பதிவுலகை நாறடிக்கும் உள் குத்து நா(ற)ரதரின் பக்கீர் பேட்டி!

ஜாலினோ ஜிம்கானா! காமெடி கு(ஜி)ம்மி கலாட்டா!

ஐயா வணக்கம், அம்மா வணக்கம், மற்றும் அனைவருக்கும் வணக்கமுங்கோ!நம்ம பேட்டிக்கு வந்திருக்கும் ஹெஸ்ட்டை பார்க்கிறதுக்கு முன்னாடி, அவரைப் பத்தி ஒரு சின்ன அறிமுகம் படிப்போமா? "பதிவுலகில் உள் குத்திற்கு ரொம்பவே பேர் போனவர் நான் தான் என்று" அடிக்கடி தன்னைத் தானே புகழ்ந்து கொள்ளும் மகான் இவர். இவரோட ஸ்பெசாலிட்டியே உள்குத்து என்ற பெயரில் மத்தவங்களுக்கு புரியாத மாதிரியும், தனக்கு மாத்திரம் புரிகிற மாதிரியும் பதிவெழுதி; தன்னோட எழுத்துக்கள் பின் நவீனத்துவ இலக்கியம் என்று மார் தட்டிக் கொள்வது தான். இப்போ...நாம நேரடியாக நாரதரைச் சந்திக்கப் போவோமா? வாருங்கள்!

நிரூபன்: வணக்கம் உள்குத்து நா(ற)ரதரே, உங்களை இன்றைய சிறப்பு பேட்டிக்காக சந்திப்பதில் மிக்க மகிழ்ச்சி. உங்களிடம் முதல் கேள்வியாக, உங்களை உள் குத்து நாரதர், அப்படீன்னு ஊர் எல்லாம் பேசிக்கிறாங்களே. இந்தப் பெயருக்கான அர்த்தம் என்ன என்று எங்களோட வாசகர்களுக்காகப் பகிர்ந்துக்க முடியுமா?

நாரதர்: யூ மீன் என்னோட பேருக்கான அர்த்தம்? அது வந்துங்க, ஜனங்களே. பதிவுலகில் என்ன நடந்தாலும் நான் தான் ரொம்ப பெரிய அறிவாளி மாதிரி உள்குத்து பதிவு. மத்தவங்களை கிண்டல் செய்யும் பதிவு என்று எழுதிக் கொண்டிருப்பேனுங்க. என்னோட பதிவுகளைப் படிக்கிற நண்பர்களுக்கும், வாசகர்களுக்கும்; பதிவு மூலமா நான் என்ன சொல்லவாறேன் அப்படீன்னு புரியாம, அவங்களா எனக்கு ஓர் பட்டம் குடுத்திருக்கானுங்க. அது தான் உள்குத்து நாரதர் என்ற பட்டம். ஸோ....என்னை நானே ஆரம்பத்தில உள்குத்து பதிவுகளில் பெஸ்ட்டு! என்று பீத்திக்கிட்டதால எனக்கு நானே இப்படி ஓர் பட்டம் வைச்சுக்கலாம் என்று யோசித்துக்கிட்டிருந்தேனுங்க. சட்டு புட்டேன்று நம்ம நண்பர்கள் நானாக எனக்கு பட்டம் சூட்டிக்க முன்னாடி அவங்களா எனக்கு பட்டம் சூட்டிக்கிட்டாங்க. 

நிரூபன்: நா(ற)ரதரே! உங்கள் உள்குத்து பதிவுகளின் ஸ்பெஷாலிட்டி என்ன என்று சொல்ல முடியுமா?

