மனிதனிடத்தே காதல் எப்போது வந்து தொற்றிக் கொள்ளும் என்று யாராலும் இலகுவில் அறிந்து கொள்ள முடியாது. மனித இனத்தில் உடல் உள ரீதியான வளர்ச்சி ஏற்படும் போது வந்து கொள்ளும் காதலுக்கும், பருவமடைய முன்னர் வரும் காதலுக்கும் இடையில் பல வகையான வேறுபாடுகள் உண்டு. எம் தமிழ் சமூகத்தின் வரலாற்றுப் பாதையில் தெய்வீக காதல் முதல் நாய் காதல் வரை மனிதன் தன்னால் எங்கெல்லாம் அன்பைச் செலுத்த முடியுமோ அங்கெல்லாம் தன் அன்பைச் செலுத்தி மகிழ்ந்திருக்கிறான். அறியாத வயதில் தாம் ஏன் காதல் கொள்கிறோம் என்பதைப் பற்றிய தெளிவேதுமின்றி எமக்குள் தோன்றும் காதல் கை கூடி வந்தாலும், அந்தக் காதல் தருகின்ற விளைவு என்னவோ சமூகத்திற்கு ஒவ்வாத ஒரு தகாத செயலாகவே இருக்கின்றது.
|
|
