள் தொடர்ந்தும் செய்யப் போகின்றார்கள்? அங்காடித் தெரு, ஆடோகிராப், அந்நியன் போன்ற வெரைட்டியான படங்களைப் பார்க்க நாம் பல வருடங்கள் தவமிருக்க வேண்டுமா?
நிரூபனின் நாற்று வலையின் மூலப் பதிவு
 தமிழகத்தின் ஒவ்வோர் சிற்றூர்களிலும் இன்னும் படமாக்கப்படாத பல அருமையான கதைகள் பொதிந்துருக்கின்றன. அவற்றையெல்லாம் வண்ணத் திரைக்குக் கொண்டு வந்து எம் மனதினை மகிழ்ச்சிபடுத்த இந்த இயக்குனர்களால் முடியாதா?

தமிழ் சினிமாவில் நின்று நிலைக்க வேண்டும் என்றால் இத்தகைய ஒரே மாதிரியான கதைகள்- நாயகன் அடி தடியில் தூள் கிளப்பி, காதலில் வெற்றியீட்டி டூயட் பாடும் அம்சங்களைக் கொண்ட படங்கள் தான் தேவை என்றால்; இதனைத் தான் ரசிகர்களும் விரும்புகின்றார்கள் என்றால், இயக்குனர்களாகிய உங்களால் ஒரு நல்ல சினிமாவை ஏன் படைக்க முடியாது? பாக்கியராஜ். பாரதிராஜா. மணிரத்னம், சேரன், எஸ்.ஜே.சூர்யா, விக்கிரமன்,  ஷங்கர், என வெரைட்டியான கிரியேட்டி விட்டி கொண்ட இயக்குனர்களைத் தவிர ஏனைய இயக்குனர்களுக்கு கிரியேட்டி விட்டியே கிடையாதா?
நிரூபனின் நாற்று வலையின் மூலப் பதிவு
எத்தனை நாளைக்குத் தான் ஓப்பினிங் சாங்கையும், ஓடி ஓடிக் காதலிக்கும், நடிகனின் உணர்வுகளையும், நடிகனின் தோழனாக வரும் காமெடி நடிகரின் கலாய்த்தல்களையும், நடிகனின் சோர்ந்து போன மனதிற்குச் சொடக்கெடுக்கும் ரெட்டை அர்த்தம் கலந்த குத்தாட்டப் பாடலையும், கிளைமாக்ஸில் வில்லன் கூட்டத்தால் கொல்லப்பட்டவருக்கான பழி வாங்கல் படலத்தையும் பார்த்துப் பார்த்துப் பெரு மூச்சு விட்டுக் கொண்டிருப்பது? கொஞ்சமாவது வெரைட்டியாகத் திங் பண்ணுங்களேன் இயக்குனர் பெரு மகன்களே! UNSTOPPABLE TRAIN, GOD FATHER, EAT PRAY LOVE, A TEAM, TERMINATOR, VOLVER,  இந்த மாதிரியான வெரைட்டியான படங்களைப் போல் எம் தமிழ்ச் சினிமா இயக்குனர்களாலும் சிந்தித்து நல்ல படைப்புக்களைத் தர முடியாதா? நிரூபன் நாற்று

ஆங்கிலப் படங்களை இன்ஸ்பிரேசனாகக் கொண்டாவது எம் தமிழ்ச் சினிமாவில் புதுமைகளைப் புகுத்தலாம் அல்லவா. "ஒரு படைப்பாளியின் படைப்பினை விமர்சிப்பதற்கு நமக்கு உரிமை இருக்கிறது. ஆனால் அவன் இவ்வாறு தான் செயற்பட வேண்டும் என்று சொல்லுவதற்கு(கருத்தைத் திணிப்பதற்கு) உரிமை இல்லை. காரணம் நாம் படைப்பாளியின் கருத்துச் சுதந்திரத்தினை முடக்கும் வகையில் செயற்படுவது போலாகிடும். ஆனாலும் தொடர்ந்தும் ஒரே மாதிரியான கதை அம்சங்கள் கொண்ட சினிமாவினைப் பார்த்து சலித்துப் போன பல்லாயிரக்கணக்கான மக்களில் ஒருவனாக என் உணர்வுகளை இங்கே பகிர்ந்திருக்கிறேன். இயக்குனர்களே! இவை நிச்சயம் உங்கள் காதுகளை எட்ட வேண்டும். 
*****************************************************************************************************************************
ஒரு ஊடகவியலாளனின் பேனாவின் வலிமை எத்தகைய வீரியம் மிக்கது என்பது உங்கள் அனைவருக்கும் தெரியும் அல்லவா. ஊடகவியலாளனின் மிக முக்கியமான பணி, எச் சந்தர்ப்பத்திலும் விலை போகாத நடு(வு) நிலமையுடன் கூடிய செய்திகளைப் பகிர்வது தான். அந்த வரிசையில் இலங்கையின் பத்திரிகைத் துறையில் பணிபுரிவதோடு, பதிவுலகிலும் தன் காத்திரமான எழுத்துகளால் நம்மோடு உறவாடிக் கொண்டிருக்கிற ஒருவரைத் தான் இன்றைய பதிவினூடாக நாம் இனங்காணப் போகின்றோம். 

இவருக்கு அறிமுகம் தேவையில்லை. காரணம் அவர் எழுத்துக்கள் பதிவுலகில் பலராலும் ரசிக்கப்பட்டிருக்கும் என்றே நினைக்கின்றேன். சமூகப் பிரச்சினைகள், நாசூக்கான அரசியல் விடயங்களை நளினமாகச் சொல்லுகின்ற கட்டுரைகள், மற்றும் சினிமா- வேற்று மொழிப் படங்கள் பற்றிய விமர்சனப் பகிர்வுகள் எனத் தன் வலையில் அசத்தலான விடயங்களைப் பகிர்ந்து வருபவர் தான் மருதமூரான். 
மருதமூரான் அவர்களின் "மருதமூரான்" வலைப் பூவிற்குச் செல்ல:
http://maruthamuraan.blogspot.com
*******************************************************************************************************************************
முக்கிய குறிப்பு: இன்ட்லி ஓட்டுப் பட்டையில் ஓட்டுப் போட முடியவில்லையே எனும் உறவுகளின் வேண்டு கோளுக்கமைவாக, இன்ட்லியில் ஓட்டுப் போடுவதற்கான இணைப்பினை இங்கே பகிர்ந்துள்ளேன்.                                                                                                        இன்ட்லியில் ஓட்டளிக்க:

Share