பதிவரசியலில் ஒரு பரபரப்பு! பதிவுலகில் ஒரு புதிய கண்டு பிடிப்பு!

பதிவிற்குள் நுழைய முன்: இப் பதிவு யாருடைய மனதையும் புண்படுத்தவல்ல. இப் பதிவில் வரும் சம்பவங்கள், கதாபாத்திரங்களுக்கு யாராவது உரிமை கோரவிருப்பின் கம்பனி பொறுப்பேற்காது.

பதிவுலகில் மிக நீண்டகாலமாக இருந்து வரும் ஒரு பிரச்சினை. பதிவினைப் படிக்காது பின்னூட்டம் போடும் நபர்களை எப்படிக் கண்டு பிடிப்பது என்பது தான். பதிவுலகின் பரபரப்புப் பதிவர்களும், தொழில் நுட்ப ஆய்வாளர்களும் இதற்குரிய விடையினைத் தெரியாதவர்களாய் தங்கள் மண்டையினைச் சொறிந்து, பெல் மூடி போன்ற வழுக்கைத் தோற்றத்தினைத் தமது தலைகளுக்குத் தாமே ஏற்படுத்திக் கொண்டிருக்கும் ஒரு நல் வேளையில், ஒரு புதிய கண்டு பிடிப்பினை நான் உங்கள் அனைவருக்குமாகச் செய்துள்ளேன்! அது என்ன?
அது தான் SMART COMMENT FOUNDER எனப்படும் ஒரு மென் பொருள், மற்றும் ஹார்ட்வேர்- வன் பொருள் இணைந்த சாதனமாகும். பதிவுலகில் பக்கம் பக்கமாக பதிவெழுதினாலும் சரி, பதிவுகள் எழுதப்பட்டு, திரட்டிகளில் இணைக்கப்படுவதற்கு முன்பதாகவே வந்து பின்னூட்டம் போட்டு, பதிவினைப் படிக்காது பதிவின் தலைப்போடு தொடர்புபடுத்திப் பின்னூட்டம் போட்டு விட்டுப் போகும்; உள்ளங்களைக் கண்டறியும் ஒரு அருமையான தொழில் நுட்பம் தான் ‘’மூலக் கருத்தை முகர்ந்து அறி’ எனும் என் தொழில் நுட்பமாகும்.

பல நாட்கள் இரவு பகலாக தூக்கமின்றி உழைத்த எனது உழைப்பின் பயனாக இவ் மென், வன் பொருள் (Soft & Hard -ware) உருவாகியிருக்கிறது.  புதிய பதிவர்களிற்கு இந்தப் பதிவரசியல் பற்றி அதிகமாகத் தெரியாது என, நான் பதிவெழுத வந்த காலத்தில் 'சக பதிவர்கள் எனக்குக் கூறிய வசனத்தினை அடிப்படையாக வைத்துத் தான் நான் இந்த ஸ்மார்ட் கமெண்ட் பவுண்டரினைக் கண்டு பிடித்தேன்.

''பதிவெழுதி வெளியிடப்பட்டு ஒரு நிமிடமாக முன்னரே பட படவெனப் படித்து விட்டுப் போடப்படும் பின்னூட்டங்கள் தான் இந்தத் தொழில் நுட்பம் பற்றிய சிந்தனையை என்னுள் தூண்டியது எனலாம்.

இனி, இந்த மென் பொருளின் பயன்பாடுகள் என்ன என்று பார்ப்போம்.
உங்களுக்காக உருவாக்கப்பட்டிருக்கும் இந்த ஸிமார்ட் கமெண்ட் பவுண்டரின் மூலம்,
*உங்களுடை பதிவில் பின்னூட்டமிட்டிருக்கும் நபர் உங்கள் பதிவினைப் படித்தாரா இல்லையா என்பதனை மணந்து பார்த்து அறிந்து கொள்ள முடியும்.

*வடை, வாழைப்பழம், பஜ்ஜி, போண்டா, முதலிய இத்தியாதிப் பொருட்களைத் தமக்குத் தருமாறு பசியோடு வந்து கையேந்தும், உங்கள் பிளாக் நண்பர்களுக்கு, நீங்கள் விரும்பினால் இந்த ஹார்ட் வேர் மூலம் இவ் உணவு வகைகளையே உடனடியாக உலகின் எப்பாகத்தில் இருந்தாலும் வாங்கிக் கொடுக்க முடியும்.

