பதிவர்கள், டுவிட்டர்- பேஸ்புக் பாவனையாளர்களுக்கு ஓர் எச்சரிக்கை அறிவிப்பு!

பேரன்பிற்கும், பெரு மதிப்பிற்குமுரிய உறவுகளே,

சமூக வலைத் தளங்களான பேஸ்புக், டுவிட்டர், ப்ளாக்கரில் உள்ள பலரது கணக்குகளை முடக்கும் அல்லது செயலிழக்கச் செய்யும் நோக்கில் உங்கள் வலைப் பதிவுகளுக்கும், பேஸ்புக், டுவிட்டர், ப்ளாக்கர் மின்னஞ்சலுக்கும் கீழ் காணும் விபரங்களோடு அனுப்பப்படும் ஈமெயில்களை யாரும் கிளிக் பண்ணிப் பார்க்கவோ அல்லது பின் தொடர்ந்து செல்லவோ; வேண்டாம் என அன்போடு

கேட்டுக் கொள்கின்றேன்.

guruvasagam

Someone said this real bad thing about you in a blog....tinyurl.pl/?VtIlpMyVச்ட்ச்ட்ச்ட்ச்ட்

rdevendran

Someone said this real bad thing about you in a blog....http://t.co/XvubgI5

இத்தகைய மெசேஜ்களினை நீங்கள் கிளிக் செய்வதன் மூலம், உங்களது பேஸ்புக், டுவிட்டர், ப்ளாக்கர் அக்கவுண்டின்(Account) பாஸ்வேர்ட்டினை, இதே சாயலுடன் உள்ள Pishing Web மூலமாக நகல் எடுத்துச் செயலிழக்கும் முயற்சியில் ஒரு சிலர் ஈடுபட்டு வருகிறார்கள். ஆகவே மேலே தரப்பட்டது போன்ற மெசேஜ்ஜினை யாரும் கிளிக் செய்யவோ, அல்லது திறந்து பார்க்கவோ வேண்டாமென அன்போடு கேட்டுக் கொள்கிறேன்.

இந்தத் தகவலை உங்கள் நண்பர்களுக்கும் தெரியப்படுத்துங்கள்.

இலங்கையின் முதல் தர் வானொலியான, வெற்றி எப்.எம் இன் நாளுமொரு தளத்தில் உங்கள் நாற்று!

இன்றைய கால கட்டத்தில் இலங்கையில் பண்பலை வானொலிகள் பல்கிப் பெருகி விட்ட சூழலில்- போட்டிகள் நிறைந்த உலகில்; 

வியாபார நோக்கில் பல்வேறு வானொலிகள் விளம்பர நிகழ்ச்சிகளுக்கு மாத்திரம் முன்னுரிமை கொடுத்து வருகின்றன. இவற்றையெல்லாம் தாண்டி ஜனரஞ்சகமான நிகழ்ச்சிகளை மக்கள் மனங் கவரும் வண்ணம் படைப்பதோடு மக்களுக்கான பணிகளையும் ஓரிரு, வானொலிகள் தான் முன்னெடுத்து வருகின்றன.

இத்தகைய சூழலில் பல்வேறு வானொலிகள் தமிழ் பற்றிய நிகழ்வுகளுக்கு முதன்மையளிக்காது, தம் வியாபர நோக்கில் குறியாக இருக்கையில், இலங்கையின் முதல் தர தமிழ் வானொலியாக விளங்கும் வெற்றி எப்.எம் மக்களுக்கான பணி, தமிழுக்கான சேவைகள் எனத் தன் பங்களிப்பினையும் ஜனரஞ்சகமான படைப்புக்களோடு சேர்ந்து வழங்கி வருவது குறிப்பிடத்தக்கது.

இந்த வரிசையில் இலங்கையின் முதல் தர வானொலியாக விளங்கும் வெற்றி ஒலிபரப்புச் சேவையின் காலை நேர நிகழ்ச்சியான ’விடியலில்’; 

நாளும் ஒரு தளம் நிகழ்ச்சியில் நாற்று வலைப் பதிவினை 26.07.2011 அன்று அறிமுகப்படுத்தியிருந்தார்கள்.

இந் நேரத்தில் வெற்றி எப்.எம். முகாமையாளரும், பணிப்பாளரும், விடியல் நிகழ்ச்சித் தொகுப்பாளரும், வலைப் பதிவாளருமான, 

திரு.ஏ.ஆர்.வி. லோசன்; அவர்களுக்கும், வெற்றி வானொலிக் குழுவினருக்கும், 

என் சார்பிலும், நாற்று வலைப் பதிவோடு இணைந்திருக்கும், தோளோடு தோள் நிற்கும்; உறவுகளாகிய- வாசகர்கள், விமர்சகர்கள், நண்பர்கள், சார்பிலும் எங்கள் மனமார்ந்த நன்றிகளைத் தெரிவித்துக் கொள்கின்றோம்.

