ஆபாசப் பதிவெழுதுவோர் மீது அதிரடி ஆக்சன்!

டாங்...டாங்....என ஒலித்துக் கொண்டிருந்த கோயில் மணி ஓசையினைக் கேட்டுக் கண் விழித்தாள் சைலஜா. "அடக் கடவுளே, என் கணவனுக்கு வேலைக்கு நேரமாச்சே. அவருக்கு ஏதாச்சும் சமைச்சுப் போடனுமே" என்ற எண்ணம் மனதில் எழ, அவசர அவசரமாக அடுக்களைப் பக்கமாக ஓடினாள் சைலஜா.
"இன்னைக்கு என் கணவனுக்கு வெஸ்ரேன் பூட் பண்ணிக் கொடுக்கனும்" என்ற நெனைப்போடு புதிதாக சைதாப்பேட்டையில் திறந்திருந்த ஹன்சிகா பார்மஸிக்கு ஓடிச் சென்று ஓட்ஸ் பாக்கட் ஒன்றினை வாங்கி வந்து வீட்டில் இருந்த அமுல் பாலோடு மிக்ஸ் பண்ணி சூடாக்கி கணவனுக்கு வழங்கிய பின், தன் ஆசை நாயகனான லைமுகனை வேலைக்கு அனுப்பி விட்டு, வீட்டு வேலைகளில் கவனத்தைச் செலுத்த தொடங்கினாள் சைலஜா.

சைலஜா சீரியல் படித்துக் கண்ணீர் விடுகின்ற இக் காலத்தின் குடும்பப் பெண் அல்ல. அவளுக்குள்ளும் சாதிக்க வேண்டும் என்கின்ற வெறி இருந்தது. பாரதியார் யூனிவர்சிட்டியில் தான் கற்றுத் தேறிய கணினிக் கல்வியினைக் கொண்டு வேலை தேடியிருப்பின், இன்று ஓர் சாப்ட்வேர் எஞ்சினியராக ஐடி துறையில் பிரகாசிக்க முடியும். எனினும் சுயமாக எலக்டிக்கல் கம்பனி வைத்திருக்கும் கணவன் லைமுகனின் வருமானம்; வீட்டுச் செலவிற்கு போதுமாக இருந்த காரணத்தினால் வேலைக்குச் செல்வதை விடுத்து, வீட்டு வேலைகளைச் செய்து முடித்த பின் கிடைக்கும் ஓய்வு நேரங்களில் வெளியே சென்று ஆலய தரிசனம் செய்வது, லேடீஸ் கிளப் மீட்டிங்கிற்கு போவது, தன் மனதில் எழும் நினைவுகளை ஒரு நோட் புக்கில் எழுதிப் பத்திரப்படுத்தி வைப்பது என்று தன் நாட்களை நகர்த்தி வந்தாள் சைலஜா.
நிரூபனின் நாற்று வலை
இவ்வாறான கால கட்டத்தில் தான் சைலஜாவின் ஆசை நாயகன் லைமுகன், மனைவிக்குப் பரிசளிக்கும் நோக்கில் விலை உயர்ந்த ஒரு சீடி ப்ளேயரை மைக்ரோ போனுடன் கூடிய வகையில் வாங்கி வந்தான். பெண்களின் மனது எல்லாவற்றுக்கும் ஆசைப்படும் என்பதற்கு எடுத்துக் காட்டாக, சைலஜாவின் பக்கத்து வீட்டில் இருந்த மரகம் ஸ்பீக்கர் ஒன்றினை வாங்கி வேப்ப மரத்தின் உச்சியில் கட்டி பாடல்களை ஒலிக்கவிட்டுக் கொண்டிருந்தாள்.  இதனைக் கண்ணுற்ற சைலஜாவிற்கும் ஸ்பீக்கர் பூட்டித் தானும் பாட்டுப் போட வேண்டும் எனும் எண்ணம் தோன்றவே, தன் கணவனிடம் சொல்லி ஸ்பீக்கர் வாங்கி தன் வீட்டு பூவரச மரத்தில் ஸ்பீக்கரைக் கட்டி மைக்ரோ போனின் உதவியோடு, பாடல்களை ஒலிக்கவிட்டும், தன் குரலில் ஏதாவது விடயங்களைச் சொல்லியும் மகிழ்ந்திருந்தாள்.

