காதல் உடல் சார்ந்த பசியா அல்லது உணர்வு சார்ந்த தேடலா? - சுவையூட்டும் தொடரின் இரண்டாம் பாகம்!

நீ இல்லை என்றாலும், நான் உன் நினைவுகளைப் பத்திரப்படுத்தி வைத்திருக்கிறேன்.

இல்லாத ஒரு பொருளின் நினைவலைகளை எப்படிப் பத்திரப்படுத்தி வைக்க முடியும்? ஓ.... இப்போது தான் நினைவுக்கு வருகின்றது. விமானக் குண்டு வீச்சின் அழியாத வடுவாக என் கையில் இருக்கும், தழும்பிலிருந்து உன் நினைவுகள் இன்றும் வந்து போகின்றதே. அப்படியாயின் நீ எங்கே? உன்னை தொலைத்து விட்டுத் தேடுகிறேனா?

இல்லை, நீ என்னுள் உறைந்ததனால் தவிக்கிறேனா?

ஓ.....இப்போது தான் உய்த்தறிந்து கொண்டேன்.

அன்றைய தினம் மாலை வேளை...........................

                                                                            பசியும், தேடலும் தொடரும்.......

காதல் உடல் சார்ந்த பசியா அல்லது உணர்வு சார்ந்த தேடலா! 

பதிவின் முதலாம் பாகத் தொடர்ச்சியாக.......

முதலாவது பாகத்தினைப் படிக்க, இங்கே கிளிக் பண்ணுங்கோ.

அன்றைய தினம் மாலை வேளை பெற்றோரின் கண்களில் மண் தூவி, தனியார் கல்வி நிலைய வகுப்புக்குச் செல்வதாகப் பொய் கூறி, என்னைச் சந்திப்பதற்காக, நாம் ஏற்கனவே திட்டமிட்டு ஒழுங்கு செய்த சேரன் குளிர்களி நிலையத்திற்கு நீ வருகின்றாய். காட்டு மரங்கள் ஒன்றோடு ஒன்று உரசிக் கொள்ளுகையில் எழும் தாம்பத்திய ஒலி கலந்த பனங்காம மண்ணின் காற்றானது உடல் தழுவிச் செல்லும் வேளையில், மெதுவாக அந்த லுமாலா சைக்கிளில் நீ அசைந்து வருகின்ற அழகிருக்கிறதே; அப்பாடா! எப்படி நான் வர்ணிப்பேன்.

சாதுரிகா,  ஐ லவ்யூ என்று, நீ வரும் அழகை ரசித்தபடி கத்த வேண்டும் போலிருக்கும். ஆனாலும் அருகே இருப்பவர்கள் என்னை ஒரு பைத்தியக்காரன் போலப் பார்த்து, ஆசுப்பத்திரிக்கு அனுப்பி விடக் கூடாதென்னும் ஒரு நம்பிக்கைக்காக அந்தக் கணமே மௌனித்து விடுவேன். எனக்கும் அவளுக்குமான தேடல்- காதல் உடல் சார்ந்த பசியிலிருந்தே ஆரம்பித்தது என்பேன். இதில் மறைப்பதற்கு என்ன இருக்கின்றது?

ஒவ்வொரு மனிதர்களும், தமக்கான உடல் பசி ஆரம்பிக்கும் போது, பெண்மைக்குள் என்ன இருக்கின்றது என அறிய முற்படுகின்ற போது- ஒரு அழகிய பெண்ணின் முன்னழகுகள் கண்களுக்கு கம்பீரம் கொடுக்கின்ற போது தான்;

அந்தப் பெண் மீது இரு ஈர்ப்பினை வரவைத்து, அவளை அடைய வேண்டும் எனும் ஆவலில் காதலிக்கத் தொடங்குகிறான். 

இது தான் காதல் என்ற நாகரிக வார்த்தை கொண்டு பேசப்படும், காமம்.

இதனை மறுத்துரைத்து, காதலுக்குப் புது அர்த்தம் சொல்லும் பல கோடி கவிஞர்கள், இரு உள்ளங்களுக்குள் இடம் பெறும் அன்புப் பரிமாற்றம் காதல் என்றும்,

ஒருவர் மீது இன்னொருவருக்குத் தோன்றும் விருப்பு காதல் என்றும் வார்த்தைகளால் பொய் பூசி, புனைதல் எனும் முலாமிடுகின்றனர். ’’மனதைத் திறந்து காதல் வயப்பட்ட ஆடவர்கள் யாராவது சொல்லட்டும் பார்ப்போம்.