வெற்றி எப். எம் இல் அறிவிப்பாளர், வலைப் பதிவர்; 

திரு.ஏ.ஆர்.வி. லோசனின் குரலில் இடம் பெற்ற நாற்று வலைப் பதிவு பற்றிய அறிமுகத்தை கீழே உள்ள ப்ளேயர் மூலமாக நீங்கள் கேட்டு மகிழலாம்.

இவ் அறிமுகத்தைக் கேட்க முடியாதவர்களுக்காக, எழுத்து வடிவில் அதனை இங்கே பகிர்ந்து கொள்கின்றேன்.

‘’நாளொரு தளமாக இன்றைய தினம் வருகின்ற ஒரு தளம்- ஒரு தனிப்பட்ட எழுத்தாளரின் பதிவுலக எழுத்தாளரின் வலைத் தளமாக இருந்து, இப்பொழுது இணையத் தளமாக மாறியிருக்கும் ஒன்று. 

தமிழ் நாற்று என்று சொல்லி; அவர் இணையத் தளத்திற்கான தலைப்பினை இட்டிருக்கின்றார். நாற்று- மலரத் துடிக்கும் அரும்புகளின் கூடல்....என்று பல்வேறு வகைப்படுத்தல்களை வாசல், மொழி, ஈழம், கவிதை, மொக்கை, விவாத மேடை, சுவையருவி, இவை தவிர அவரது டுவிட்டர், பேஸ்புக் தளங்களின் தகவல்களையும் பகிர்ந்து கொள்கின்றார்.

இது தவிர இறுதியாக அவர் எழுதியது ‘ எழுத்துலக விபச்சாரர்களால் மானங்கப்படுத்தப்படும் தமிழர்கள்’ என்று,

பல விதமான விசயங்கள், நாட்டு நடப்புக்கள், சுவாரஸ்யமான; அந்த பிராந்தியத் தமிழ் வாசனை வீசுகின்ற எழுத்துகள், இது மட்டுமல்லாமல் அரசியல் தகவல்கள், கொஞ்சம் வேடிக்கையான; இல்லா விட்டால் விவகாரமான விசயங்கள், கொஞ்சம் வித்தியாசமான விசயங்கள் என்று பல்வேறு விசயங்களை உள்ளடக்கிய ஒரு வலைத் தளமாக இது இருக்கின்றது.

நிரூபன் என்பவர் இதனைத் தொடர்ந்து எழுதி வருகின்றார். அநேகமாக ஒவ்வொரு நாளும் ஒவ்வொரு பதிவுகளாவது வந்து கொண்டிருப்பது இதில் பார்க்கக் கூடிய விசயங்களாக இருக்கின்றது,

’மாறனிடம் மண்டியிட்ட திமுக தாத்தாவின் புரிந்துணர்வற்ற செயல், என்பதும் கவனிக்கக் கூடிய ஒரு முக்கியமான விசயம்.

சில சுவாரஸ்யமான விசயங்கள், பல்வேறுபட்ட- கொஞ்சம் ஆழமான விசயங்களையும் பேசக் கூடிய ஒரு தளமாக இது இருக்கின்றது.

‘ஈழப் போர் தந்த சாபங்கள்- உண்மைச் சம்பவம்' என்ற தகவலும் இங்கே பதியப்பட்டிருக்கின்றது. இது நாற்று- மலரத் துடிக்கும் அரும்புகளின் கூடல்,

உங்களுக்காக அந்த தளத்தின் முகவரியினை நாங்கள் தந்து விடுகின்றேன்.

www.thamilnattu.com என்பது இதன் ஆங்கிலத் தள முகவரியாக இருக்கின்றது.

நீங்களும் பாருங்கள், பார்த்துப் பரவசமடையுங்கள்.

<><><><><><><><><><><><><><><><><><><><><><><><><><><><><><><><><><><><><>

இந்த அறிமுகமானது, 

நாற்று வலையின் வளர்ச்சிக்கும், ஒவ்வோர் படைப்புக்களின் வெற்றிக்குப் பின்னும் தோளோடு தோள் நிற்கும் வாசகர்கள், நண்பர்களாகிய உங்களுக்கே உரித்தானது. ஆதலால் இவ் அறிமுகத்தை உங்கள் முன் சமர்ப்பிப்பதில் உளம் மகிழ்வதோடு, என் இதய பூர்வமான நன்றிகளையும் நாற்று வலைப் பதிவோடு இணைந்திருக்கும் உங்கள் அனைவருக்கும் தெரிவித்துக் கொள்கின்றேன்.


பிற் சேர்க்கை: இப் பதிவில் இணைக்கப்பட்டுள்ள மீடியா ப்ளேயரில் பாடல் அப்லோட் செய்யும் முறையினை எனக்கு அறிமுகப்படுத்திய, கற்றுக் கொடுத்த, சகோதரன் - ஜனகனின் எண்ண ஜனனங்கள் வலைப் பதிவின் சொந்தக்காரர் செல்வன் ஜனகன் அவர்களுக்கும் நாற்றின் வாசகர்கள் சார்பிலும், என் சார்பிலும் என் மனமார்ந்த நன்றிகளைத் தெரிவித்துக் கொள்கின்றேன். 

Share