பதிவர்கள் மோதிக் கொள்ளும் பாட்டு(க்) கும்மி!

வாரம் தோறும், வானொலிப் பெட்டியருகே காத்திருக்கும் உறவுகள் அனைவருக்கும் வணக்கம், (அடோய் எடுங்கடா அந்தக் கல்லை....இவனை விரட்டுவோம் என்று ஏசுவது கேட்டு சுய நினைவிற்கு வந்தவனாய்,)
நாற்று வலையேறி உங்கள் மொனிட்டர் திரை வந்து மகிழ்விக்க இருக்கும் பாட்டுக்குப் பாட்டு(ப்) போட்டியுடன் கலந்து கொள்ள ஆவலாக உள்ள அனைவருக்கும் இனிய மாலை வணக்கங்கள்!

கடந்த வாரம் இடம் பெற்ற கும்மியை/ போட்டியைத் தவற விட்டதாக, பல முன்னணிப் பாடகர்கள், பின்னணிப் பாடகர்கள், மற்றும் அதி திறமைசாலிகள் வருத்தப்பட்டிருந்தார்கள். அவர்கள் அனைவரினதும் விருப்பத்திற்கமைவாக, மீண்டும் இன்றைய தினம் இந்தப் பாட்டுக்குப் பாட்டு வலைப் போட்டியினை உங்கள் முன் கொண்டு வருகின்றேன்.

போட்டி விதி முறைகள்:

*போட்டியாளரிடம் கேட்கப்படும் பாடலின் எழுத்தில் தொடங்கும் பாடலின் இரண்டு வரிகளை அவர் இங்கே பின்னூட்டப் பெட்டியில் எழுத வேண்டும்,
உ+ம்: ‘க’ வில் தொடங்கும் பாடல் என்றால்


‘கஸ்தூரி மான்குட்டியாம், இது கண்ணீரை ஏன் சிந்துதாம்
உனை ஆவாரம் பூத் தொட்டதோ......
என எழுத வேண்டும், அப்படி எழுத முடியாதவர்கள்
ஒரு வரிக்கு மேல் பாடலை எழுதினால் போதுமானது.

*பக்திப் பாடல்களையோ அல்லது, உள்ளூர் அல்பங்களில் வெளியான பாடல்களையோ இங்கே சொல்லுவது தவிர்க்கப் பட வேண்டும்.
தென் இந்தியத் திரை இசைப் பாடல்களை மட்டுமே நீங்கள் இங்கே பகிர்ந்து கொள்ளலாம்.

*பாடலின் தொடக்க வரி ‘’ஏதாவது கோரஸ் அல்லது குழு இசையுடன் தொடங்கினால் அதனை விடுத்து, பாடலை மாத்திரம் தான் நீங்கள் பகிர வேண்டும்.


உ+ம்:  ‘ச’ எழுத்தில் கேட்டால்,
நீங்கள் சஞ்சானே தோனே தானே.... ஏனோ தானே நோ....’ எனப் பாடல் எழுதுதல் தவறு. இந்தப் பாடலின் தொடக்கம்
’கூமாரி....என் காதல் சிக்கி முக்கி திக்கி விக்குது.. என்று தொடங்குவதால்
இப் பாடல் ‘கூ’ எனும் எழுத்திற்குப் பொருத்தமானதாகவே கருதப்படும்.

*முதல் போட்டியாளர் பாடி முடிக்கும் இறுதி எழுத்தில் இருந்து அடுத்த போட்டியாளருக்கான பாடலைத் தொடங்க வேண்டும், அல்லது பாடல் தொடங்கும் எழுத்தை எழுத்தை வழங்க வேண்டும், 


உ+ம்: தென் மேற்குப் பருவக் காற்று தேனீப் பக்கம் வீசும் போது சாரல்....
இன்பச் சாரல்.....
தெம்மாங்கு பாடிக் கொண்டு சிலு சிலு என்று சிந்துதம்மா.....


