ஈழ மக்களை நம்ப வைத்து ஏமாற்றிய புலித் தலைவர் பிரபாகரன்!

ஈழப் போராட்ட வரலாற்றில் பிரபாகரன் எனும் தனி மனிதனது உயிர் இந்திய- இலங்கை இராணுவத்தினருக்கு மிகவும் வேண்டப்பட்ட ஒன்றாக அமைந்திருந்தது. பிரபாகரன் எனும் தனி மனிதனை அழித்தால், இலங்கையில் மீண்டுமோர் போர் வெடிக்காது எனும் அளவு கடந்த நம்பிக்கையில் இலங்கை- இந்திய இராணுவ உயர் மட்டங்கள் நம்பியிருந்தன. ஈழத்தில் பெரும்பான்மையான தமிழ் மக்களின் நேசிப்பிற்குரியவராகவும், சிறுபான்மை மக்களுக்கும், எதிரணிப் படைகளுக்கும் எப்போதும் அச்சத்தை ஊட்டுகின்ற ஒரு நாமமாகவும் இந்தப் பிரபாகரன் எனும் பெயர் விளங்கியது என்றால் மிகையாகது. நாற்று நிரூபன்

பிரபாகரன் எனும் தனி மனிதனது உயிரை எடுப்பதற்காக, இலங்கை அரசாங்கமானது, ஆப்கானிஸ்தானில் இடம் பெற்ற ஒஸாமா பின்லேடனைத் தேடி அழிக்கும் நடவடிக்கையின் போது, அமெரிக்கப் படைகள் பயன்படுத்திய மலைகளையும் ஊடுருவிச் சென்று தாக்கக் கூடிய ஆயுத வகைகளையும் , விமானக் குண்டுகளையும் இலங்கைக்கு இறக்குமதி செய்து; எங்கெல்லாம் பிரபாகரன் வாழ்கிறார் எனத் தாம் சந்தேகிக்கின்றார்களே, அங்கெல்லாம் கண் மூடித் தனமாகப் பொழிந்து தள்ளினார்கள்.நாற்று நிரூபன்
நாற்று நிரூபன்
பிரபாகரனுடைய உயிரின் மதிப்பிற்கு உதாரணமாக, 1996ம் ஆண்டு கொழும்பில் அமைந்துள்ள மத்தியவங்கி மீதான மனித வெடி குண்டுத் தாக்குதலின் எதிரொலியாக, பிரபாகரன் கைது செய்யப்படின் 200 ஆண்டு கால சிறைத் தண்டனை வழங்கப்படும் என அரச தரப்பினரால் அறிவிக்கப்பட்டமையினைக் குறிப்பிடலாம். தலை குனிந்து, கை கட்டி அடிமைகளாக காலம் முழுவதும் வாழ வேண்டும் இவர்கள் எனத் தமிழர்களைப் பார்த்துச் சொன்னவர்களுக்கு அச்சமூட்டும் ஒரு மனிதனாகவும், பலம் பொருந்திய விடுதலைக் கட்டமைப்பினைக் கொண்ட போராட்ட அமைப்பின் ஸ்தாபராகவும் இந்தப் பிரபாகரன் விளங்கியிருக்கிறார்.நாற்று நிரூபன்
நாற்று நிரூபன்
ஒரு இனத்தினது விடுதலை அமைப்பாகத் தன்னுடைய புலிகள் அமைப்பினை வளர்த்த பிரபாகரன் செய்த மிகப் பெரும் தவறு, மக்கள் முன் தோன்றாது பதுங்குழிக்குள் வாழ்ந்தமையே ஆகும். பிரபாகரனின் உயிருக்கு எப்போதும் ஆபத்து நிகழலாம் என்பது ஏற்றுக் கொள்ளக் கூடிய விடயம். ஆனால், மக்களுக்கான கட்டமைப்பாக, தமிழ் மக்களுக்கு வேண்டிய விடுதலை அமைப்பாகத் தன்னுடைய புலிகள் அமைப்பினை உருவாக்கிய பிரபாகரன் செய்த மிகப் பெரிய தவறான மக்களோடு ஒன்றித்து வாழுதலைப் பிரபாகரன் கடைப்பிடிக்கத் தவறி விட்டார். இதனால் 2002ம் ஆண்டின் பிற்பகுதியிலிருந்து மெது மெதுவாகத் தனக்கிருந்த மக்கள் ஆதரவினை இழக்கத் தொடங்கினார்.

