பதிவர்கள் பரபரப்புடன் மோதும் காமெடி ஜிம்மி!

பேரன்பிற்கும் பெரு மதிப்பிற்குமுரிய உறவுகளே, காமெடியில் ஜிம்மியில் கலந்து கலக்குவதற்காய் ஆவலுடன் வருகை தரும் உங்களை வர வேற்பதில் மகிழ்ச்சியடைகிறேன். 

இன்றும் வழமை போல அக்மார்க் முத்திரை மற்றும் ISO 9001 தரச் சான்றிதழ் பெற்ற ஒரிஜினல் அருவாள்களை மத்திய கிழக்கில் தயாரித்து உலகம் முழுவதும் ஏற்றுமதி செய்யும் நாஞ்சில் மனோ கம்பனியின் பிரதான அனுசரணையிலும், 

பிரெஞ்சுப் பிகருங்கள் தும்மும் போது கர்சிப் எடுத்து நீட்டும் வகையில் பறக்கும் கர்ச்சிப்களைத் தயாரித்தும் உலகமெங்கும் விற்பனை செய்யும் 

ஓட்ட வடை நாராயணனின் இணை அனுசரணையிலும் இணைய வலை ஊடாக உங்களை நாடி வரவிருக்கிறது ‘நாற்றின் பாடுக்குப் பாட்டு’ காமெடி ஜிம்மி! 

மைக் டெஸ்ட்டிங் ஒன்....ரூ.....

ஏற்கனவே வெற்றிகரமாக இரண்டு போட்டிகளை வைத்திருந்தாலும், இந்தப் போட்டியிலும் போட்டிக்கான ரூல்ஸ் அல்லது விதி முறைகளை இங்கே உங்களுக்காக அறியத் தருகிறேன். நல்லாப் படிச்சு ஞாபகம் வைச்சுக் கொள்ளுங்க. அப்புறமா ஏதாச்சும் ஏடா கூடம் ஆச்சு, அதுக்குப் பதிலா என்னைத் திட்டக் கூட்டாது. 

*போட்டியாளருக்கு வழங்கப்படும் தொடக்க எழுத்திலிருந்து பாடலைத் தெரிவு செய்து பாடலின் இரண்டு வரிகளைப் போட்டியாளர் பின்னூட்டப் பெட்டியில் எழுத வேண்டும்.

உதாரணமாக ‘அ’ என்ற எழுத்தில் ஓர் பாடலைத் தொடங்குமாறு போட்டியாளரிடம் கேட்கப்படும் பட்சத்தில், 

’அம்மா அம்மா எந்தன் ஆருயிரே

நானும் நீயும் என்றும் ஓர் உயிரே...... இவ்வாறு பாடலை எழுத வேண்டும். 

*பக்திப் பாடல்களையோ அல்லது, உள்ளூர் அல்பங்களில் வெளியான பாடல்களையோ இங்கே சொல்லுவது தவிர்க்கப் பட வேண்டும்.
தென் இந்தியத் திரை இசைப் பாடல்களை மட்டுமே நீங்கள் இங்கே பகிர்ந்து கொள்ளலாம்.  

விட்டா அல்பத்தில வந்த பாடல் என்று நீங்களே ஒரு பாடலை இயற்றிப் பாடிட மாட்டீங்க. அதான் முன்னெச்சரிக்கையாக இந்த அறிவிப்பு. 

*பாடலின் தொடக்க வரி ‘’ஏதாவது கோரஸ் அல்லது குழு இசையுடன் தொடங்கினால் அதனை விடுத்து, பாடலை மாத்திரம் தான் நீங்கள் பகிர வேண்டும்.

*உ+ம்:  ‘ச’ எழுத்தில் பாடலைத் தொடங்குமாறு கேட்டால்,

நீங்கள் சஞ்சானே தோனே தானே.... ஏனோ தானே நோ....’ எனப் பாடல் எழுதுதல் தவறு. இந்தப் பாடலின் தொடக்கம்
’கூமாரி....என் காதல் சிக்கி முக்கி திக்கி விக்குது.. என்று தொடங்குவதால்
இப் பாடல் ‘கூ’ எனும் எழுத்திற்குப் பொருத்தமானதாகவே கருதப்படும்.

*முதல் போட்டியாளர் பாடி முடிக்கும் இறுதி எழுத்தில் இருந்து அடுத்த போட்டியாளருக்கான பாடலைத் தொடங்க வேண்டும், அல்லது பாடல் தொடங்கும் எழுத்தை வழங்க வேண்டும்,  இதனை எல்லோரும் வடிவா நோட் பண்ணிக்குங்க. 

*உ+ம்: தென் மேற்குப் பருவக் காற்று தேனீப் பக்கம் வீசும் போது சாரல்....

இன்பச் சாரல்.....
தெம்மாங்கு பாடிக் கொண்டு சிலு சிலு என்று சிந்துதம்மா.....


இங்கே பாடல் ‘மா’ எனும் எழுத்தில் முடிந்திருப்பதால்,
அடுத்த போட்டியாளருக்கான பாடல் தொடங்கும் எழுத்து
‘மா’ எனும் எழுத்தாக அமைய வேண்டும்.

*இறுதி எழுத்துக்களின் மூலம் பாடல்களைத் தெரிவு செய்ய முடியாத சந்தர்ப்பத்தில், போட்டியாளருக்கு இறுதிச் சொல்லில் இருந்து பாடலினைத் தெரிவு செய்வதற்கான எழுத்தினை நீங்கள் வழங்கலாம்.
உ+ம்: ’நலம் வாழ என் நாளும் என் வாழ்த்துக்கள்
தமிழ் கூறும் பல்லாண்டு என் வார்த்தைகள்....

