வேண்டாமே இந்த பதிவரசியல்!

இணைய வலை ஏறி வந்து அனைவர் இதயங்களையும் கவரும் பதிவர்களே, அவரசமாய் ஓடி வந்து அரிய பல தகவல்களைச் சேகரித்து எழுதுவோர் பதிவுகளைப் படிக்காமல் ஓட்டுப் போட்டு, ஒரே நிமிடத்தினுள் பின்னூட்டமிடும் ஜனநாயக வாதிகளே வணக்கம்! டோய் சித்தப்பூ, என்ன நடக்குது? நீ என்ன  வில்லுப் பாட்டே நடத்தப் போறாய், வாயை மூடிட்டு பதிவை எழுதடா என்று உங்களில் யாரோ கோபப்பட்டுத் திட்டுவதும் கேட்கிறது. மீண்டும் எல்லோருக்கும் இனிய வணக்கங்கள்!

பதிவுலகம் எனப்படும் இந்த இனிய இணைய எழுத்துலகில், எங்கள் தமிழ் பதிவுலகில் நாளுக்கு நாள் எத்தனையோ மர்மங்களும், மஜாயால வித்தைகளும் நடப்பதாக அடிக்கடி பரபரப்பூட்டும்,  பதிவர்களின் பதிவுகள் மூலம் அறிந்து கொண்டேன். நான் பதிவெழுத வந்து ஒரு மாதமே ஆகாத இந் நிலையில் பதிவுலகம் பற்றியோ, பதிவர்களின் ஜனநாயக நடவடிக்கைகள் பற்றியோ அதிகப்பிரசங்கித்தனம் பண்ணுவது நல்லதல்ல. ஆனாலும் என் மனதில் பட்டவற்றை, என் உள்ளத்தில் உதித்தவற்றை உங்களோடு பகிர்ந்து கொள்ளலாம் என இப் பதிவினை எழுதுகிறேன்.

சிந்தியுங்கள் செயற்படுங்கள்! 

நான் எல்லோருடனும் நண்பனாகவே இருக்க விரும்புகிறேன். யாரையும் பகைக்க வேண்டும் என்றோ, என் பதிவுகளைப் பிரபலமாக்க வேண்டுமென்றோ இந்தப் பதிவினை எழுதவில்லை.  அட பாவிப் பயலே, நேற்றுப் பெய்த மழையிலை முளைச்ச காளான் நீ, முந்திரிக் கொட்டை மாதிரி முந்திக் கொண்டு பதிவரசியல் பற்றிப் பேசப் போறியோ என்று யாரும் எண்ணினால்

நான், வள்ளுவனின் முப்பாலும் கற்று,

மூன்றாம் பாலை மட்டும் தப்பாமல் கற்ற கன்றுக் குட்டி

தமிழில் இன்று வரை தவழ்ந்து நீராடி

தமிழோடு விளையாட நினைக்கும் கத்துக் குட்டி,

ஆகையால் உங்களோடு இப் பதிவுலகம் பற்றிய என் எண்ணங்களைப் பகிர்ந்து கொள்ளலாம் என ஆசைப்படுகிறேன்.

*பதிவுலகில் பதிவர்கள் கூட்டமாக, ஒரு குறூப்பாக இருக்கிறார்கள் என்பதனை அண்மையில் தான் தெரிந்து கொண்டேன். அட கூட்டம் என்றால் ஆளுங் கட்சிக்கு சப்போர்ட் பண்ணுவோர் என்றால் + ஓட்டு

எதிர்க் கட்சி என்றால் மைனஸ் - ஓட்டு.

*என்னைப் பொறுத்தவரை நான் எல்லாப் பதிவர்களுடனும் நட்புடன் பழக விரும்பும் ஒரு ஜீவன். ஆத்ம திருப்திக்காக மட்டுமல்லாது ஆவணங்களை, தமிழின் விடுபட்ட, அழிந்து போன வரலாறுகளை பதிய நினைக்கும் ஒருவன். எனக்கு பதிவுலகில் என்ன நடக்கிறது என்பது புரியாத காரணத்தினால் அண்மையில் ஒரு பதிவரின் பின்னூட்டத்திற்கு பின்னூட்டம் போட்டேன். உடனே எனக்கு ஒரு பின்னூட்டம் வந்தது,

’இந்த மாதிரி பதிவர்களுக்கு பின்னூட்டம் போட்டால், நீங்களும் பதிவுலகில் இருந்து ஏனைய பதிவர்களால் புறக்கணிக்கப்படலாம் என்று!

*இந்தப் பின்னூட்டத்தால் நான் மனமுடையவில்லை. ஆனாலும் பதிவர்களாகிய நமக்குள் ஏன் இந்த பேதம்?

இப்படி ஏன் வேற்றுமைகள்?

*எவ்வளவோ கஸ்ரப்பட்டு ஆங்கில இணையத்தளங்களைப் படித்தும், பல் வேறு வழிகளில் தேடியும் நான் எழுதிய ஒரு பதிவுக்கு பதிவு வெளியாகி இரண்டு நிமிட இடை வெளிக்குள்ளே (பதிவினை திரட்டிகளில் இணைக்க முன்னே) ஒரு அன்பு உள்ளம் ஓடோடி வந்து ‘பதிவினை முற்று முழுதாக படித்து முடித்தவர் போல போட்டாரய்யா ஒரு பின்னூட்டம். பாருங்கோ.

