நமக்கு நாமே விருது கொடுத்து மகிழலாம் - வாருங்கள் பதிவர்களே!

எல்லோருக்கும் வணக்கமுங்க, எல்லாரும் நல்லா இருக்கீங்களா? பதிவின் தலைப்பினைப் பார்த்திட்டு பல பேரு உணர்ச்சி வசப்பட்டிருப்பாங்க. எல்லோரும் கூல் டவுண். வெளியே என்ன எழுதி இருக்கு என்று முடிவு பண்ணிக்க முன்னாடி, பதிவினைப் படித்து, பதிவில் என்ன எழுதி இருக்கு என்பதனை படிச்ச பின்னாடி நிச்சயமா உங்களின் கோபம், ஆத்திரம் எல்லாம் காணாமற் போயிடுமுங்க. இப் பதிவானது தனக்கு தானே விருது வழங்கி மகிழும் பதிவர்களை மையப்படுத்தி எழுதப்பட்டிருக்கிறது. ஒத்தப் பதிவினூடாக மொத்த ஹிட்சையும் அள்ளுவது எப்படி எனும் தொடரின் ஏழாவது பாகமாக இப் பதிவு உங்களை நாடி வருகின்றது. இப் பதிவின் ஏனைய பாகங்களைப் படிக்க கீழே உள்ள Drop Down Menu இல் கிளிக் செய்யுங்கள்.   பதிவர்களும் பதிவுலகும் பாகம் 01 பாகம் 02 பாகம் 03 பாகம் 04 பாகம் 05 பாகம் 06  இனி பாகம் ஏழினுள் நுழைவோமா?

பதிவுலகில் இப்போது விருதுகள் குவியும் மாதம். யார், யாருக்கு விருது கொடுப்பது எனும் வரையறை இல்லாமல் நமக்குப் பிடித்தவர்களுக்கு விருதுகளை அள்ளி வழங்குகின்றோம். மூத்த பதிவர்கள் தமது எழுத்திற்கு அங்கீகாரம் கிடைத்திருப்பதாக புளகாங்கிதம் அடைந்த்து விருதுகளைப் பரிமாறிக் கொள்ள,அப் பதிவர்களிடமிருந்து விருதுகளைப் பெற்றுக் கொள்ளும் இளையவர்களோ, புதிதாக பதிவுலகினுள் எழுத வந்த பதிவர்கள், பத்துப் பதிவுகளை மாத்திரம் எழுதிய பதிவர்கள் எனப் பலருக்கும் விருதுகளை அள்ளிப் பூச் சொரிந்து வாழ்த்துப்பா பாடாத குறையாக வழங்கி மகிழ்கிறார்கள்.

எனக்கு விருது கிடைக்கலை என்ற வயித்தெரிச்சலில் இப் பதிவு எழுதப்பட்டது என்று நீங்க யாராச்சும் புலம்பினால், அதற்கு நான் பொறுப்பாளி ஆக முடியாதுங்க. எனக்கும் பல நண்பர்கள் விருது கொடுத்திருக்கிறாங்க. ஆனால் நான் அந்த விருதுகளை ஏற்றுக் கொள்வதில்லை. எனக்கு பலர் விருது வழங்கும் போது, நான் கேட்கும் கேள்வி, என்னுடைய எழுத்தில் உங்களுக்கு எந்தப் பதிவு பிடித்திருக்கு என்று நினைத்து நீங்க விருது கொடுக்கிறீங்க? விருது வழங்கும் நபர் ஏதாச்சும் ஒரு பதிலை சொல்லுவாரு. நான் சொல்வேன். இந்த விருதிற்கு நான் தகுதியானவன் அல்ல. ஏன்னா நான் எழுதிய அந்தப் பதிவு ஒரு மகா அசிங்கப் பதிவாக அல்லது மரண மொக்கைப் பதிவாக இருக்கும்.

இந்த மாதிரியான சூழல்களின் அடிப்படையில் தான் பதிவுலக விருது வழங்கும் வைபவங்களும் கணிக்கப்படுகின்றன.ஒரு படைப்பாளி தன்னுடைய எழுத்திற்கு அங்கீகாரம் வேண்டி பதிவெழுத வருகின்றான்.அவனுடைய படைப்புக்கள் பலரையும் சென்றடைய முன்பதாக, அந்தப் பதிவர் பத்துப் பதிவுகளை எழுதி முடிக்க முன்பதாக, "சார்! உங்க எழுத்துக்கான அங்கீகாரம் இந்த ஸ்பெயின் நாட்டு விருது மூலமாக கிடைக்குது சார்! இதோ உங்களுக்கான விருது!" அப்படீன்னு சொல்லி, புதிதாக எழுத வந்த பதிவரையும் உசுப்பேத்தி, உணர்ச்சியின் உச்சக் கட்டத்திற்கு கொண்டு போயிடுவாங்க சில பதிவர்கள்.

