கலியாணம் கட்டாத பசங்களின் கலர்புல் பார்ட்டி - 28/02/2012

ஆபாசானந்தா மேல சத்தியமா இப் பதிவானது ஆபாசப் பதிவு இல்லை என்று சொன்னாலும் நம்பவா போறீங்க? வாருங்கள்! கலர் கலராய் இன்றைய டியூஸ்டே பார்ட்டியை கலக்குவோம். 

மகிந்தரை காப்பாற்ற அனைவரும் மன்றாடுங்களாம்! 

பதிவின் இறுதியில் ஒரு முக்கிய அறிவிப்பு இருக்குங்க. 

முற் பகல் செய்யின் பிற் பகல் விளையும் என்பது நம்ம ஆன்றோர் வாக்குங்க. இந்த வாக்கிற்கு எம் கண் முன்னே அர்த்தம் கிடைக்கும் காலம் வந்து விட்டது என மகிழ்ச்சிக் கடலில் தமிழ் மக்களின் உள்ளங்கள் ஆர்ப்பரிக்க ஆரம்பித்து விட்டன. இன்றைய தினம் ஜெனீவா நகரில் உள்ள ஐக்கிய நாடுகள் சபை முன்றலில்; லட்சக்கணக்கான மக்களின் கண்ணீருக்கு பதில் கிடைக்கும் என்பதனை உணர்ந்த இலங்கையின் அரசியல்வாதியான எம்.ஆர்.எம்.அப்துல்காதர் அவர்கள் மகிந்தரையும், இலங்கையின் நல் வளர்ச்சியினையும் கருத்திற் கொண்டு, இந்த வாரம் முழுவதும் நாடு முழுவதும் பிரார்த்தனையில் ஈடுபடுமாறு அழைப்பு விடுத்திருக்கிறாருங்கோ! 

உஷாரைய்யா! உஷாரு! இலங்கையின் சனாதிபதி முதல், சல்லாப அரசியல் நடாத்தும் மந்திரிகள் வரை, தாம் செய்த பாவங்களுக்கு பிரதிபலன் கிடைத்திட கூடாதெனும் ஆசையில் தலை கீழா நின்னு பிரார்த்தனை செய்யா குறையாக தவிச்சிட்டிருக்காங்களாம். முடிஞ்சா மேற்குலக மந்திரிங்களை மடக்கி தம் பக்கம் இழுக்கலாம் எனும் நோக்கில ஊத்திக் கொடுக்கும் பார்ட்டியும் வைச்சிருக்காங்க. அடக்குமுறை நாயகனுக்கு ஆப்பு கன்போர்ம் என்றால் இப்போ ஊத்தி குடுக்கிறவங்க, இனிமே கூட்டியும் கொடுப்பாங்களோ? 

ஜெயாவின் ஆட்சியில் இருண்ட மாநிலமாக தமிழ்நாடு! 

பதிவின் இறுதியில் ஒரு முக்கிய அறிவிப்பு இருக்குங்க. பார்க்க தவற வேணாம்.

அதிமுக ஆட்சி காலத்தில அன்னை தமிழகம் இருண்ட மாநிலமாக மாறிட்டதாக தொல்.திருமாவளவன் அவர்கள் புலம்பியிருக்காரு. அடப் போங்க, திருமா சார்! 

திமுக காலத்தில மாத்திரம் தமிழகம் ஒளிர்ந்திட்டிருந்திச்சுதா? 2G ஊழலில் ஒரு குடும்பம் மாத்திரம் தானே ஓகோன்னு ஒளிர்ந்திட்டிருந்திச்சு. வரலாறு முக்கியம் சார். இல்லேன்னா கலைஞர் ஐயா கோவிச்சுக்க போறாரு!