இங்கே ‘மா’ எனும் எழுத்தில் முடிந்திருப்பதால்,
அடுத்த போட்டியாளருக்கான எழுத்து
‘மா’ எனும் எழுத்தாக அமைய வேண்டும்.

*இறுதி எழுத்துக்களின் மூலம் பாடல்களைத் தெரிவு செய்ய முடியாத சந்தர்ப்பத்தில், போட்டியாளர், இறுதிச் சொல்லில் இருந்து பாடல்களைத் தெரிவு செய்வதற்கான எழுத்தினை வழங்கலாம்.
உ+ம்: ’நலம் வாழ என் நாளும் என் வாழ்த்துக்கள்
தமிழ் கூறும் பல்லாண்டு என் வார்த்தைகள்....


இங்கே ‘ள்’ எனும் எழுத்தில் பாடல் முடிவதால், அடுத்த பாடலுக்குரிய தொடக்க எழுத்து, இறுதிச் சொல்லாகிய ‘வார்த்தைகளில் உள்ள’ 
‘வா’ எனும் எழுத்தில் தொடங்க வேண்டும்.

*போட்டியாளர்களுக்கு இது தொடர்பாக மேலதிக, சந்தேகங்கள் இருந்தால், கேட்கும் பட்சத்தில், தெளிவிக்கப்படும்!

*கடந்த வாரம் இடம் பெற்ற போட்டியில் போட்டியிட்டு 
‘அட்ராசக்க சிபி செந்தில் குமார்; அவர்கள் முதலிடத்திலும்,
‘நாஞ்சில் மனோ’ அவர்கள் இரண்டாமிடத்திலும்,
’மதியோடை சுதா’ அவர்கள் மூன்றாம் இடத்திலும் உள்ளார்கள்.


இந்த வாரம் யார் யார் மோதப் போகிறார்கள் என்பதனைப் பொறுத்திருந்து தான் பார்க்க வேண்டும்!

*போட்டியில் பாடல் வரிகள் சரியாகச் சொல்லப்படுகின்றதா என்பதனை, நான் கவனித்துக் கொண்டிருப்பேன். யாருமே பாடல்களைச் சொல்லா விட்டால் நான் அப்பாடலைச் சொல்லிய பின்னர்(எனக்குத் தெரிஞ்சிருக்கனுமே;-)) ஹி....ஹி....), அடுத்த எழுத்தை உங்களுக்கு வழங்குவேன்.
எல்லோரும் தயாரா!

*போட்டியில் அதிக பாடல்களைச் சொல்லி வெற்றி பெறும் நபருக்கு, இறுதி வரை அடித்தாடும் நபருக்கு இரண்டு மின் நூல்களும், இரண்டு ஆங்கிலத் திரைப்படங்களைத் தரவிறக்கம் செய்வதற்கான Software உம் வழங்கப்படும்!

*தங்க நகை உலகில் மங்காப் புகழ் பெற்ற ‘நாஞ்சில் மனோ’ ஸ்தாபனத்தின் அனுசரணையுடனும், அட்ராசக்க காமெடி கும்மி சிபியின் விளம்பர உபயோகத்திலும் வலை உலகில் உங்களை நாடி வருகிறது


’நாற்றின் பாட்டுக்குப் பாட்டு! 


பதிவர்களே, வாருங்கள், கலாயுங்கள், கலக்குங்கள்! 

டிஸ்கி: பதிவில் வெற்றி பெறும் நபருக்கு, நான் வழங்கும் பரிசில்; திருப்தி இல்லை என்றால், 

போட்டியாளர் விரும்பினால், 

படங்களில் உள்ள யாராவது ஒரு பிரபல பாடகருடன் மேடையேறிப் பாடுவதற்கான சந்தர்ப்பம் 

வழங்கப்படும்;-)))

டிஸ்கி: உ+ம்...உதாரணம்;-)))

ஹி...ஹி...ஹா...ஹா..!

Share