மஹிந்தரின் மமதையும் மண் கவ்வப் போகும் இந்திய மத்திய அரசும்!

ஈழப் போராட்டத்தில் தமிழ் மக்களுக்கு ஆதரவாகப் போராடிய விடுதலை அமைப்புக்களின் போராட்ட வளர்ச்சிக்கு ஆரம்ப காலத்தில் இந்தியா எவ்வளவு தூரம் உதவியதோ, அதே போன்று இன்றைய கால கட்டத்தில் போராட்ட அமைப்புக்களை வேரோடு கிள்ளி எறிவதற்கும் இந்திய மத்திய அரசு தன்னாலான முழுமையான பங்களிப்புக்களையும் வழங்கியுள்ளது.  இவை எல்லாவற்றுக்கும் பின்னணியில் ராஜீவ் காந்தி விடயமும், சோனியா அம்மையாரின் ரத்தத்திற்கு ரத்தம் என்கின்ற பழி வாங்கும் படலத்தினையும் தான் காங்கிரஸ் அரசு கையாண்டு வருகின்றது என்று கருதும் பல்லாயிரக்கணக்கானோருக்கு சோழியன் குடுமி சும்மா ஆடாது எனும் யதார்த்தம் மட்டும் தெரியவில்லை. நிரூபன் 

அனுமதியின்றி www.thamilnattu.com இலிருந்து காப்பி செய்யப்பட்டுள்ளது.
இந்திய மத்திய அரசின் இலங்கை மீதான கரிசனைக்கு அன்றும் சரி இன்றும் சரி, பிரதான காரணமாக இருக்கும்- மறைந்திருக்கும் உண்மை யாதெனில் இலங்கையின் இயறகைத் துறைமுகமான திருகோணமலைத் துறைமுகம் மீதான தீராத காதலாகும். கேந்திர முக்கியத்துவம் வாய்ந்ததாகவும், மேலைத்தேச- கீழைத்தேச நாடுகளிற்கு நடுவேயும் அமைந்துள்ள இந்த இயற்கைத் துறைமுகம் தான் இந்தியாவின் கண்களுக்கு உறுத்திக் கொண்டிருக்கும் ஒரு அம்சமாகும், இதனால் தான் "நீ எனக்கு இயற்கைத் துறைமுகத்தை எழுதிக் கொடு" நன் உனக்கு புலிகளைப் பூண்டோடு அழிப்பதற்கான சகல வசதிகளையும் செய்து தருகின்றேன் என்று 2008-2009ம் ஆண்டில் இந்திய ராஜதந்திரிகளை இலங்கைக்கு அனுப்பி ரகசியப் பேச்சுவார்த்தைகளில் மத்திய அரசு ஈடுபட்டதாக தகவல்கள் வெளியாகிருந்தன.அனுமதியின்றி www.thamilnattu.com இலிருந்து காப்பி செய்யப்பட்டுள்ளது
மேற்படி சம்பவங்கள் பழைய விடயங்கள் என்றாலும் வரலாறு முக்கியம் என்பதால் இங்கே இரண்டு பந்திகளுக்குள் உள்ளடக்கியிருக்கிறேன். மோட்டுச் சிங்களவன் என்று தமிழர்களால் அடிக்கடி துஷ்பிரயோகம் செய்யப்படுகின்ற சிங்கள இன மக்கள் "இஞ்சியினைக் கொடுத்து மிளகினை வாங்குமளவிற்கு" பொருளாதார விடயங்களில் சாமர்த்தியமான திறமைசாலிகள் என்பதனை மீண்டுமொரு தரம் நிரூபித்திருக்கிறார்கள். அது தான் ஈழ யுத்தம் முடிவடைந்த பின்னர் ஆரம்பமான இந்திய மத்திய அரசு மீதான புறக்கணிப்பு விடயங்களாகும்.  இலங்கை திருகோணமலைத் துறைமுகத்தினைத் தருவதாக இந்தியாவிற்குக் கொடுத்த வாக்கினைக் காப்பாற்றுவதற்கு முன்பதாக இந்தியாவினை தன் நலன் சார் நடவடிக்கைகளில் இருந்து விரட்ட வேண்டும் எனும் நோக்கில் இந்திய அரசால் வழங்கப்பட்ட போரில் சிதைவடைந்த இலங்கையினை மீளக் கட்டியெழுப்புவதற்கான போக்குவரத்துச் சாதனங்கள், இலத்திரனியல் உபகரணங்கள் என அனைத்துமே தரமற்றவை என்று குற்றஞ்சாட்டி இந்தியாவுடனான தொடர்பினை விலக்கி வைக்கத் தொடங்கியது.

