பதிவர்களே, உங்களுக்கோர் சவால்- காமெடி ஜிம்மி!

சும்மா இருக்கிற சிங்களையெல்லாம் சீண்டிப் பார்க்கிறதுக்கு நான் ரெடி ஆகிட்டேன். ஹா..ஹா...
 இப்போ மேட்டர் என்னன்னா, இன்னைக்கு ஒரு கல, கல கலக்கல் காமெடி போட்டியை என் வலையில் உங்கள் அனைவரின் ஆதரவோடும் நடாத்தலாம் என்றிருக்கிறேன்.

போட்டி ஒன்றும் புதிதாக நான் கண்டு பிடித்த விடயமல்ல. சும்மா ஒரு தமாஷாக, ஜாலியாக சனிக் கிழமை இரவைச் சந்தோசமாக கழிக்கும் ஒரு பாட்டுக்குப் பாட்டுப் போட்டி தான்.

பாட்டுக்குப் பாட்டுப் போட்டியில் கலந்து கொள்ள எல்லோரும் ரெடியா?
ஓக்கே, இப்போ போட்டி விதி முறைகள் என்று ஒன்று இருக்கிறது அனைவருக்கும் தெரியும் தானே!

விதி முறைகளை இவை தான்.

*ஒருவர் பாடலின் இரண்டு வரிகளைச் சரியாக எழுத வேண்டும்.

*பாடலைச் சரியாகச் சொல்லும் நபரே, அடுத்த பாடலுக்கான எழுத்தினையும் குறிப்பிட வேண்டும்.

*அடுத்த பாடலுக்கான எழுத்து, முதற் பாடலின் முடிக்கும் சொல்லில் அமைய வேண்டும், அப்படி முடிக்கும் சொல்லில் வரா விட்டால் இறுதிச் சொல்லில் இருந்து எடுக்கப்பட வேண்டும்.

*இப்போ உதாரணத்திற்கு,
நான் ‘மா’ என்னும் எழுத்தில்
‘மாங்குயிலே பூங்குயிலே சேதி ஒன்று கேளு
உன்னை மாலையிடத் தேடி வரும் நாளு எந்த நாளு.........
என்று ஒரு பாடலை எழுதினால்,
இதன் இறுதி எழுத்தான ‘ளு’ என்னும் எழுத்தில் பாடல் இல்லை.

ஆகவே, நாளு எனும் இறுதிச் சொல்லில் உள்ள
‘நா’ என்னும் எழுத்தில் உள்ள பாடலைக் கண்டு பிடிக்கும் படி அடுத்த போட்டியாளருக்குச் சொல்ல வேண்டும்,

போட்டியில் பாடல் வரிகள் சரியாகச் சொல்லப்படுகின்றதா என்பதனை, நான் கவனித்துக் கொண்டிருப்பேன். யாருமே பாடல்களைச் சொல்லா விட்டால் நான் அப்பாடலைச் சொல்லிய பின்னர்(எனக்குத் தெரிஞ்சிருக்கனுமே;-)) ஹி....ஹி....), அடுத்த எழுத்தை உங்களுக்கு வழங்குவேன்.
எல்லோரும் தயாரா!

*போட்டியில் அதிக பாடல்களைச் சொல்லி வெற்றி பெறும் நபருக்கு, இறுதி வரை அடித்தாடும் நபருக்கு இரண்டு மின் நூல்களும், இரண்டு ஆங்கிலத் திரைப்படங்களைத் தரவிறக்கம் செய்வதற்கான Software உம் வழங்கப்படும்!

தங்க நகை உலகில் மங்காப் புகழ் பெற்ற ‘நாஞ்சில் மனோ’ ஸ்தாபனத்தின் அனுசரணையுடனும், அட்ராசக்க காமெடி கும்மி சிபியின் விளம்பர உபயோகத்திலும் வலை உலகில் உங்களை நாடி வருகிறது


‘நாற்றின் பாட்டுக்குப் பாட்டு’! 


பதிவர்களே, வாருங்கள், கலாயுங்கள், கலக்குங்கள்! 

டிஸ்கி: பதிவில் வெற்றி பெறும் நபர் விரும்பினால், படங்களில் உள்ள யாராவது ஒரு பிரபல பாடகருடன் மேடையேறிப் பாடும் சந்தர்ப்பம் வழங்கப்படும்!

Share