‘’அவள் மீதான உடற் பசியைக் கொண்டு என் காதல் எழுதப்படவில்லை என்று?

உடல் என்ற வனப்பினை அடையாளமாக்கித் தான் காதல் என்ற வர்ணம் பூசப்பட்ட்டு, காமம் எனும் புணர்தலுக்கான மேடையில் காதல் நாடகம் அரங்கேற்றப்படுகின்றது.

காதலின் தொடக்கமான காமம் பற்றிய ஆசை தீர்ந்த பின்னர் ஒருவர் மீது இன்னொருவருக்கு உண்டாகும் அன்பிருக்கிறதே. அது தான் உண்மைக் காதலாகப் பரிணாமம் பெறுகின்றது. தீராத காதலோடு, நீ இல்லையேல் நான் செத்து விடுவேன் எனக் கூப்பாடு போடும் நபர்களில் உடற் பசியினைப் போக்கிய யாராவது ‘ நீ இல்லையேல் நான் செத்து விடுவேன்’ என்று கூறுவதில்லை என்று மனோதத்துவ ஆய்வறிக்கைகள் கூறுகின்றன.

சாதுரிகா, நான் இருக்குமிடம் வந்து, என்னைப் பார்ப்பதற்கு முன்பதாகவே, 

குளக்கட்டின் மறு கரையில் சைக்கிளில் வரும் அவள் அழகை ரசித்தபடி, என் எண்ணவோட்டங்களை மெதுவாகத் தட்டி விட்டேன். எங்கள் ரியூசனில் பத்தாம் கிளாஸ் படிக்கும் போது, என் மீது அவளுக்கும், அவள் மீது எனக்கும் ஒரு ஈர்ப்பு உருவாகியது. 

வகுப்பறையில்,விஞ்ஞான பாடத்தில் ‘ Fertilization'  பற்றிய அவளது சந்தேகமும், அதனைத் தொடர்ந்து அவள் கேட்ட கேள்விகளும், அவளுக்கு மறு கரையில் இருந்த என் மன உணர்வுகளுக்குள் ‘இவள் பிஞ்சிலே பழுத்து விட்டாளோ’ என்ற எண்ணத்தினைத் தந்தது. ஆனாலும் சாதுரிகா தான் அதற்குப் பொருத்தமானவள் என்றெண்ணிக் காதல் செய்யத் துணிந்தேன். 

எங்களின் ஆழமான காதல், மொட்டு விட்ட காலத்தில் பொத்தி வைத்து மனச் சிறைக்குள் கூடு கட்டி, மெது மெதுவாக உயரப் பறக்க எத்தணித்த காலப் பகுதியது.

முத்தம் கேட்கும் சாக்கில்- முகத்தினை அருகே கொண்டு செல்லுகையில், தள்ளி விட்டு ஓடிப் ப்ளேன் கிஸ் தரும் அவள் எப்படி, அதற்குச் சரிப்படுவாள் என சந்தேகம் கொண்டிருந்தேன். 

அவள் அழகு வதனத்தை ஆரத் தழுவி, அவளை விரல் கொண்டு மீட்டி மகிழ நான் ஆவல் கொண்ட நேரமதில், அவள் என்னை விட்டு விலகிச் செல்ல, போய் வருகிறேன் என்று சொல்லும் சந்தம் இருக்கிறதே!

எனக்குள் என் ஆண்மைத் தீயினைக் கொதிக்கச் செய்து, மன அறைகளில் வேதனைகளைத் தந்து விட்டுச் சென்றிருக்கிறது. 

அவள் மீதான என் எண்ணம் இன்றாவது நிறைவேறும் என்று சிந்திக்கையில்,

அவள் என்னருகே வந்தாள். 