அனுமதியின்றி www.thamilnattu.com இலிருந்து காப்பி செய்யப்பட்டுள்ளது
சீன அரசுடன் யுத்த காலத்தில் இருந்த நெருக்கத்தினை விட தன் நெருக்கத்தினை இலங்கை அரசு மேலும் மேலும் இறுக்கமாக்கி, அம்பாந்தோட்டை துறைமுகம், மற்றும் விமான நிலையக் கட்டுமானங்களுக்கு ஊழியர்களும், தொழில் நுட்பவல்லுனர்களும் தேவை எனும் நோக்கில் சீனாவில் உள்ளோரைக் குறைந்த கூலியில் இலங்கையில் வேலைக்கு அமர்த்தலாம் எனும் பொய் கூறி இலங்கைக்குள் கொண்டு வந்தார்கள் இலங்கையின் தொழிற் துறை அமைச்சர்கள். வடக்கு கிழக்கில் பெற்றோலிய நிறுவனங்களை அமைத்து இந்தியாவின் வியாபார நலன்களைப் பெருக்க உதவுவதாக கூறிய இலங்கை அமைச்சர்கள், திடீரெனச் சீனாவினை வடக்கு கிழக்கில் உள்ள அபிவிருத்தித் திட்டங்களோடு ஒன்றிணைந்த செயற்பாட்டளாராக கடமையாற்ற அழைப்பு விடுத்தார்கள்.
அனுமதியின்றி www.thamilnattu.com இலிருந்து காப்பி செய்யப்பட்டுள்ளது
மேற் கூறிய விடயங்கள் கூட இந்திய அரசிற்கு ஏமாற்றத்தினை அளிக்கவில்லை. மாறாக அண்மையில் சீனாவின் நீர்மூழ்கிக் கப்பல் ஒன்று அந்தமான் தீவுகளில் உள்ள இந்தியக் கடற்படை மையங்களையும், இந்து சமுத்திரத்தின் ஊடாக நிகழும் இந்தியக் கடற்படையின் விநியோக(வழங்கல்களை) செயற்பாடுகளையும் கண்காணிப்பதனை ஊர்ஜிதப்படுத்திய இந்தியக் கடற்படையினர், சீனக் கப்பலைப் பின் தொடர்ந்து சென்ற போது, இலங்கை தனது நாட்டுக்குள் குறிப்பிட்ட கப்பலைத் தரை தட்ட உதவி செய்து தனது சீன விசுவாசத்தினை மேலும் உறுதிப்படுத்தியிருக்கிறது.

(அன்று ராஜீவ் காந்தியைத் துப்பாக்கிப் பிடியால் அடித்த அதே இராணுவத்திற்கு, நிகழ்காலத்தில் வன்னிக் களமுனையில் 2008-2009ம் ஆண்டு காலப் பகுதியில் வழி நடத்தல் செய்த இந்திய இராணுவம்)

