தீக்குளிக்க தயாராகும் கலைஞர்! தீயை வைக்க தாமதிப்பாரா ஜெயா?

கலைஞர் கலாட்டா - கருத்து கடிவாளம் - கப்ஸிங் ஜிங்கிங் - சொங்கிங் ஜிங்கிடி!

*அண்ணா நூலகம் இடிக்கப்பட்டால் நான் தீக்குளிப்பேன் கலைஞர் ஆவேசம்:

அட போங்க பெரியவரே! இன்னுமா இந்த உலகம் உங்களை நம்பிட்டிருக்கு? சங்கரன் கோவில் தேர்தல் முடிஞ்சா நான் டீ குடிப்பதாக சொன்னதை தீக்குளிப்பதாக யாரோ எழுதிட்டாங்க என்று நீங்க பல்டி அடிச்சாலும் அடிப்பீங்க என்று நமக்கு முன்னாடியே தெரியாதா சார்?

*தென்றலை தீண்டியதில்லை - தீயை தாண்டியிருக்கிறேன் - கலைஞர் எழுதிய திரைப்பட வசனம்:

ஐயோ..ஐயோ..ஐயா கலைஞரே! தென்றலை யாரும் தீண்ட முடியாதுன்னு கவியரசரே முகத்தில் அறையா குறையா வெளக்கம் கொடுத்த பின்னரும், நீங்க உல்டா பண்ணலாமா? என்னது ஆல்ரெடி தீயை தாண்டியிருக்கிறீங்களா? அப்புறம் எதுக்குங்க தீக்குளிப்பு? ஒரு வேளை ஆல்ரெடி தீயை தாண்டியிருப்பதால் இனிமே தீக்குளித்தாலும் இத்துப் போன உடலுக்கு வலிக்காதுன்னு நெனைச்சிருப்பீங்களோ? லைட்டா ஒரு டவுட்டு!

*சனல் 4 காணொளியை பார்த்து கண்ணீர் வடிக்கிறேன் - ஈழ மக்களை வைத்து கபட நாடகம் ஆடி கடிதம் எழுதிட வார்த்தைகளை தேடுகிறேன்:

அப்படிப் போடுங்க அ(ஐ)ய்யா...செம காமெடி பண்றீங்க. போர் நடக்கும் போது தேர்தல் பிரச்சாரத்தில் ஒரு புறம் கவனத்தை செலுத்திட்டு, மறுபுறம் மகள் கனிமொழியுடன் ஜெகத் கஸ்பார் அடிகளாரையும் கூட்டுச் சேர்த்து நம்ப வைத்து வன்னி மக்கள் கழுத்தறுத்த நீங்க, இப்போ வார்த்தைகளை தேடுறீங்களா? போங்கைய்யா...இனியுமா உங்க அரசியல் பஞ்சு டயலாக் வேலைக்காகும்!

ஓர் நாட்டின் எதிர்காலம் நாளைய இளைஞர்கள் கையில் - கிழிஞ்சுது போங்க. இப்படிச் சொன்னவன் யாருங்க? நம்ம நாடுகளில கட்டையில போற வயசில இருக்கிறவங்க ஆட்சி கட்டிலில் இருப்பதை பார்த்த பின்னரும் இப்படிப் பேசுவது சரியா? 

இலங்கைக்கு எதிரான தீர்மானத்திற்கு மத்திய அரசு ஆதரவளிக்காவிட்டால், மத்திய அரசின் ஆதரவை திமுக வாபஸ் வாங்கும்: அடங் கொய்யாலே! என்னமோ நடக்குது! மர்மமா இருக்குது என்ற நிலமையில் அல்லவா கலைஞர் ஐயா பேசிக்கிட்டிருக்கிறீங்க. ஒங்க செல்ல மகள் திஹார் வாடி வதங்கும் போது கூட இப்படிப் பேசாத நீங்க சங்கரன் கோவில் எலக்சன் டைம்மில பேசுறீங்க என்பது நமக்கெல்லாம் தெரியாதா என்ன? 

Share