ஒரு கணம் ஆடிப் போய் விட்டேன்.  புதிய பதிவரான எனக்கே இப்படி நிலமை என்றால் ஏனைய பதிவர்கள் பல் வேறு வழிகளில் அலசி ஆராய்ந்து, தேடல்களின் மூலம் போடும் அருமையான அரிய பதிவுகளுக்கும் இதே நிலமை தானே ஏற்படும்.

*இவ் வகையில் பார்க்கும் போது பதிவுகளை எத்தனை பேர் படிக்கிறார்கள் என்பதை விட எத்தனை பேர்

 ஓடோடி வந்து பதிவினைப் படிக்காமல் பின்னூட்டம் போட்டு, பதிவிற்கு வாக்கும் போட்டு விட்டுப் போகிறார்கள் எனும் எண்ணிக்கையின் அடிப்படையில் தானே பதிவுலகம் இருக்கிறது.

*பதிவர்களின் பதிவுகள்; காவிகள், திரட்டிகள் மூலம் காவிச் செல்லப்பட்டு அகிலமெங்கும் இணையத்தின் மூலம் சென்றடைய வேண்டும் என்பது வரவேற்கத்தக்க விடயம். ஆனால் பதிவினைப் படிக்காது, தமது வருகையினை உறுதிப்படுத்தும் வகையில் பின்னூட்டமும் போட்டு, ஓட்டும் போட்டு விட்டுச் செல்வதற்கா நாம் பதிவெழுதுகிறோம் பதிவர்களே?

*ஆழமான கருத்துக்களோ, இல்லை காத்திரமான உள்ளடக்கமோ இல்லாத ஒற்றை வரி நகைச்சுவையினை உள்ளடக்கிய பதிவுகள் யாவும் வாசகர் பரிந்துரையிலும் சூடான இடுகையிலும் வருகிறது, மிக மிக ஆழமாக அலசி ஆராய்ந்து எழுதும் பதிவர்களின் பதிவுகள் இந்த அரசியலால் புறந்தள்ளப்படுகின்றது. பாசமிகு பதிவர்களே இது தான் எங்கள் பதிவுகளின் நோக்கமா?

*நாம் அனைவரும் பதிவெழுதும் போது, எமது பதிவுகள் அனைவரையும் கவர வேண்டும், அனைவரையும் இப் பதிவுகள் சென்றடைய வேண்டும் எனும் நோக்கில் தானா பதிவெழுதுகிறோம்? அல்லது எம் வலைப் பதிவில் எழுதப்பட்ட இப் பதிவினைப் படிக்காமல் எத்தனை பேர் கிளிக் பண்ணிப் பார்த்தார்கள் என ஹிட்ஸ் ஏத்தவா பதிவெழுதுகிறோம்?

ஆகவே சிந்தியுங்கள், செயற்படுங்கள் நண்பர்களே, இப் பதிவு யாரையும் புண்படுத்துவதற்காக அல்ல.

உங்களுடன் சில நிமிடங்கள்,

என்னால் இப் பதிவுலக அரசியலோடு ஒத்துப் போக முடியவில்லை. என்னைப் பொறுத்தவரை நேரம் கிடைக்கும் போது பதிவுகளைப் படிக்கிறேன். பதிவினைப் படித்து முடிந்ததும் அந்தப் பதிவின் உள்ளடக்கம், பதிவின் நோக்கம் முதலியவற்றை அலசிப் பார்க்கிறேன். பின்னர் பதிவின் குறை நிறைகளைச் சுட்டிப் பின்னூட்டம் போடுகிறேன். என்னால் ஒரு சிலரைப் போல பதிவினைப் படிக்காமல் ‘அருமையாக இருக்கிறது’

அசத்துறீங்க...கலக்கிட்டீங்க... நல்ல பதிவு, வாழ்த்துக்கள் என்றெல்லாம் ஒற்றை வரியில் பின்னூட்டி ஊக்கப்படுத்த முடியவில்லை. விமர்சிக்க மட்டுமே முடிகிறது. அதற்காக என்னை மன்னியுங்கள் நண்பர்களே!

*நல்ல கருத்துக்கள் மிகுந்த, ஆக்க பூர்வமான பதிவுகளினைத் தட்டிக் கொடுப்போம், காத்திரமான பதிவுகளினை வரவேற்போம், இத்தகைய பதிவர்களை ஊக்கப்படுத்துவோம். சும்மா ரெண்டு வரியிலை பத்திரிகையிலோ, இல்லை வேறு இணையத்திலோ வரும் ஆக்கங்களை பதிவாக எழுதினால் வரவேற்பு கிடைக்கும் என்றால், அதிக வாக்குகள் கிடைக்கும் என்றால்

என்னுடைய அடுத்த பதிவு ‘’நிர்வாணம்’ என்ற தலைப்பில் ஆடைகளே இல்லாத இரண்டு படங்களுடன்(ஆண் & பெண்) ஒரே ஒரு வரிப் பதிவாக வரும். உலகில் ஆடையில்லாமல் இருப்பதை ‘’நிர்வாணம்’ என்றழைப்பார்கள்.

எப்பூடி நம்ம வேலை. என்னங்க அரிவாளை தேடுறீங்க, ஏனுங்கோ ஆட்டோவுக்கு போன் பண்ணுறீங்க, என்னது பைக்கிலை ஏறி வந்து/ பிளைட் புடிச்சு வந்து யாழ்ப்பாணத்திலை இறங்கி வெட்டப் போறிங்களா? சும்மா ஒரு பேச்சுக்கு சொன்னேனுங்க. மீண்டும் உங்கள் அனைவரையும் அடுத்த பதிவினூடாக சந்திக்கும் வரை நான் வரட்டா, டாட்டா, பாய் பாய், சீ யூ.............

Share