*உணவுப் பண்டங்களான வடை, பஜ்ஜி, போண்டா, வாழைப்பழம் முதலியவற்றை பின்னூட்டம் மூலம் கேட்கும் பதிவர்களுக்கு நீங்கள் அவற்றை அன்பளிப்பாக, தானமாக வழங்க விரும்பினால் வழங்கலாம். ஆனல் ’பேய்பால்’(Pay pal) அல்லது கடனட்டை(Credit Card)  மூலம் நீங்கள் கட்டணம் செலுத்தும் வசதியுள்ள இணைப்பினை இதற்காக எங்களிடமிருந்து  வாங்க வேண்டும்.

*உங்கள் பின்னூட்டங்களுக்குரிய பதில்களை கணினி வசிதியின்றி, உங்கள் பொன் வாயால் நீங்கள் சொல்லச் சொல்ல ஆட்டோமெட்டிக்காக(Automatic)  டைப் செய்யும் வசதியும் இந்த சிஸ்டத்தில் உள்ளது.

இவை தான் இந்த ஸ்மார்ட் கமெண்ட் பவுண்டரின் சிறப்பியல்புகள்.

இதனை எப்படிப் பயன்படுத்துவது?

சிறிய புளூடூத் அளவில்(Blue tooth) அளவில் இருக்கும் ஸ்மார்ட் எனப்படும் மைக்ரோ சிப்(Micro Chip) தான் இதில் உள்ள ஹார்ட் வேர்(Hardware) ஆகும். இந்தக் ஹார்ட் வேரானது மூன்று Touch model switch இனைத் தன்னகத்தே கொண்டிருக்கிறது.

*வலது பக்க மேல் மூலையில் உள்ள பட்டனை அழுத்தினால் உங்கள் பதிவிற்கு வந்துள்ள பின்னூட்டத்தை அனுப்பியவர் பற்றிய விபரங்கள், அவர் உங்கள் பதிவினைப் படித்தாரா இல்லையா எனும் விபரங்கள் கிடைக்க்ப் பெற்று விடும்.

*இடது பக்க மேல் மூலையில் உள்ள பட்டனை அழுத்தி விட்டு, உங்களது பின்னூட்டங்களுக்கான மறு மொழிகளை நீங்கள் அனுப்ப விரும்பினால் போதும், உங்கள் வாயால் நீங்கள் சொல்லத் தொடங்க, அந்த மெஷின் உங்கள் வாயிலிருந்து வரும் ஒலிகளை எழுத்துக்களாக Convert பண்ணி பின்னூட்டமாக மாற்றி பப்ளிஷ் பண்ணி விடும்.

*மேலிருந்து கீழாக உள்ள பட்டனை அழுத்தினால் போதும், உங்களது பதிவினூடாக யார் யார் வடை, வாய்ப்பன், போண்டா, பஜ்ஜி, பாயாசாம் கேட்கிறார்கள் என்பதனை Filter பண்ணி தெள்ளத் தெளிவாக காட்டி விடும்.
உங்களது பின்னூட்டங்களை அடிப்படையாக வைத்து, மிகவும் பசியாக இருக்கும் ஒரு பதிவருக்கு நீங்கள் வடை, போண்டா, பஜ்ஜி வழங்க விரும்பினால் இந்த ‘மேலிருந்து கீழாக உள்ள பட்டனுடன், இடது பக்க மேல் மூலையில் உள்ள பட்டனையும் சேர்த்து அழுத்தினால் போதும்,

அடுத்த விநாடியே கூகிள் மாப்பின் உதவியுடன்(Google map) அந்தப் பதிவர் எங்கே இருக்கிறார், என அறிந்து, அப் பதிவருக்கான உணவினை பதிவரின் ஊரில் உள்ள சப்பாட்டுக் கடையில் இருந்தே எடுத்து home delivery  அடிப்படையில் வெறும் ஐந்தே நிமிடங்களுக்குள் எமது ஸிமார்ட் மெசின் வழங்கி விடும் என்றால் பாருங்களேன்!

இதற்குரிய கட்டணம் மட்டும் உங்களின் கணக்குகளில் இருந்து வசூலிக்கப்படும்.