சைலஜா ஒலிபரப்பும் பாடல்கள் ஸ்பீக்கர் மூலம் நல்ல வரவேற்பினைப் பெறுகின்றது என்பதனை அறிந்த அடுத்தாத்து மரகதமோ, அவளினைத் தானும் முந்த வேண்டும் எனும் வகையில் இரட்டை அர்த்தம் நிறைந்த பகலில் கேட்க முடியாத- மிட் நைட்டின் பின்னர் மாத்திரம் டீவிகளில் ஒலிக்கின்ற அந்த மாதிரியான பாடல்களை ஒலிபரப்பத் தொடங்கினாள்.
ஆ....ஆங்....ஸ்...ஊ...எனும் ஒலிகளே பாடல்களிற்குப் பக்க பலமாக இருந்ததாலும், பள்ளி மாணவர்கள் அனைவரும் வீட்டை விட்டு வெளியேறிய பின்னாடி மரகதத்தின் அதிரடி நடவடிக்கைகள் ஆரம்பமானதாலும், கொஞ்ச நாட்கள் எந்தவிதத் தடையுமின்றி மரகத்தின் அஜால் குஜால் பாடல்கள் அவர்களின் ஏரியா முழுவதும் பட்டயக் கிளப்பிக் கொண்டிருந்தன.
நிரூபனின் நாற்று வலை
‘ரோட்டில் போறவங்க கூட
"நீ முட்டி தெரியச் சேலை தூக்கிக் கட்டுற வேளை
நான் கண்ணு முழிச்சு காத்திருப்பேன் கயித்துக் கட்டில் மேல..
ஏடா கூட பொறப்பே...உனக்கு ஏறிப் போச்சு கொழுப்பே, நீ மாசத்தில மூனு நாளு எங்கே போயி படுப்பே" இவ்வாறான பாடல்களை மரகதத்தின் ஸ்பீக்கர் மூலம் கேட்டு, கூச்சமின்றிப் பாடிக் கொண்டு போனார்கள். இதனால் சலிப்படைந்த சைலஜா,
"தனக்குப் போட்டியா இந்தச் சிறுக்கி வந்திட்டாளா?
இவளை என்ன வழி பண்றேன் பாரு" என்று தனக்குள் சபதம் போட்டு விட்டுக் கணவனோடு ஆலோசனை நடத்தினாள்.

லைமுகன் நீண்ட நேரம் யோசித்தார். பின்னர் மனைவியைப் புரிந்த கணவனாக, தன் மனைவியிடம் இருக்கும் கிரியேட்டி விட்டி மற்றும் இலக்கியத்தின் மீதான தீராத தாகம்- இவை அனைத்திற்கும் களம் அமைத்துக் கொடுக்க விரும்பினார்.  லைமுகனின் ஆலோசனையின் பயனாக, சைலஜாவிற்கு ஸ்பீக்கர் மூலம் பாடல் ஒலிபரப்பி மகிழும் பொழுது போக்கிற்குப் பதிலாக, ப்ளாக் எழுதும் முயற்சி கை கூடுகின்றது.

சைலஜாவும் தானுண்டு தன்பாடு உண்டு, எனும் நோக்கில் ப்ளாக் எழுதத் தொடங்கினா. காலப் போக்கில் தன் அடுத்தாத்து சைலஜா தான் ப்ளாக்கில் சைலுவின் சங்கீதங்கள் என்ற எழுதுறாள் எனும் உண்மையினை மோந்து பிடித்தாள் மரகதம். மரகதம் சைலுவிக்குப் போட்டியாகத் தானும் ஒரு ப்ளாக் தொடங்கினாள். சைலுவினை ஓவர் டேக் பண்ண வேண்டும் எனும் நோக்கில் ப்ளாக் தொடங்காது, சைலுவினை விடத் தானும் திறமையாக எழுத வேண்டும் எனும் நோக்கில் ஆண் பெயரில் பிட்ஸிகானின் தமிழ் ப்ளாக் எனும் வலையினைத் ஆரம்பித்தாள் மரகதம்.

பல மாதங்களின் பின்னர் சைலஜாவும், மரகதமும், ஒருவரை ஒருவர் அறியாதவர்களாய்- முகம் தெரியாத நண்பர்களாகப் ப்ளாக்கில் சந்தித்துக் கொண்டார்கள்.  பிட்ஸிகானோ எனும் பெயரில் ஆணாக எழுதுவது மரகதம் தான் என்று சைலஜா அறியாதிருந்தாலும், பிட்ஸிகானோவின் படைப்பு மீது சைலஜாவிற்கு ஒரு காழ்ப்புணர்வும், அவரை வீழ்த்த வேண்டும் எனும் வன்மமும் உள்ளத்தில் தானாகவே ஊற்றெடுத்தது. பிட்ஸிகானோவின் வலையினை எப்படியாவது நாறடிக்க வேண்டும், பிட்ஸிகானை வலையை விட்டு ஓட வைக்க வேண்டும் எனச் சந்தர்ப்பம் பார்த்திருந்த சைலுவிற்கு பிட்ஸிகானின் தலைப்புக்கள் நல்லதோர் சான்ஸாக அமைந்தன.