நாரதர்: என்னோட உள்குத்து பதிவுகளின் ஸ்பெசாலிட்டியே, நான் யாரைச் சுட்டி பதிவு போடுறேனோ! அவங்களுக்கு புரிஞ்சுக்காத மாதிரி எழுதுவது தானுங்கோ. இதை இன்னும் விரிவா, வெளக்கமா சொல்லிக்கனும் என்றால், நான் எழுதுற உள்குத்து பதிவுகள் யாவும் எனக்கு மாத்திரம் புரிகிற மாதிரி இருக்கும். மத்தவங்க எப்படித் தான் தலை கீழா நின்னு வாசிச்சாலும் இலகுவில் புரிஞ்சுக்கவே முடியாதுங்க.ஸோ...எனக்கு மாத்திரம் சுய சொறிதலை ஏற்படுத்தும் வண்ணம் நானே எழுதி, நானே வெளங்கி நானே சிரிச்சுக்கும் வண்ணம் இப் பதிவுகள் அமைந்து கொள்ளும். என்னோட நண்பர்கள் இந்த நாரதர் என்னா சொல்லியிருக்கான் அப்படீன்னு புரிஞ்சுக்காம சும்மா எடுத்து விடுவாங்க பாருங்க. நான் கமெண்டை சொல்றேன்! அந்த கமெண்டுகளை படிச்சாலே நாலு பெக் அடிச்ச அளவிற்கு எனக்கு போதை ஏறிடுமுங்க. அப்புறம் என்னங்க! மட்டையாகி அடுத்த உள்குத்தை எழுத தொடங்கிடுவேன்.

நிரூபன்: ஐயா நாரதரே! நீங்கள் உள்குத்து பதிவு எழுதி சாதித்தது என்ன? உங்களைப் பாதித்தது என்று சொல்ல முடியுமா?

நார(ற)தர்: உள் குத்து எழுதி எனக்கு நானே சுய சொறிதல் பண்ணிக்கிறது தான் சாதனை என்று சொல்லியிருக்கேனே! நீங்க கேட்டதுக்காக ஒரே ஒரு விசயம் இருக்குதுங்க. யாருக்கும் கேட்காத படி மெதுவா சொல்றேன். காதை கொஞ்சம் கிட்ட கொண்டுவாங்க. ஒருவாட்டி ஒரு பதிவரைத் திட்டி பதிவுலகின் மகா உள்குத்து இது தான் என்று எழுதினேனுங்க. அடக் கறுமம் அந்த பதிவர்; பறவைகள் சரணலாயத்தில இருந்து பறந்து வந்த ஆள் மாதிரி ரைட்டு! ரைட்டு! அப்படீன்னு பதிவை படிக்காம கமெண்ட் போட்டிட்டு பறந்து போயிட்டாருங்க.அவரோட கமெண்டை படிச்சு அந்த நாள் பூரா டாய்லெட்டுக்கு முன்னாடி இருந்து தேம்பி தேம்பி அழுதேனுங்க. உள்குத்துக்கே ஊசிக் குத்து கொடுத்திட்டாரு அந்த பதிவரு! 

இதனை விட என்னைப் பாதித்த பல விடயங்கள் இருக்குதுங்க. பதிவுலகில் சில பதிவர்கள் ஒத்துமையாக இருப்பது, பதிவுலகில் ஒரு பதிவர் அடிக்கடி ஓராம் இடத்திற்கு வந்திட்டு இருப்பது. நான் நினைப்பது போல பதிவுலகை இரண்டாகப் பிரித்து குளிர்காய முடியாம இருப்பது இதெல்லாமே என்னை பாதித்த விடயங்களுங்க. 

நிரூபன்: பதிவுலகில் உள்குத்து மூலம் எதிர்காலத்தில் நீங்கள் சாதிக்க நினைப்பது என்ன? 

நாரதர்: இப்பத் தானுங்க நீங்க மெயிண்ட் பாயின்ட்டுக்கே வந்திருக்கிறீங்க. பதிவுலகில் நான் சாதிக்க நினைப்பது, என்னோட ஆசைப்படி பதிவுலகினை இரு பெரும் அணிகளாக பிரிச்சு நான் ஒரு இனவாதி என்பதை நிரூபித்து மத்தவங்க அடிச்சுக் கொள்ளும் போது, நான் மட்டும் மறைஞ்சிருந்து பார்த்து பின் நவீனத்துவ உள் குத்து இலக்கியம் எழுதனுமுங்க.இந்த ஆசை நிறைவேறாதா என்று நானும் பலவாட்டி நெருப்பை பத்த வைக்கிறேனுங்க. பாழாய்ப் போன மணிப் பதிவரும், அவனோட ஆளுங்களும் தந்திரமா என் திட்டத்தில மண் அள்ளிப் போடுறானுங்க! இந்தக் கொடுமையை நான் யார் கிட்டப் போய்ச் சொல்லி அழுவேன்?