இவையெல்லாம் இந்திய அரசிற்கு மிகுந்த ஏமாற்றத்தினை அளித்து நிற்கையில் இலங்கையின் சால்வைச் சகோதரர்கள் சீனாவுடனான நெருக்கத்தைப் பெருக்கி, இந்தியாவினைக் கை கழுவி விடும் செயலில் தான் மும்முரமாக ஈடுபட்டு வருகின்றார்கள். போர்க் குற்ற வழக்கு, மனித உரிமைகளை மீறல் என ஐநா சபை மூலம் மஹிந்த ராஜபக்ச மீது தொடுக்கப்பட்டுள்ள குற்றச்சாட்டுகள் என பலவும் மஹிந்தரின் வயிற்றில் புளியைக் கரைத்திருந்த நிலையிலும், இந்தியா சீனா எனும் இரண்டு கைப் பிள்ளைகளின் உதவியோடு ஐநா சபையில் இலங்கைக்கு எதிராக மேற்கொள்ளப்பட்டு வரும் தீர்மானங்களினைத் தனக்குச் சாதகாமாக்கி வந்துள்ள இலங்கை அரசிற்கு எதிராக தன் ஆதரவினைக் காட்டாது எதிர்ப்பினை அண்மையில் வெளிப்படுத்தியிருக்கிறது இந்தியா.நிரூபன்
அனுமதியின்றி www.thamilnattu.com இலிருந்து காப்பி செய்யப்பட்டுள்ளது
இந்தியாவின் தமிழகத்தில் தமிழின உணர்வாளர்களால் நிகழ்த்தப்படும் உணர்வெழுச்சிச் செயற்பாடுகளைக் கட்டுப்படுத்தும் வல்லமை இந்திய அரசிற்கு இல்லையே என்று நையாண்டி செய்து, பாகிஸ்தான் தீவிரவாத அமைப்புக்களை அழிக்க விரும்பின் "உங்களின் போர் வீரர்களை எங்கள் நாட்டிற்கு அனுப்புங்கள், வேண்டுமானால் பயங்கரவாதத்தினை எப்படி ஒழிப்பது என்று" என்று பாடம் நடத்துகிறோம் என்றும், சவால் விட்ட, போர் வெற்றி மமதையில் நிற்கும் மஹிந்த அரசு,  வரலாற்றுத் துரோகமிழைத்த இந்திய மத்திய அரசிற்கு நல்லதோர் பாடத்தினை அண்மைய நாட்களில் புகட்டி வருகின்றது.

எதிர் காலத்தில் சீன அரசின் இந்திய இராணுவ நிலைகள் பற்றிய கண்காணிப்பிற்குப் பகடைக் காயாக இருந்து தனது பௌத்த விசுவாசத்தினை இலங்கை காட்டுவதற்கு முன்னோடியாக இலங்கையின் அம்பாந்தோட்டைத் துறைமுகத்தின் முழுமையான பராமரிப்பு வேலைகளை சீனாவிற்குத் தாரை வார்த்துக் கொடுத்திருக்கிறது இலங்கை அரசு.

இதனைத் தான் தமிழில் "செய்ந் நன்றி மறப்பதென்று" சொல்லுவார்களோ?
எண்ணம்- எழுத்து: செல்வராஜா நிரூபன்.
************************************************************************************************************************************
பதிவுலகில் அரசியல், மொக்கை, குத்து வெட்டுப் பதிவுகள் எனப் பல வகையான பதிவுகளைப் படித்துச் சோர்ந்து போய்க் கிடக்கும் உள்ளங்களிற்கு மென்மையான உணர்வுகள் கொண்ட ஆன்மீகப் பதிவுகள், பயணக் கட்டுரைப் பகிர்வுகள் தான் சம நிலையில் மன உணர்வினைப் பேணிட வழிகாட்டியாக விளங்குகின்றன.
தன்னுடைய மணிராஜ் எனும் வலைப் பூவின் வாயிலாக ஆன்மீகத் தகவல்களையும்,  சிறப்பு மிக்க தல யாத்திரைக் குறிப்புக்களையும், வெளி நாட்டுச் சுற்றுலாத் தகவல்களையும் அருமையான கண் கவர் புகைப்படங்களோடு "மணிராஜ்" எனும் வலைப் பூவில் பகிர்ந்து வருபவர் தான் இராஜராஜேஸ்வரி அவர்கள்.
இராஜராஜேஸ்வரி அவர்களின் மணிராஜ் வலைப் பூவிற்குச் செல்ல:
http://jaghamani.blogspot.com/
***************************************************************************************************************************************
உறவுகளின் கவனத்திற்கு: சமீப காலமாக இன்ட்லி ஓட்டுப் பட்டையில் என் வலைப் பதிவின் ஊடாக ஓட்டளிக்க முடிவதில்லை எனும் உங்களின் உணர்வுகளிற்கு மதிப்பளித்து, இப் பதிவிற்கு இன்ட்லியில் ஓட்டுப் போடுவதற்கான இணைப்பினை இங்கே பகிர்ந்துள்ளேன்.  இன்ட்லியில் ஓட்டளிக்க: 

Share