மனம் எவ்வளவு வேகமாக இயங்கிக் கொண்டிருக்கிறது என்பதனை, சாதுரிகா என்னருகே வந்து ‘ஹலோ’ சொல்லும் போது தான், உணர்ந்து கொண்டேன். இன்று ’எப்படியாச்சும் ஐஸ்கிரீமை மாற்றி மாற்றிச் சுவைத்து எச்சிலூற்றி மகிழுவோம்;

உமிழ் நீரோடு- உமிழ் நீர் பரிமாறி ஒரு இராசாயனப் போர் செய்வோம் எனக் கற்பனையில் உறைந்திருந்த வேளை,

திடீரெனப் பேரிரைச்சலோடு வானத்தில் தமிழர்களை மாத்திரம் குண்டு வீசிக் கொல்லவல்ல விமான வல்லூறொன்று வந்து வட்டமிட்டுத் தாழப் பறந்தது. 

‘கண் இமைக்கும் நேரமதில் நான் தூக்கியெறியப்பட்டேன். சாதுரிகா.............

எங்கே என்று கண்களால் தேடி அறிய முடியாத அளவிற்கு, புகை மூட்டத்தினுள் மறைந்திருந்தாள். 

மெதுவாய் அடியெடுத்து அவள் அருகே சென்று பார்த்த போது, 

அவள் என்னை மறந்தும், இவ் உலகை மறந்தும் பறந்து சென்றிருந்தாள். 

இனவாதப் பேய்களின் பசிப் பிணியினைத் தீர்க்கக் குருதி வேண்டிச் செய்யப்படும் போர்- அன்று சாதுரிகாவின் குருதியினையும் குடித்திருந்தது. 

அவளைக் கொன்ற அந்தப் போரை எதிர்க்க, அவளின் கனவினை நிறைவேற்ற நான் என்ன செய்திருக்க வேண்டும்? ஆனால் நான் அதனைச் செய்யவில்லை. 

உயிரினைப் பாதுக்காத்து வைத்திருக்க வேண்டும் எனும் இழிவான குணம் கொண்டதால், பழிவாங்கும் எண்ணம் மறந்து, அவள் நினைவுகளோடு சில காலம் அலைந்தேன். காலச் சுழற்சியில் ‘முறிகண்டிப் பிள்ளையாருக்கு அருகே, புதிதாக ஊருக்கு இடம் பெயர்ந்து மன்னாரிலிருந்து வந்த ஷாமலியை மனம் அடையாளம் கண்டு கொண்டது. 

சாதுரிகாவை விட இவள், இன்னும்......................அழகாக இருக்கிறாளே என சிந்தையில் ஞானம் உதிக்க, ஷாமலியை என் காதலியாக்க வேண்டுமெனும் நோக்கோடு பின் தொடர்ந்து, விரட்டி விரட்டிக் காதலிக்கும் தொழிலில் இறங்கினேன். கோயிலில் பிரார்த்தனை முடிந்து, அவள் வீட்டிற்குப் போகத் தயாரான வேளையில், நானும் அவளின் பின்னே செல்லத் தொடங்கினேன். 

அப்போது தான் மனம் திடீரெனச் சதிராடத் தொடங்கியது.

‘நீ இல்லையென்றால் நான் செத்து விடுவேன் என்று, சாதுரிகாவிற்கு வாக்குக் கொடுத்தேனே’ அதன் நிலை என்ன என்று ஒரு தடவை மூளையில் கிளிக் ஆகியது. 

சீ...சீ...இப்ப அந்தக் கறுமத்தைப் பற்றி ஏன் நினைத்துத் தொலைக்க வேண்டும்?

ஷாமலியைத் தானே இனி நான் விரும்பப் போறேன். 

அவளின் பின்னே போவோம் என.....ஷாமலியைப் பின் தொடர்ந்தேன்!

பிணிக்கு மருந்து பிறமன் அணியிழை

தன் நோய்க்கு தானே மருந்து- திருக்குறள் 1102.

மேற்படி குறளுக்கான பொருள் விளக்கம்: மனித உடலில் தாக்கத்தினை ஏற்படுத்துகின்ற நோய்களுக்கு மருந்துப் பொருட்கள் இருக்கின்றன. ஆனால், ஒரு பெண்ணால் வருகின்ற அல்லது வளர்ந்த நோய்க்கு; பெண்ணே மருந்தாக இருக்கின்றாள். 

Share