பதிவுலகில் ஒருவரின் எழுத்துக்களிற்கான அங்கீகாரமாக விருதுகள் வழங்கப்படுகின்றன என நீங்கள் யாராச்சும் நினைத்தால் அந்த நினைப்பினை இன்றுடன் மறந்து விடுங்கள். பதிவுலகில் தமது வாக்கு, பின்னூட்டம், பதிவரசியல் வட்டத்தினைப் பெருக்கி கொள்வதற்காக தான் விருதுகள் வழங்கப்படுகின்றன. ஒரு பதிவர் புதிய பதிவருக்கு கமெண்ட் அடிச்சு பார்ப்பாரு. புதிய பதிவர் கண்டுக்கலைன்னா அடுத்த அஸ்திரமா இந்த விருதினை கொடுப்பது என ஆரம்பித்து,விருதினை வழங்கி, புதிய பதிவரையும் தன் கஸ்டடிக்கு வரப் பண்ணிடுவாரு! இது தான் பதிவுலக யதார்த்தம்.

இன்னும் சில பதிவருங்க என்னா பண்ணுவாங்க என்றால், பல நாளா தமக்கு யாராச்சும் விருது கொடுக்க மாட்டாங்களா என்று காத்திட்டிருப்பாங்க. காத்திருந்து, காத்திருந்து காலங்கள் போன பின்னாடி, தாமாக ஓர் வலைப் பதிவினை, புதிய பெயரில் உருவாக்கி, அந்த ப்ளாக்கின் ஊடாக தன்னுடைய ப்ளாக்கிற்கு விருது கொடுத்து மகிழுவாங்க. இந்த வகையறாப் பதிவர்கள் சிலரை நானும் சந்தித்திருக்கிறேன்.ஒரு பதிவர் என்னா பண்ணினாரு என்றால், பதிவெழுத வந்து சில மாதங்களே ஆன நிலையில் யாருமே தனக்கு விருது வழங்கலை என்ற கோபத்தில தனக்கு தானே விருது கொடுத்து பார்த்தாரு! தன்னை யாருமே கண்டுக்கலை என்று உணர்ந்த பின்னர், பதிவுலகினையே பரபரப்பாக்கும் வண்ணம், விருதிற்கு என்றோர் தனித் தளம் ஆரம்பித்து தன் பதிவிற்கு பல விருதுகளை கொடுத்து பார்த்தாரு.

அப்புறமா, சில நாட்களின் பின்னர் இது அந்தப் பதிவரின் வேலை தான் என்பதனை பதிவுலகம் உணர்ந்து கொண்டது.வேறு வழியின்றி விருதிற்கென்று உருவாக்கப்பட்ட தளத்தினை அழித்து விட்டு, இப்போ தன் வலையினூடாக ஓர் புதிய விருதினை, புதிய பெயரில் கொடுக்க ஆரம்பித்திருக்காரு. இப்படிப் பல பதிவர்கள் பதிவரசியல் வட்டத்தினைப் பெருக்கும் நோக்கில் பதிவுலகில் வலம் வர்றாங்க. புதுப் பதிவர்களின் எழுத்துக்கள் அடையாளம் காண முன்னாடியே விருதுகள் என்ற மாயையினுள் புதிய பதிவர்களை உள்ளடக்கி, அவர்களின் படைப்புக்களை அங்கீகாரத்தினை உங்கள் அகங்காரத்தால் அழிப்பதனை விடுத்து, காத்திருந்து, காலம் கனியும் போது, காத்திரமான படைப்பாளிகளுக்கு உங்கள் விருதுகளை வழங்கலாம் அல்லவா?

இத் தொடரின் அடுத்த பாகத்தில் இன்னும் சில பதிவுலக ரகசியங்களோடு உங்களைச் சந்திக்கிறேன்.
பதிவின் தலைப்பினைப் பார்த்திட்டு பல பேரு உணர்ச்சி வசப்பட்டிருப்பாங்க. எல்லோரும் கூல் டவுண். வெளியே என்ன எழுதி இருக்கு என்று முடிவு பண்ணிக்க முன்னாடி, பதிவினைப் படித்து, பதிவில் என்ன எழுதி இருக்கு என்பதனை படிச்ச பின்னர் நிச்சயமா உங்களின் கோபம், ஆத்திரம் எல்லாம் காணாமற் போயிடுமுங்க. இப் பதிவானது தனக்கு தானே விருது வழங்கி மகிழும் பதிவர்களை மையப்படுத்தி எழுதப்பட்டிருக்கிறது

Share