தமிழகமே இனி ஒரு போதும் தீக்குளிக்க வேண்டாம்!!

பேரன்பிற்கும், பெரு மதிப்பிற்குமுரிய உறவுகளே, இந்தப் பதிவினை உங்களால் இயன்ற வரை தமிழகத்தில் தற்பொழுது போராட்டங்களை முன்னெடுக்கும் கட்சி பேதமற்ற அமைப்பினர், தமிழக உணர்வாளர்கள், மற்றும் உணர்ச்சி மிக்க அரசியல் பேச்சாளர்களுக்கு தெரியப்படுத்துங்கள். 

ஈழத் தமிழர்கள் மீது தமிழக மக்கள் கொண்டிருக்கும் அன்பிற்கு ஈடு இணையாக என்ன கைம்மாறு செய்தாலும் எதுவும் முழுமையான மன நிறைவினைத் தரப் போவதில்லை. வார்த்தைகளால் விபரிக்க முடியாத அளவற்ற அன்பினையும், ஈழ மக்கள் மீதான உணர்வினையும் தமிழக மக்க்கள் கட்சி பேதமின்றிக் கொண்டிருக்கிறார்கள் என்பது, தமிழகத்தில் ஒவ்வோர் தடவையும் எழுகின்ற ஈழம் சார் போராட்டங்கள், தமிழின உணர்வு சார் நிகழ்வுகள் எமக்கு செய்திகளாகச் சொல்லிச் செல்கின்றன.

ஈழத் தமிழர்கள் என்ற பெயரின் மூலம் தமிழக மக்களால் சிறப்பிக்கப்படும் விடுதலை வேண்டிய ஈழத்தில் வாழும் வட கிழக்கு மக்கள் மீது தாம் எத்தகைய அன்பினையும், ஆதரவினையும் கொண்டிருக்கிறோம் என்பதனை நாளாந்தம் தமிழகத்திலிருந்து ஓங்கி ஒலித்துக் கொண்டிருக்கும் குரல்களுக்கு நடுவேயும், தமிழருக்கு நீதி இல்லையேல் உயிரினையும் கொடுப்போம் எனும் செயல்களின் மூலமும் உணர்த்தி வருகின்றார்கள் எம் தமிழக உறவுகள். வரலாறு என்பது காலச் சக்கரமாய் எம் கண் முன்னே வேகமாகச் சுற்றிச் சுழன்று கொண்டிருக்கும் சூழலில் ஈழத்திற்காய் தமிழகத்தில் முதன் முதலில் தீக்குளித்த உணர்வாளரின் பெயரானது மறைந்து விட, மக்கள் மனங்களிலிருந்து நீங்கி விட, இன்று வன்னி மக்களுக்காய்த் தன் உடலை ஆகுதியாக்கிய முத்துக்குமாரும், தூக்குத் தண்டனையினை நிறுத்த வேண்டும் எனும் கொள்கையிற்காய் உயிர் துறந்த செங்கொடியும் தான் பேசு பொருட்களாய் உள்ளார்கள்.
அனுமதியின்றி நிரூபன் வலையிலிருந்து காப்பி செய்யப்படுகிறது.
"உறவுகளே, கொலையினை நிறுத்த இன்னோர் கொலை எப்படிச் சாத்தியமாகும்? மக்களின் உணர்வுகளைத் தட்டியெழுப்பிடவும், மக்களை உணர்வெழுச்சி கொண்டவர்களாகப் போராட்டங்களில் ஈடுபட வைக்கவும் தீக்குளிப்பு அவசியம் என்று பலர் எழுதுகின்றார்கள்". அப்படியானால் மக்களை உசுப்பேத்தி மக்களின் உணர்வுகளைத் தட்டியெழுப்பும் பாணியில் இருக்கின்ற அனல் பறக்கும் பேச்சாளர்கள் ஏன் இருக்கின்றார்கள்? அரசியல்வாதிகள் ஏன் இருக்கின்றார்கள்? அவர்கள் எல்லாம் மக்களை வைத்துத் தம் சுய இலாபத்திற்காகவா பிழைப்பு நடத்துகின்றார்கள் என்று எண்ணத் தோன்றுகின்றது. மூன்று உயிர்களைக் காக்க ஒரு உயிரினை இழப்பது சரியாகுமா? இழக்கப்படுவதும், தீயில் வேகுவதும் தமிழன் உயிர் என்பதனை நாம் உணராதவர்களாய்த் தான் மேடைகளில் அதிரடியாய் முழங்கி வருகின்றோமா?