நிரூபன்: ஏன் நாரதரே அழுறீங்க?இப்போ நீங்க பேட்டி எல்லே குடுத்துக்கிட்டிருக்கிறீங்க. பொறுமை, பொறுமை.  (நாரதர் தன் கண்ணை கர்சிப்பால் துடைச்சிட்டு, பேட்டிக்கு தயாராகிறார்).

அடுத்த கேள்வி என்னான்னா; உள்குத்து பதிவுகளை விட, பதிவுலகில் நீங்கள் ஆற்றிவரும் சேவைகள் ஏதாச்சும் உண்டா நாரதரே?

நாரதர்: நிறைய சேவைகள் இருக்குதுங்க. பரதேசித் தமிழன் அப்படீன்னு ஒரு ப்ளாக் தொடங்கி பதிவர்களுக்கு தெரியாம, வெளி உலகில் பதிவர்கள் கூட நட்பாக இருந்திட்டு, அதே பதிவர்களுக்கு எதிராக மறைமுகமா எழுதிக் கொண்டிருக்கிறேனுங்க. அதே போல நேரடியாக நான் தாக்க முடியாத சில ஜாக்கி சேகர் மாதிரி பிரபல பதிவர்களுக்கு எதிராக, பிரபல பதிவர் அப்படீன்னு ஓர் ப்ளாக் தொடங்கி எழுதிட்டு இருக்கேனுங்க. இவை இரண்டும் என்னோட ரகசிய சேவைகள். இதை நீங்க யாருக்கும் சொல்லிடாதேள்! 

நிரூபன்: பதிவுலகு தவிர்த்து, வெளி உலகில் உங்கள் வீரம் பற்றி ஏதாவது சொல்ல முடியுமா? 

நாரதர்: அதை ஏன் கேட்கிறீங்க சார். பதிவுலகிலையே என்னோட வீரத்தை நிலைநாட்ட முடியலை. அப்புறம் எப்படி வெளி உலகில என் வீரத்தை நிலைநாட்ட முடியும்? பதிவுலகிலை நானும் வீரமான ஆள் என்று நினைச்சு என்னோட பொண்டாட்டி பேரில ஓர் ஐடி கிரியேட் பண்ணி கள்ள கமெண்ட் போட்டேனுங்க. பாழாய்ப் போன பசங்க சிலர் என்னோட அந்த போலி ஐடியை வைச்சே அது நான் தான் அப்படீன்னு கண்டு புடிச்சிட்டானுங்க. அப்புறம், நான் அவன் இல்லைன்னு ஓர் உள்குத்து பதிவு போட்டு, அதையும் மறைக்கப் பார்த்தேனுங்க. ஆனால் முடியலைங்க. 

நிரூபன்: பதிவுலகில் உங்களு வேதனை கொடுக்கும் விடயம்? 

நாரதர்: சில பதிவருங்க பதிவர் அறிமுகம் அப்படீன்னு ஒவ்வோர் பதிவுகளிலும் புதிய பதிவர்கள், இலைமறை காயாக இருக்கும் பதிவர்களை அறிமுகப்படுத்துறாங்க சார். ஆனாலும் அவங்க தங்களுக்கு புதியவங்க ஜால்ரா போடனும் அப்படீன்னு நெனைச்சு அறிமுகப்படுத்தலைன்னு எனக்கு ரொம்ப நன்னாவே தெரியும். ஆனாலும் எதையாச்சும் பத்த வைச்சு சுய சொறிதல் காண்பது தான் என்னோட குணமாச்சே. ஸோ...புதுப் பதிவர்களை அறிமுகப்படுத்துவது தமக்கு ஜால்ரா போட அப்படீன்னு ஒரு தீயை பத்த வைச்சு வைக்கற் பட்டறை நாய் மாதிரி குலைச்சுக்கிடே இருப்பேனுங்க. நான் மட்டும் புதுப் பதிவருங்க யாராச்சும் வந்தா அன்பா என்னோட முறைப் பையன் அப்படீன்னு சொல்லி அழைச்சிட்டு போய்க்கிட்டே இருப்பேனுங்க! இது தான் ரொம்ப வேதனை கொடுக்கிற விஷயமா இருக்குதுங்க. 