இங்கே ‘ள்’ எனும் எழுத்தில் பாடல் முடிவதால், அடுத்த பாடலுக்குரிய தொடக்க எழுத்து, இறுதிச் சொல்லாகிய ‘வார்த்தைகளில் உள்ள’ 
‘வா’ எனும் எழுத்தில் தொடங்க வேண்டும்.

*போட்டியாளர்களுக்கு இது தொடர்பாக மேலதிக, சந்தேகங்கள் இருந்தால், கேட்கும் பட்சத்தில், தெளிவிக்கப்படும்!  

*கடந்த இரண்டு தடவைகளும் இடம் பெற்ற போட்டிகளில் போட்டியிட்டு;

‘அட்ராசக்க சிபி செந்தில் குமார்; அவர்கள் முதலிடத்திலும்,

‘நாஞ்சில் மனோ’ அவர்கள் இரண்டாமிடத்திலும், 

’மதியோடை சுதா’ அவர்கள் மூன்றாம் இடத்திலும் உள்ளார்கள். 

இந்த வாரம் யார் யார் மோதப் போகிறார்கள் என்பதனைப் பொறுத்திருந்து தான் பார்க்க வேண்டும்!

*போட்டியில் பாடல் வரிகள் சரியாகச் சொல்லப்படுகின்றதா என்பதனை, நான் கவனித்துக் கொண்டிருப்பேன். யாருமே பாடல்களைச் சொல்லா விட்டால் நான் அப்பாடலைச் சொல்லிய பின்னர்(எனக்குத் தெரிஞ்சிருக்கனுமே;-)) ஹி....ஹி....), அடுத்த எழுத்தை உங்களுக்கு வழங்குவேன்.
எல்லோரும் தயாரா!

*போட்டியில் தவறுகள் ஏதும் இருப்பின், பார்வையாளர்களாக உள்ளவர்கள் சுட்டிக் காட்டலாம். வாசகர்களின் கருத்துக்கள் வரவேற்கப்படுகின்றன. 

*போட்டியில் அதிக பாடல்களைச் சொல்லி வெற்றி பெறும் நபருக்கு, இறுதி வரை அடித்தாடும் நபருக்கு இரண்டு மின் நூல்களும், இரண்டு ஆங்கிலத் திரைப்படங்களைத் தரவிறக்கம் செய்வதற்கான Software உம் வழங்கப்படும்!

உலகாளவிய ரீதியில் ஒரிஜினல் அக்மார்க் முத்திரை பெற்ற அருவா தயாரிப்பில் முன்னணியில் திகழும் நாஞ்சில் மனோ கம்பனி ஆதரவிலும்,  உலகின் எப்பாகத்திலிருந்தும் பொண்ணுங்களுக்கு தும்மல் வந்தால் பறந்து போய் துடைக்கும் வண்ணம் கர்சிப்களைத் தயாரிப்பதில் பிரசித்தி பெற்ற ஓட்ட வடை நாராயணண் கம்பனி ஆதரவிலும் உங்களை நாடி வருகிறது.......

‘நாற்றின் பாட்டுக்குப் பாட்டு’

டிஸ்கி: போட்டியில் வெற்றி பெரும் வெற்றியாளர்களுக்கு, இங்கே நான் வழங்குவதாக அறிவித்துள்ள பரிசில்களில் திருப்தி இல்லை என்றால், உலகின் பிரபலமான நம்பர் ஒன் நடனக் குழுவின் வீடியோவிற்கு உங்கள் குரலில் பின்னணிப் பாடல் பாடுவதற்கான வாய்ப்பு வழங்கப்படும். அல்லது இப் பதிவில் வரும் படங்களில் உள்ள முன்னணித் திரை இசை நட்சத்திரங்களோடு பாடல் பாடுவதற்கேற்ற சந்தர்ப்பம் வழங்கப்படும்.  

நாஞ்சில் மனோ, விக்கி உலகத்தின் தயாரிப்பிலும், மைந்தன் சிவாவின் இயக்கத்திலும் இந்த வீடியோ டப் செய்யப்பட்டு, டோப் போடப்பட்டு இப்பொழுது உலகம் முழுவதும் பின்னணிப் பாடல் ஏதுமின்றிப் பரபரப்புடன் வலம் வந்து கொண்டிருக்கிறது. மக்களே, அது என்ன பாடல் என்று அறிய ஆவலா. எதையும் தாங்கும் சக்தி உங்கள் இதயத்திற்கு இருக்கா. ஒரு வாட்டி, இந்த லிங்கை கிளிக் பண்ணி இங்கே போய்த் தான் பாருங்களேன். 

டிஸ்கி 2: உ+ம்...உதாரணம்;-)))

ஹி...ஹி...ஹா...ஹா..!

டிஸ்கி 3: எல்லா நண்பர்களின் பெயர்களையும் ஏன் இங்கே இணைக்கவில்லை என்று யோசிக்கிறீர்களா? 

ஹி....ஹி...பதிவுலகில் பதிவர் சிபி தலமையில் எவ்ளோ அடிச்சாலும் தாங்கிற கட்சி ஒன்று இருக்கிறதாம். அந்தக் கட்சியின் உறுப்பினர்கள் தான் இப் பதிவில் வரும் நாஞ்சில் மனோ, விக்கி உலகம், ஓட்ட வடை நாராயணன், மைந்தன் சிவா. 

அப்போ இவங்களுக்கு இனி நீங்களும் போட்டுத் தாக்கலாமில்லேய்....

Share