மக்களுக்கான போராட்ட அமைப்பின் ஸ்தாபகராக இருந்தாலும், மக்களோடு அந்நியோன்னியமாகத் தொடர்புகளைப் பேணினால் தான் அவரது விடுதலை அமைப்பின் மீது மக்களுக்குத் தானகவே ஆர்வத்துடன் கூடிய ஈடுபாடு வந்து கொள்ளும்.  பிரபாகரன் மக்களிடமிருந்து தனித்தே வாழ விரும்பினார். இதற்குச் சான்றாகப் பல சம்பவங்களைக் கூறலாம். மக்களினைச் சந்திக்கச் செல்லுகையில் தனது உயிருக்கு ஆபத்து நிகழும் என்று கருதினால்,
‘தன்னுடைய புலி வீரர்கள் மூலமாகத் தனது பாதுகாப்பினைப் பலப் படுத்தித் தீவிர கண்காணிப்பினை மேற்கொண்டிருக்கலாம். ஆனால் இவற்றினையெல்லாம் செய்யாது எப்போதும் மக்களிடமிருந்து ஒதுங்கி வாழ வேண்டும் எனும் நினைப்பில் அவர் வாழ்ந்தது அவர் செய்த மிகப் பெரிய தவறாகும்.நாற்று நிரூபன்
நாற்று நிரூபன்
1987ம் ஆண்டு இடம் பெற்ற சுதுமலைப் பிரகடனத்தில் பொதுமக்கள் முன்னிலையில் பிரபாகரன் ஆற்றிய உரைக்குப் பின்னர் அவர் மக்கள் முன் தோன்றியதாக வரலாறு ஏதும் இற்றை வரை எழுதப்படவில்லை. (பத்திரிகையாளர் சந்திப்புக்களைத் தவிர்த்து)  தனக்கு நெருங்கிய தளபதிகளின் உறவினர்களின் நிகழ்வுகளில் கலந்து கொண்டிருக்கிறார். இது மக்கள் மத்தியில், புலிகள் அமைப்பின் மீதான ஈடுபாட்டினைக் குறைப்பதற்கு ஏதுவாக அமைந்த ஓர் சந்தர்ப்பமாகும். ஒரு மன்னன்,  தன் மக்களினைச் சந்திக்கின்ற போது தான் அம் மக்களுக்கும் மன்னவன் மீது அன்பிருந்தால்....அவ் அன்பானது அதிகரிக்கும். ஆனால் இங்கே பிரபாகரனைப் பின்பற்றி வீரகாவியம் ஆன 48,000 இற்கும் மேற்பட்ட மானமாவீரர்களிற்கு முன்னேயும் பிரபாகரன் தோன்றவில்லை.
நாற்று நிரூபன்
பிரபாகரனைப் பின்பற்றிய புலிகளில் குறிப்பிட்ட ஒரு தொகையினருக்கே அவரினைப் பார்க்கின்ற சந்தர்ப்பம் கிடைத்திருக்கிறது. இவ்வாறான காரணிகள் தான் பிரபாகரன் மீதிருந்த நம்பிக்கையினை மெது மெதுவாக மக்கள் இழக்கத் தொடங்கினார்கள். ஈழத்திற்காகப் பல போராட்ட அமைப்புக்கள் போராடப் புறப்பட்ட போதிலும், இறுதி வரை பெரும்பான்மையான தமிழ் மக்களின் ஆதரவினைப் பெற்று நின்று நிலைத்து வீழ்ந்த பெருமை புலிகள் அமைப்பிற்கு  உண்டு. ஆனால் அப் பெரும்பான்மையான மக்கள் மனங்களிலிருந்து, இறுதி நேரத்தில் புலிகள் நடந்து கொண்ட விபரீதமான செயற்பாடுகளால் தூக்கியெறியப்பட்டார்கள்.

புலிகள் தமிழ் ஈழத்தைப் பெற்றுத் தருவார்கள் என்று போராடினார்கள்- ஆதலால் அவர்களை நம்பினோம் என்று யாரும் குதர்க்க வாதம் புரியலாம். ஆனால், மன்னார் உயிலங்குளம் இராணுவத்திடம் 2008ம் ஆண்டு வீழ்ச்சியடைந்த வேளையிலும், நாம் இறுதி வரை போராடி வெற்றி வாகை சூடுவோம் எனக் கூறி, மக்களை போர் இடம் பெறும் பகுதிகளிலிருந்து வெளியேற விடாது தம் வசம் வைத்திருந்து, இறுதி நேரத்தில் ‘வெளிநாட்டு அமைப்புக்களால் நாம் காப்பாற்றப்படுவோம் எனும் நம்பிக்கையினைக் கொடுத்து விட்டு, நட்டாற்றில் விட்டு விட்டுச் சென்ற இழி நிலையினைத் தமிழினம் தன்னிடத்தே வரலாறாக கொண்டுள்ளது.
நாற்று நிரூபன்
பிரபாகரன் தனக்கு நம்பிக்கையாகச் செயற்படுவார்கள் என புலத்திலிருந்த புலிகளின் அரசியல்- வெளிவிவகார அமைப்பினரை நம்பினார். வன்னியில் எஞ்சியிருந்த மக்களோ , பிரபாகரன் தமக்கோர் வழி காட்டுவார் என நம்பினார்கள். பிரபாகரனை, அவர் நம்பியிருந்த வெளிநாட்டு வெளிவிவகார அரசியற் புலிகள் ஏமாற்றினார்கள்.
பொது மக்களைப் பிரபாகரன் ஏமாற்றினார்.நாற்று நிரூபன்

எம்முள் அழியாத வடுவாக
இன்றும் அந்த
உப்பளக் காற்றில்
கலந்த உதிரத்தின்
நினைவலைகள்
அகலாதிருக்கின்றன!!

பிற் சேர்க்கை: இப் பதிவிற்கான கருவினைத் தந்துதவியர் சகோதரன் கே.எஸ்.எஸ்.ராஜ் அவர்கள். 

************************************************************************

மனதில் தில் இருப்பவர்கள் மட்டும் இதனைப் பார்க்க இங்கே கிளிக் பண்ணுங்கள்

http://gokulmanathil.blogspot.com/

’’எம் மனங்களில் தில் இருந்தாலும் சரி, இல்லாவிட்டாலும் சரி கோகுல் எனும் புதிய பதிவரின் மனதில் வலைப் பூவினைத் தரிசிப்பது நம் கடமையல்லவா. தற்போது புதிதாக வந்திருக்கும் பதிவர். கவிதை, கட்டுரை, பொது அறிவுத் தகவல்கள் என்று அசத்திக் கொண்டிருக்கிறார். 

கோகுலை வரவேற்று, அவரது எழுத்தாற்றல் வளர்ச்சியடைய ஊக்கம் கொடுப்பது நமது கடமையல்லவா.

இதோ உங்களுக்காக கோகுலின் மனதில் வலைப் பூவின் முகவரியினை இங்கே தருகிறேன். 

http://gokulmanathil.blogspot.com/

Share