அடுத்தடுத்த ஆபாசத் தலைப்பு வைத்த பிட்ஸிகானை, அவதூறு செய்யும் வகையில் சைலு தன் சங்கீதங்கள் எனும் ப்ளாக்கில் "ஆபாசப் பதிவெழுதுவோர் மீது அதிரடி ஆக்சன்" எனும் பெயரில்’ தலைப்பு வைத்து மறைமுகமாகப் பிட்ஸிகானைத் தாக்கிப் பதிவு போட்டா. ஆனாலும் இது எதிர்பார்த்தளவு தாக்கத்தினைக் கொடுக்கவில்லை என்ற காரணத்தினால், ஆதாரமற்ற செக்ஸ் டாச்சர் குற்றச்சாட்டுக்களை முன் வைத்து பிட்ஸிகானை வலையினை விட்டுத் துரத்தும் முயற்சியில் ஈடுபட்டா சைலு. சைலுவின் இச் செயலுக்குப் பலரும் துணை நின்றதால், சைலு தான் ஒரு ராஜாங்கம் நடத்துவது போல் அடுத்தவர் உரிமையில் தலையிடுவது தவறென்று போலியாகப் பரப்புரை செய்து, ஆபாசப் பதிவெழுதுவோர் மீது அதிரடி நடவடிக்கை எனும் செயலில் மும்முரமாக ஈடுபட்டு வெற்றி பெற்றா.

நாட்கள் நகர்ந்தன. அப்படி என்னதான் ஆபாசத் தலைப்புக்களை பிட்ஸிகானோ வைத்தார் என்று பதிவுலகம் ஆராய்ந்து பார்த்தது. ‘அரை குறை ஆடையில் நடிகை’
அடுத்தவன் மனைவியிடம் சில்மிசம் செய்த ஆட்டோ டிரைவர்’
இப்படியான தலைப்புக்கள் வைத்த பதிவரை விரட்ட சைலஜா செய்த அறப்போரின் தலைப்பு ‘காமத் தலைப்புக்களால் கட்டில் சுகம் தேடும் ஈனப் பதிவர்’
இது தான் நல்ல தலைப்பு எனப் பலராலும் ஏற்றுக் கொள்ளப்பட்டதால் இன்று சைலஜா உள்ளே...பிட்சிகானோ வெளியே.............
நிரூபனின் நாற்று வலை
"தன் வினை தன்னைச் சுடும்
ஓட்டப்பம் வீட்டைச் சுடும்": பட்டினத்தார்.

டிஸ்கி: பதிவினைப் படிக்காது உள்குத்து, ஊமக் குத்து, ஊசிக் குத்து இருக்கென்று யாராவது சொன்னீங்க...பிச்சுப் புடுவேன் பிச்சி. உள்குத்து ஏதும் இருந்தால் அதற்குரிய பகுதியினையும் சுட்டிக் காட்டிச் சொன்னால் தான் ஏற்றுக் கொள்ளப்படும். 

டிஸ்கி: 2- பதிவிற்கும் தலைப்பிற்கும் தொடர்பில்லை என்று யாராவது சொல்ல முன்னாடி, பதிவினை முழுமையாகப் படித்துப் பார்த்திட்டு, இந்தக் கருத்தினை ஆதாரத்துடன் முன் வைத்தால் தான் ஏற்றுக் கொள்ளப்படும். 

*****************************************************************************
நிரூபனின் நாற்று வலை
பள்ளிக்கூடம் போற காலத்தில, நமக்கெல்லாம் எப்படா லாஸ்ட் பெல் அடிக்கும் எனும் எதிர்பார்ப்புத் தானே மனங்களில் எழும். ஆனால் பதிவுலகில் இன்று தன் ஐடியா மூலம் பதிவர்களுக்கு மணியடிக்க ஒருவர் கிளம்பியிருக்கிறார். அவருடைய வலைக்கு நீங்கள் ஒரு முறை விஜயம் செய்தாலே போதும். உங்கள் மூளையினுள் பல ஐடியாக்கள் தானகவே தோன்றும். 
பல்கலைக் கழகத்தில் எத்தனை பட்டங்கள் கொடுப்பார்களோ, அவை அனைத்தையும் பதிவுலகம் மூலம் பெற்றுத் தன் பெயரோடு சேர்த்து வைத்து அழகு பார்க்கும் ஐடியாமணி அவர்கள் தன்னுடைய மொக்கைப் பதிவுகளோடு பதிவுலகினுள் களமிறங்கியிருக்கிறார்.

அண்மையில் பதிவுலகினுள் காலடி எடுத்து வைத்திருக்கும் ஐடியாமணி அவர்கள் பதிவுலகின் நீண்ட நாள் வாசகனாக இருந்து, பல பதிவர்களின் பதிவுகளை, தில்லு முல்லு வேலைகளை நன்றாக உற்று நோக்கி கடந்த வாரம் தான் பதிவராகியிருக்கிறார். 

புதிதாக வந்திருக்கும் ஐடியா மணியினையும் வாழ்த்தி, வரவேற்று, அவரது ஐடியாக்கள் சிறப்படைய ஆதரவு கொடுப்பது நம் கடமையல்லவா.

ஐடியா மணியின் வலைப் பூவிற்குச் செல்ல:
http://ideamani615.blogspot.com/

Share