ஏகாம்பரத்தாரின் பொண்டாட்டிக்கு என்னால ஏழில சனி!

ஏகாம்பரத்தாரின் ஏக்கப் புலம்பல்!

கலியாண வயசில் கனவுகளின் தொல்லை கூட

கன்னியரைத் தேடி ஏகாம்பரத்தாருக்கு மனதில் ஏக்கம்

பலியாடாய் ஒருத்தி எ(ன்)னை தேடி வந்து - இன்ப

பாவம் தனைப் போக்கிடாளா என்று தினம் வாட்டம்

சிலையான மங்கையவள் என் சிந்தையினை தூண்டி

சில்மிஷங்கள் செய்யாளா என்பதனால் இல்லை தூக்கம்

வலை போட்டு பெண்களினை நாளும் தேடிப் பார்த்தார்

வடிவான குட்டி மாட்டிடவே வாஞ்சையுடன் தொடர்ந்தார்!

அழகான பெண்ணவள்- அந்தப் புற தேவதையாய்

அடியேனை தேடி வர வேண்டுமென நினைத்தார்

அழையாத விருந்தினர் போல் அவள் பின்னே தினமும்

அலைந்து தன் ஆசையினை சொல்லிடவே துடித்தார்

வலை போட்ட தூண்டினிலே வனிதாவும் மாட்டிடவே

வயசிற்கும், உடைகளுக்கும் விடுதலையை கொடுத்திட நினைத்தார்!

நிலையான இவ் உலகில் நிறைவான இன்பம் போல

நினைவிற்குத் தீனியிட ஏதும் இல்லையே என உணர்ந்தார்!!

வனிதாவை அழைத்தார்- வடிவான மொழியினூடே காதல் உரைத்தார்

வடிவான மங்கையவள் எனப் புகழ்ந்தார் 

இனிதாக இன்ப மொழி பேசினார் - மங்கையினை தனக்கு 

இசைவாக மாற்றிடவே இயல்பின்றி துடித்தார்

கனிவான பேச்சு - கன்னம் குழை காதல் மொழி ஊற்று 

கவலை போக்க காதினிலே செல்லக்கடி

மனதார மானே உன்னை விரும்புகிறேன் என மையலிட்டார்

மடிசாய வேண்டுமென விருப்பம் கொண்டார்!!

தாலியொன்று கட்டு என்றாள் - தனஞ்செயனே உந்தன்

தாகம் தீர்க்க முன்பாக என்னை நீயும் ஊரறிய

மாலையிட வேண்டும் - மடி சாய முன்பாக 

மையலதை விட்டு விட்டு இனிதாக எனை நீயும்

கலியாணம் கட்டிடவே வழி பார்க்க வேண்டும்,

காதலித்த வேகம் போன்று கட்டிலிட முன்பாக
காலமெல்லாம் என்னுடனே காதலியாய் வாழ்வே னென்று
கண்ண பிரான் முன்னிலையில் சத்தியமும் செய்ய வேண்டும்!

உடன்பட்டார் ஏகாம்பரத்தார் - வனிதாவை தனக்கான
உற்ற துணையாக்கிடவே முடிவெடுத்தார்
இடர் கொண்ட காளையாய் இன்பத் தீயில் துடிக்கும்
இளையவர் ஏகாம்பரமும் பொறுப்பாரா? - புறப்பட்டார்
அடங்காத வெறி கொண்டு வனிதாவை
அணைத்து மகிழந்திடவே வேண்டுமென ஆவலுற்றார்
விடம் உண்ட மனிதன் போல விறுவிறுப்பு மிக்கவராய்
விழிகளிலே திருமண நாளை எதிர் பார்த்திருந்தார்!

அந் நாளும் வந்தது - அழகி வனிதாவோ கலியாண
அரங்கத்தில் காலெடுத்து வைக்கையிலே எனைக் கண்டு
செந்தாமரையை கண்ட சூரியனாய் முகம் சிவந்தாள்
செல்லமாய் நானும் முகம் மலர்த்தி சிரித்தேன் - கலியாண(ப்)
பந்தலிலே ஓரமாய் இருந்த மாப்பிளை ஏகாம்பரமோ எனை
பட படக்கும் பயத்துடன் ஓர் பார்வை பார்த்தார்!
அந் நேரம் தொடங்கியது சந்தேகம் - முறைத்தார்
ஆனாலும் அபையோர் முன்னிலையில் மூடி மறைத்தார்!

என் வீட்டிற்குப் பின்னாலே குடியிருந்தார் - எதேச்சையாய்
ஏகாம்பரத்தார் மனைவியுமோ என் கண்ணில் பட்டாள்
பண்பாட்டில் சிறந்தவனாய்; மனதில் ஏதும் நினைக்காது
பக்குவமாய் அவளைக் கண்டு சிரித்தேன் -
தன் பாட்டில் நான் சிரிப்பதனைக் கண்டவுடன் அவருக்கு
தானகவே வந்து தொற்றியது சந்தேக நோய்
இன்புற்றிருக்க மணஞ் செய்த ஏகாம்பரத்தின் வாழ்வோ
இருதலை கொள்ளியாய் சந்தேகத்துடன் நகர தொடங்கியது!

ஏகாம்பரத்தாரின் பெண்டாட்டிக்கு என்னால இப்போது
ஏழில சனி என்று ஊரெல்லாம் பேச்சு - சிவன் உமை
பாகமாய் இருந்த குடும்பத்தினுள் பற்றியது நெருப்பு
பாவியாய் நானிருந்தேன் - வனிதாவை பார்ப்பதையும் தவிர்த்தேன்!
வேகமாய் ஓர் நாள் வீட்டிற்குள் வந்தார் - வாள் கொண்டு
வெட்டுவேன் உனை நிரூபா - கவனம் என்றார்
சோகமாய் தன் மண வாழ்க்கையை தொடங்கினார்
சந்தேகப் பேயை விரட்டிட முடியாது திண்டாடுகின்றார்!

இன்றைய தினம் வெளியான மற்றுமோர் பதிவினைப் படிக்க: 

கொடுங்கோலர் மகிந்தரின் அழிவு காலம் நெருங்கி விட்டதா?

http://www.thamilnattu.com/2012/01/blog-post_06.html  

Share