உல் உங்களுக்கு சொல் சொல்லத் தெல் தெரியுமோ!

ஒவ்வோர் இனத்தினதும் அடையாளமாக மொழி இருக்கின்றது என்பதை யாராலும் மறுத்துரைக்க முடியாது. இராணுவங்களும், போராட்ட அமைப்புக்களும் தமது இரகசியங்களைப் பாதுகாப்பதற்காக, சங்கேத பாசைகளை நடை முறையில் வைத்திருக்கிறார்கள். இது என்னுடைய பாடசாலைக் கால நினைவுகளை மீட்டும் பதிவாகும்.
நாங்கள் பள்ளிக் கூடத்தில் படித்த காலப் பகுதியில் ஒரு சிறு பிள்ளைத் தனமான விளையாட்டு விளையாடுவோம், எங்களது ’குறூப்பினுள் யாராவது ஒருத்தன் புதிதாக சேர்ந்திட்டான் என்றால், நாங்கள் பேசும் மொழி நடை அவனுக்குப் புரியாத மாதிரித் தான் திட்டங்களைத் தீட்ட வேண்டும் என்பது எங்களது பிரதான நோக்கமாக இருக்கும்.(ஏதோ பெரிய அரசியல், போராட்ட வீரர்கள் மாதிரி, இவங்கள் பெரிய ப்ளான் எல்லாம் பண்ணிருக்காங்க என்று மிரட்டுறீங்க.. வேணாம்... பாஸ்;-)))

உதாரணத்திற்கு பள்ளிக் கூடம் முடிந்ததும் கள்ள மாங்காய் பிடுங்கப் போதல், கிணற்றில் நீந்தப் போதல், கிறிக்கற் அடிக்கப் போதல், இளநீர் பிடுங்கப் போதல் முதலிய பல விடயங்களை வகுப்பின் சக மாணவர்களுக்குத் தெரியாமல் செய்ய வேண்டும் என்பது தான் எங்களின் பிளானாக இருக்கும்.

நாங்கள் பேசும் மொழி, ஏதோ நாங்கள் கண்டு பிடித்த மொழி என்று நினைக்க வேண்டாம், இந்தச் சங்கேத பாசை காலாதி காலமாக எங்கள் ஊர்களில் இருந்து வருகிறது. (இதனைக் கண்டு பிடித்தவர், உருவாக்கியவர் யார் என்று ஆதார பூர்வமாகத் தெரிந்தால் பிளீஸ் யாராவது சொல்லுங்கோ)

நாங்கள் பேசும் போது பேசும் ஒவ்வோர் சொல்லின் முதல் எழுத்துடன் ‘ல்’ சேர்த்து பேசுவோம்.
ஒவோர் வசனங்களைப் பேசும் போதும் முதல் எழுத்துடன் ‘ல்’ சேர்த்துப் பேசுவது தான் இந்தச் சங்கேத பாசையின் சிறப்பாகும், இந்தப் பாசையினை எப்படி நாங்கள் பேசுகிறோம் எனும் உத்தி(Technical)  தெரியாதவர்களுக்கு, இந்தப் பாசை புரியவே புரியாது.

யாரைத் திட்ட வேண்டும் என்றாலும் சரி, அல்லது யாருடனாவது ஏதாவது ரகசியங்கள் பேச வேண்டும் என்றாலும் சரி, ஒரு கூட்டத்தின் மத்தியில் உங்கள் மனதிற்குப் பிடித்தவருடன் நீங்கள் உரையாட வேண்டும் என்றாலும் சரி இந்தப் பாசை உங்களுக்கும் நிச்சயமாய் கை கொடுக்கும். அது என்ன பாசை என்று ஒரு தடவை ட்றை பண்ணிப் பார்ப்போமா.

எல் என்ரை பில் ப்ளாக்கை, பல் படிக்க வல் வந்திருக்கும், அல் அனைவருக்கும், நல் வணக்கம்!
நில்நீங்க நல்நல்ல சுல்சுகம் எல்என்று அல்அறிகிறேன்.!

உல்உங்கடை நல்நாட்டிலை கல்கலைஞர் கொல்கொள்ளை அல்அடிச்சு இல்இருக்கிறார் எல்என்னும் வில்விடயத்தை, நல்நாங்கள் அல்அறிவோம்.

இல்இந்த முல்முறைத் தெல்தேர்தலிலை, யல்யார், வெல்வெல்லப் பொல்போகீனம்?

சரி இந்தச் சங்கேத பாசையினுள் மறைந்திருக்கும் விடயங்களைக் கண்டறிய முடியுமா?

கல்கலைஞர், சொல்சோனியா, நல்நன்றாக கல்கபட நல் நாடகம் செல்சேர்ந்து நல்நடிக்கீனம்.

உல்உந்த, தில்திருவிளையாடல், இல்இனிமேல் எல் எங்களிட்டை, ஒல் ஒருபோதும் வல் வாய்க்காது,.

சல்சாகும் வல்வயசிலை, உல்உந்தக் கில்கிழவனுக்கு எல்ஏன் இல்இந்த பெல்பேராசை?

உல்உந்தக் கில்கிழவன், எல்எங்கள் இல்ஈழம் பல்பற்றி, இல் இனிமேலும் பெல்பேசக் கூடாது,

நல்நாங்கள் எல்எல்லோரும், ஒல்ஒருநாள் அல்அடிச்சால், பல் பறக்கும் எல் என்பது, உல் உவர்க்குத் தெல் தெரியாதோ?

இந்த நினைவுகளை மீட்டிப் பார்க்கையில் என் பாடசாலைக் காலச் சிறு பராயம் மட்டும் நினைவில் வந்து போகிறது.

உல்உங்களுக்கு, இல்இப் பல்பதிவு, புல் புரிஞ்சுதா?
நல்நான் பொல்போய், மல்மாலை மில் மீண்டும் வல் வருகிறேன்!

Share