அன்பிற்குரிய தமிழகத்தின் உணர்ச்சி மிகு பேச்சாளர்களே, அரசியற் தலைவர்களே!
ஈழத்தின் ஒரு கடை நிலைக் குடி மகனாக என் உணர்வுகளை இங்கே முன் வைக்கின்றேன். இவை சில வேளை உங்கள் காதுகளை எட்டினாலும், பயனற்ற வார்த்தைப் பிரயோகமாக காற்றில் கலந்திடலாம். ஆனாலும் உயிரழப்பு என்பதும், தீக்குளிப்பது என்பதும் எம் நோக்கங்களை நிறைவேற்றிடுமா? இப்படி எல்லாத் தமிழர்களும் இவ் வழியினைப் பின்பற்றினால், தமிழர்களின் உயிர் தான் தமக்கு வேண்டும் எனும் நோக்கில் அலையும் பேயரசுகளுக்கு இச் செயலும் ஓர் இனிப்பான செய்தியாகத் தானே இருக்கும்?
அனுமதியின்றி நிரூபன் வலையிலிருந்து காப்பி செய்யப்படுகிறது.
"உங்களின் ஒவ்வோர் மேடைப் பேச்சுக்களிலும், பொது நிகழ்வுகளிலும், தமிழின உணர்வு சார் விடயங்கள் இடம் பெறும் பிரதேசங்களிலும் தீக்குளிப்பது தவறு என்றும், யாராவது தீக்குளிக்க முயற்சி செய்வதாக அறிந்தால் அவர்களைத் தடுத்தி நிறுத்தி அறிவுரை வழங்கும் முயற்சிகளிலும் நீங்கள் பெருமுனைப்புடன் ஈடுபட்டால் மகிழ்ச்சியாக இருக்கும் அல்லவா". அதிரடியாய் மேடைகள் தோறும் முழங்கி, மக்களின் அடி மனதில் உணர்ச்சிப் பெருக்கினை வர வழைக்கக் கூடிய பேச்சாளர்களே! தயவு செய்து செங்கொடியின் செயலையோ அல்லது முத்துக் குமாரனின் செயலையோ நியாயப்படுத்திப் பேச வேண்டாம்.

நேற்றைய தினமான 30.08.2011 அன்றும்; தமிழகத்தில் இருவர் தீக்குளிப்பு முயற்சியில் ஈடுபட்டு ஆபத்தான நிலையில் மருத்துவமனையில் சேர்க்கப்பட்டிருக்கிறார்கள். ஏன் இந்த நிலமை? ஒட்டு மொத்த தமிழகத்தின் உணர்வெழுச்சிக்கும் பயனாகத் தானே தற்பொழுது ராஜீவ் கொலை வழக்கில் குற்றம் சாட்டப்பட்டோருக்கான தண்டனைகள் ஒத்தி வைக்கப்பட்டிருக்கின்றன. இந்த நிலையிலும் இவ் வகையான தீக்குளிப்பு முயற்சி தேவைதானா உறவுகளே?
தீக்குளிப்பு முயற்சி என்பது செங்கொடியின் முடிவோடு முடிந்ததாக இருக்கட்டும். இனிமேல் யாரும் இம் முறையினைக் கையிலெடுக்காதிருப்பது தான் தமிழனாக வாழும் நாம் எம் உணர்வுகள் மூலம் உரிமையினைக் கேட்டுப் பெற்றுக் கொள்ளுவதற்கான சாத்வீகப் போராட்டத்திற்கேற்ற சரியான வழியாக அமைந்து கொள்ளும்.
அனுமதியின்றி நிரூபன் வலையிலிருந்து காப்பி செய்யப்படுகிறது.
இரக்கமற்றவர்களின் இதய அறைகள் எமக்காகத் திறந்து கொள்ளும் என்றா தீக்குளிக்கின்றீர்கள்? இறப்பது தமிழன் என்ற உணர்வோடு மௌனமாய் இருப்பது தானே மத்திய அரசின் வேலை!!


******************************************************************************
பிற்சேர்க்கை: அகசியம் வலைப் பதிவின் சொந்தக்காரர் சகோதரன் 
கானா வரோதயன் அவர்கள் என்னைப் பேட்டி எனும் பெயரில் நேர்காணல் செய்து தன் வலைப் பதிவில் மானபங்கப்படுத்தியிருக்கிறார். சாரி ஒரு ப்ளோவில சொல்லிட்டேன். என்னை, நேர்காணல் செய்து அவர் வலையில் பதிவிட்டிருக்கிறார். ஆர்வமுள்ளோர் இந்த இணைப்பினூடாகச் சென்று பார்க்கலாம்.
http://shayan2613.blogspot.com/2011/08/blog-post_30.html

Share