*இந்த ஸ்மார்ட் கமெண்ட் பவுண்ரடை உபயோகிப்பது எப்படி?


*முதலில் இதற்குரிய மென் பொருளை(Software) உங்கள் கணினியில் Install பண்ன வேண்டும், அதன் பின்னர் Install பண்ணிய புரோகிராமை ஓப்பின் பண்ணி, உங்கள் ப்ளார்க்கர் ஐடி எண், மின்னஞ்சல் முகவரியை கொடுக்க வேண்டும்.

*இந்தக் ஸ்மார்ட் சிஸ்டத்தின் ஹார்ட்வேரை உபயோகிக்க உங்களிடம் மொபைல் போன் இருக்க வேண்டும். ஆப்பிள் ஐ போன் முதல், அந்தக் கால நோக்கியா 3310 வரை இதற்கு சப்போர்ட் ஆகும் வண்ணம் இந்தக் சிஸ்ரத்தை உருவாக்கியிருக்கிறேன். பின்னர் இந்த ஹார்ட் வேரிலும் நீங்கல் உங்கள் பிளாக் ஐடி, பிளாக்கர் எண் முதலியவற்றை றிஜிஸ்டர் செய்ய வேண்டும்.

*இன்னொரு விடயம், இதனை உங்கள் கைகளில் வைத்தே touch model ஆக நீங்கள் பயன்படுத்தி (Use பண்ணி) மகிழலாம்.

*இந்த ஸிமார்ட் சிஸ்டம் தொடர்பான பத்திரிகை, மீடியா நிறுவனங்களுடனான அறிமுகச் சந்திப்பு இன்று மாலை லாஸ் ஏஞ்சலில் அமைந்துள்ள எமது தலையலுவலகத்தில் இடம் பெறவுள்ளது;-))


எங்கள் ஸிமார்ட் சிஸ்டத்தை வாங்குவதாக பிளான் பண்ணி விட்டீர்களா?

விலையோ குறைவு, ஆனால் இதன் விவேகமோ அதிகம்!!

*ஸிமார்ட் ஸிஸ்டத்தை வாங்க வரும் முதல் பத்து வாடிக்கையாளர்களுக்கு 10% வீத விலைக் கழிவும், ஐபி எல் கிறிக்கற்றின் மூன்று நாள் ஆட்டங்களைக் காணும் இலவச வசதிகளும் செய்து தரப்படும்!

*இவர்களில் தேர்ந்தெடுக்கப்படும் ஐவருக்கு, எமது ஸிமார்ட்டை பாப்புலர் ஆக்கும் வகையில் நடிகை தப்ஸி, மற்றும் நமீதா எமக்காக நடித்துக் கொடுக்க விருக்கும் விளம்பர சூட்டிங்கை தூரத்தே இருந்து மட்டும் பார்க்கும் சந்தர்ப்பமும் வழங்கப்படும்.

*இதன் விலை இலங்கை ரூபாயில் வெறும் 821 ரூபா .49காசுகள் மட்டுமே
இந்தியாவில் இரு நூற்றியைம்பது ரூபா 26காசுகள் மட்டுமே.
சர்வதேச நாடுகளில்,அந் நாட்டினைப் பொறுத்தும், தொடர்பு கொள்ளும் நபரைப் பொறுத்தும் விலை விகிதம் வேறுபடும்!

முகவர்களுக்கும் முன்னுரிமை உண்டு, இன்றே தொடர்பு கொள்ளுங்கள்
Smart comment Founder system
Smart Academy Lap
No 251 ஆரிய குளம்
அடங்கா நல்லூர்
யாழ்ப்பாணம்
தொலை பேசி 0094- 7773333444
மின்னஞ்சல் smartcommentno@ smart.com
Web URL:   பின்னூட்டமிடுவோர் பின்நகரம்.com

இன்றே முந்துங்கள்! இப் பொழுதே விரையுங்கள்!
கையிருப்பில் குறைந்த ஸ்டொக் இருப்பதால் இன்றே தொடர்பு கொள்ளுங்கள்.
Hurry up., Don't miss your massive offer!

பின்னூட்டங்களில் இனி நிஜ வடை
பிளாக்கில் கமெண்ட் போட்டால் கிடைக்கும்
சூடான கீரை வடை!

Share