அனல் பறக்கும் பேச்சால் இஸ்ரேலை அடக்க நினைக்கும் ஈரான்:

எங்களைத் தொட்டால் இஸ்ரேல் என்ற நாடே இருந்த இடம் தெரியாதவாறு, பூண்டோடு அழித்து விடுவோம் எனச் சூளுரைத்துள்ளார் ஈரானின் பாதுகாப்பு அமைச்சர் அஹமது வஹிதி. அப்பாடா...இப்படி ஒரு வார்த்தையை கேட்டதும் அமெரிக்கா ஈரானுக்கு அசாத்திய சப்போர்ட் கொடுக்க ஆரம்பித்தாலும் ஆச்சரியம் இல்லையே! அப்புறம் என்னங்க, ஈரானின் பின் புலத்தில அமெரிக்கா இருந்தா சொல்லவா வேணுமுங்க.

சோக்கு செம சோ(ஜோ)க்கு:

நாம படிச்ச பள்ளிக்கூட்டத்தில கூட்டாளிப் பையன் ஒருத்தன் டாய்லெட்டினுள் ஒரு திருவிளையாடல் செய்தானுங்க. என்னா மேட்டர் என்று தானே யோசிக்கிறீங்க. அவன் பெருசா ஒண்ணுமே பண்ணலைங்க. "உங்கள் எதிர்காலம் உங்கள் கையில்” அப்படீன்னு பசங்க சிறுநீர் கழிக்கும் இடத்தில எழுதி வைச்சிட்டானுங்க.

நமீதாவுக்கு பிடித்த நல்ல வார்த்தை:

நமீதா மேடத்திற்கு தமிழில் பிடித்த வார்த்தை எது தெரியுமாங்கோ? மச்சான்ஸ் என்ற வார்த்தை தான் நம்ம நமீ மேடத்திற்கு ரொம்ப ரொம்ப புடித்த தமிழ் வார்த்தையாமுங்க. மெது மெதுவாக தமிழ் கத்துக்க ஆரம்பித்த அம்மணி, அண்மையில் அம்புலி பாடல் வெளியீட்டு விழாவின் போது ஹாய் மச்சான்ஸ் என ரசிகர்களை செல்லமாக அழைத்து ப்ளையிங் கிஸ் கொடுத்திருக்காராம். இந்த கண் கொல்(ள்)ளா காட்சியை அருகே இருந்து பார்த்த இயக்குனர் சேரனோ, ஒரு நிமிடம் அசந்து போயிட்டு, அம்மணியிடம் மச்சானுக்கு அர்த்தம் என்னான்னு கேட்டிருக்காரு!
அம்மணியும், நட்பு அப்படீன்னு சொல்லியிருக்காரு! இனிமே நமிதாவுக்கு நாம எல்லாம் நண்பர்களாகிட்டோம் என நினைத்து நமீதா ரசிகர்கள் சந்தோசப்பட்டுக்க வேண்டியது தானுங்க. ஏன்னா அம்மணி உங்க எல்லோரையும் மச்சான் என்று சொல்லிட்டாங்க இல்லே!!!

பதிவர் முரண்:

அடுத்த வீட்டு சிவப்பு சட்டை குட்டி
அனுதினமும் கண்ணால் ஜாடை காட்டி
படுக்கையிலே கனவு தந்து புரள சொன்னாள்
பார்வையாலே காதல் சொன்னேன் - பாவையுமே
பாதணியை காண்பித்தாள் - கண்ணில் நீரை வர வைத்தாள்!!
(பாதணி - செருப்பு)

பதிவர் ஜோதிடம்:

காட்டுக்குள் இருக்கும் பதிவருக்கு அண்மை காலமாக ஓர் தீராத ஆசையாமுங்க.குளிருக்குள் உடம்பு பூரா போர்த்திட்டு இருக்கிறவருக்கு வெயில் காலம் வந்திட்டா ஒரே கொண்டாட்டாம் தானாம். தன்னோட தேசிய உடையில காத்தோட்டமா சம்மர் காலத்தில ஊரெல்லாம் அலைஞ்சாலும், காட்டு வாசிக்கு தீராத ஆசையா லுங்கி கட்டிட்டு ஊர் சுத்தனும் அப்படீன்னு ஓர் ஆசை இருக்காம். இதனால கிப்ஸ் பனியனும், லுங்கியும் போட்டுக்கிட்டு கிளு கிளுப்பா ஊரெல்லாம் போய் வரனும் எனும் ஆவல் பொங்க காட்டூஸ் இப்போ தமிழகத்திற்கு கிளம்ப போறாராம்! தன்னோட தமிழக பயணம் வெற்றிகரமாக அமைந்தால் ஹன்சிகாவிற்கு கோயில் கட்டி, லுங்கி மாலை போட்டுக்கிறதாக பதிவர் காட்டூஸ் இப்போ பிரார்த்தனை பண்ணிக்கிட்டிருக்காராம். மாம்ஸ்...பார்த்துங்க; லுங்கி மாலை வாங்குவதா நெனைச்சு -ங்கி மாலை வாங்கி போட்டு உதை வாங்கிடாதீங்க.

பதிவர் பலி பாடல்:

கட்டழகி கண்ணம்மா கவிதை ஒண்ணு சொல்லம்மா
பொட்டழகி பொன்னம்மா உன் பொண்ணை வர சொல்லம்மா
உதட்டழகி, உடலழகி, இடையழகி, மொழியழகி என பலருங்க வந்தாலும்
இதயத்திலே குடியிருக்கும் உயிரழகிக்கு நிகராய் யாரும் வருவாங்களா?

பதிவர் குசும்பும் குழப்பமும்:

ஊசி இணைப்பு:

நாம ரொம்ப சோகமா இருக்கும் போது, சந்தோசமான காட்சிகளைப் பார்த்தா சோகங்கள் எல்லாமே பறந்தோடிப் போயிடும் அப்படீன்னு சொல்லு வாங்கோ. ஆனால் ரொம்பவும் சோகமான ஒரு ஆங்கிலப் பாடலைப் பார்த்தா சந்தோசம் தானா வரும் என்று மேலை நாட்டு நண்பர்கள் சொல்லுறாங்கோ. அந்தப் பாடலில் அப்படி என்னதான் இருக்கு என்று அறிய, நீங்களும் ஒருவாட்டி இங்கே கிளிக் செய்து, அப் பாடலைப் பார்த்து மகிழலாம் அல்லவா?

ஏலவே ஒருவாட்டி, கலியாணம் கட்டாத பசங்களின் ஹவுஸ்புல் பார்ட்டி பதிவினை ஒலிப் பதிவாக கொடுத்திருந்தேன்.நேரமின்மையால் தொடர்ச்சியாக இப் பதிவினை ஒலிப் பதிவாக கொடுக்க முடியலை.  மன்னிக்கவும் நண்பர்களே. சந்தர்ப்பம் கிடைக்கும் போது கண்டிப்பாக இப் பதிவினை ஒலிப் பதிவாக தர முயற்சிக்கிறேன். ஏலவே வெளியான பதிவின் ஒலிப் பதிவினை கேட்காதவர்கள் இங்கே கிளிக் செய்து கேட்டு மகிழலாம். 

ஒரு முக்கிய அறிவிப்பு:

நண்பர்களே, வீணாண சர்ச்சைகள், சிலரின் வயித்தெரிச்சலை தவிர்க்கும் நோக்கிலும், கட்டுப்பாடுகள் இன்றி தன்னிச்சையாக எழுதும் நோக்கிலும்; இம் மாதத்துடன் தமிழ்மண கட்டண சேவையிலிருந்தும், தமிழ்மணத்திலிருந்தும் விலகுவதாக முடிவெடுத்திருக்கிறேன்.இது தொடர்பாக உங்கள் கருத்துக்களை ஆவலுடன் எதிர்பார்க்கிறேன்.

நன்றி,
வணக்கம்!!

Share