பதிவர்களே! உங்களால் முடியுமா?

வலையுலக வல்லவர்கள், பதிவர்கள், வாசகர்கள் அனைவருக்கும் ஒரு சவாலான விடயத்தினம் இருக்கிறது, அது என்னவென்று தெரியுமா?
’எடுங்கடா அந்த அருவாளை, இவனை ஒரே போடாப் போட்டிடுவம் என்று நீங்க கிளம்ப முன்னாடி, நேரா மேட்டருக்கு வந்துடுறேன் உறவுகளே!

நாம சின்ன வயசிலை பள்ளிக் கூடத்திலை படிக்கும் போது குறளி வித்தைகள் செய்திருப்போம் தானே? குறளி வித்தைகள் என்பது; பள்ளிக் காலத்தில் நாம் செய்த குறும்புகள். அந்தப் பள்ளிக் காலக் குறும்புகள் வரிசையில், ஒரு சில சவாலான விடயங்களை, விவகாரமான மேட்டர்களை யாருமே இலகுவில் மறக்க மாட்டோம்.

முதலாவது விடயம், இது ஒன்றும் பெரிய சாதனை மேட்டர் இல்லை, ஆனால் இந்த வசனத்தை பத்துத் தடவை, நீங்க திக்காமல் சொன்னால், உங்களுக்கான எதிர் காலம் சும்மா.... ஓகோன்னு இருக்கும். அடுத்த வலையுலக ஹீரோ நீங்க தான் என்பதை நான் ஒத்துக்கிறேன். 
’கடற் கரையில உரல் உருளுது’

இதே மாதிரி, உங்களின் நாக்கை ஒரு கையால் பிடித்துக் கொண்டு
‘என்ரை பென்சிலைக் காணவில்லை’ 
இப்பூடி பத்து தடவை சொல்லனும், இதையும் நீங்க செய்தா வருங்கால வலையுலக முதல்வராகும் வாய்ப்பு, உங்களுக்கே!

அடுத்ததாக இதே மாதிரிப் பல வசனங்கள் மனதிற்குள் புதைந்து கிடக்கிறது. ஆனால் வெளியே சொன்னால் சங்கடங்கள் தான் உருவாகும்,
அரப்பு இண்டைக்கு ஐம்பது ரூபா....இதுவும் ஒரு ஜிங்குஜா வசனம் தான், ஆனால் இதனால் வரும் பின் விளைவுகளுக்கு கம்பனி பொறுப்பேற்காது. இப்பூடி பல குறும்பு வசனங்களைப் பாடசாலைக் காலத்தில் சொல்லி மகிழ்ந்திருக்கிறோம். உங்களுக்கான சவால் இது தான்.

இது போல உங்களுக்கும் பல விடயங்கள் தெரிந்திருக்கும், அவையும் சுவாரசியமாக இருந்தால், நீங்களும் பகிர்ந்து கொள்ளலாமே;-)))
அவ்.............................

அரப்பு- சீயாக்காய்.

இந்தப் பதிவைப் படிப்பதால் ஏற்படும் பின் விளைவுகளுக்கு கம்பனி பொறுப்பேற்காது.

Share