நிரூபன்: பதிவுலகில் பெண் பதிவர்களின் எழுத்துக்கள் எப்படி இருக்கின்றன? பெண் பதிவர்களின் செயற்பாடுகள் எப்படி இருக்கனும் என்று நினைக்கிறீங்க? 

நார(ற)தர்: கேட்டீங்க பாருங்க ஒரு கேள்வி! பெண் பதிவருங்க வளர்ச்சியே எனக்கு புடிக்காதுங்க. பெண் பதிவருங்க என்றாலே; புரோபைலில் பெண் என்ற அடையாளத்தை நம்பி ஆண்கள் பாலோயரா சேர்றாங்க எனும் அறியாமையில் நான் இருப்பதோடு, என் பதிவுகளிலும் இதனை வெளிப்படுத்தி வர்னேனுங்க. ஆண் பதிவருங்க கூட பாலோயரை அதிகரிக்க விரும்பினால் பெண் பதிவாக மாறி ஒரு புரோபைலை கிரியேட் பண்ணினா நன்னாயிருக்கும் என்ற நெனைப்பில நானும் ஓர் பெண் பதிவர் பேரில ப்ளாக் தொறந்து வைச்சிருக்கேனுங்க.அது மட்டுமன்றி அவ்வப்போது பெண் பதிவர்களின் வளர்ச்சியை புடிக்காத மாதிரி என் பதிவுகளிலும் ஆணாதிக்க மனப்பான்மையுடன் ஓர் பதிவினை எழுதி என் நாரதர் குணத்தை வெளிப்படுத்திக் கொண்டிருப்பேனுங்க.

நிரூபன்: மிஸ்டர் நாற(ர)தர் அவர்களே! நீங்கள் இறுதியாக பதிவுலகிற்கு என்ன சொல்ல விரும்புறீங்க?

நாரதர்: பதிவுலகினை எனக்குப் புடித்தவங்க மட்டும் தான் ஆளனுமுங்க. பதிவுலகில புதுப் பதிவருங்க யாருமே முன்னேறக் கூடாதுங்க. இந்த மனோ நிலையில் இருந்து நான் எப்பவுமே மாற மாட்டேனுங்க என்பதனை உறுதியாகச் சொல்லிக் கொள்வதோடு, எனக்கு கிடைக்கும் ஓசி டைம்மில அவ்வப்போது உள்குத்து மூலமாச்சும் பதிவுலகினை ரெண்டாக பிளவுபடுத்த முயற்சிப்பேனுங்க. அது கூட முடியலைன்னா மத்தவங்களுக்கு புரியாத என் உள்குத்து பதிவினை நானே மீண்டும் மீண்டும் படிச்சு படிச்சு சுய சொறிதல் செஞ்சுக்குவேனுங்க. என்னையும் ஒரு மனுசனா மதிச்சு பேட்டி எடுத்த உங்களுக்கு ரொம்ப நன்றிங்க.

நிரூபன்: உள்குத்து நாரதரே! எனக்காக இப்படி ஓர் சிறப்பு பேட்டி கொடுத்த உங்களுக்கு வாசகர்கள் சார்பிலும், என் சார்பிலும் நன்றிகள் உரித்தாகட்டும்! நன்றிங்க சார்! 

யாவும் கற்பனை இல்லை அப்படீன்னு எழுதினா; யாராச்சும் நம்பிடவா போறீங்க!

இப் பதிவில் உள்ள படங்கள் யாவும் கூகிள் தேடல் மூலம் பெறப்பட்டவை. 

Share