JOHNNY ENGLISH REBORN - அதிரடி ஆக்சன் - வயிறு குலுங்க வைக்கும் காமெடி கலந்த ஹாலிவூட் திரை விமர்சனம்!

ஒரு நடிகருக்குப் பொருத்தமான கதா பாத்திரம் இது தான் என்று ரசிகர்களால் நிச்சயம் செய்யப்பட்டிருக்கும் சூழலில், ரசிகர்களின் எதிர்பார்ப்பிற்கு மாறாக வித்தியாசமான கேரக்டருடன் அந் நடிகர் திரையில் தோன்றி இன்ப அதிர்ச்சி கொடுத்தால் எப்படி இருக்கும்? ஹாலிவூட் நகைச்சுவை நடிகர்கள் மத்தியில் அன்று முதல் இன்று வரை தன்னுடைய அசத்தல் நிறைந்த நகைச்சுவை வசனங்களை உள்ளடக்கிய படங்களின் மூலமாகவும், ஆங்கிலம் புரியாத மக்களிடையே தன்னுடைய உடல் அசைவுகள் மூலம் நகைச்சுவை உணர்வுகளை வெளிப்படுத்தி (BODY LANGUAGE) மக்கள் மனங்களில் மிஸ்டர் பீனாக இடம் பிடித்திருக்கும் - "மிஸ்டர் பீன் காமெடிக் கதா பாத்திரம் மூலம் புகழ் பெற்ற" Rowan Atkinson" அவர்கள் ஜேம்ஸ் பாண்ட் கதா பாத்திரத்திற்கு இணையாக 2003ம் ஆண்டு நடித்து வெளியான படம் தான் JOHNNY ENGLISH. 

பெருமளவான மக்கள் மனங்களில் ஒரு காமெடி ஹீரோவாக இடம் பிடித்திருந்த மிஸ்டர் பீன் கதா பாத்திரப் புகழ் ROWAN ATKINSON அவர்களிற்கு முதன் முதலாக ஜேம்ஸ் பாண்ட் கதாபாத்திரத்திற்கு இணையான அந்தஸ்தினை ஹாலிவூட் திரையுலகில் கொடுத்த 2003ம் ஆண்டு வெளியான JOHNNY ENGLISH திரைப்படத்தின் தொடர்ச்சியான வெளியீடாகவும்; மெரு கூட்டப்பட்ட , அதி நவீன தொழில் நுட்பங்கள் நிறைந்த ஆக்‌ஷன் - த்ரிலிங்- மனம் விட்டு சிரிக்கச் செய்யும் நகைச்சுவை காட்சிகள், யுனிவேர்சல் ஸ்டூடியோவிற்கே உரித்தான பிரமாண்டமான காட்சியமைப்புக்கள் எனப் பல அம்சங்களைத் தன்னகத்தே உள்ளடக்கிய படம் தான் JOHNNY ENGLISH REBORN.  இத் திரைப்படமானது சர்வதேச அளவில் செப்டெம்பர் 15ம் திகதி ரிலீஸ் செய்யப்பட்டுள்ள போதிலும்; அக்டோபர் 07ம் திகதியன்று

 பிரித்தானியாவிலும், 28.11.2011 அன்று ஐக்கிய அமெரிக்கா கண்டத்திலும் ரிலீஸ் ஆகின்றது.

UNIVERSAL படத் தயாரிப்பு நிறுவனத்தின் உருவாக்கத்தில், 

Oliver Parker அவர்களின் இயக்கத்தில்,Ilan Eshkeri அவர்களின் நிமிடத்திற்கு நிமிடம் விறு விறுப்பினையும், நகைச்சுவையினையும் தரவல்ல இசையிலும், மிஸ்டர் பீன் பாத்திரப் புகழ் Rowan Atkinson (இப் படத்தில் Johnny ஆக நடிப்பவர்) அவர்களின் நடிப்பிலும், வசன உருவாக்கத்திலும், Gillan Anderson, Rosamund Pike, Dominic West, Danial Kaluuya, Richard Schiff முதலிய முன்னணி ஹாலிவூட் நட்சத்திரங்களின் நடிப்பிலும், மற்றும் பல கலைஞர்களின் பங்களிப்பிலும் வெளியாகியிருக்கிறது Johnny English Reborn.

ஐந்து வருடங்களிற்கு முன்பதாக பிரித்தானிய உளவுத் துறையில் பணியாற்றிய Johnny அவர்கள், மொசாம்பிக் நாட்டில் ஏற்பட்ட சதி முயற்சியினைக் கண்காணிக்கும் நோக்கில் அனுப்பப்படுகின்றார். அங்கே தன் கவனக் குறைவால், ஜொனி அவர்கள் சென்ற முயற்சி தோல்வியில் முடிவடைந்து கொள்ள பிரித்தானிய உளவுத் துறையினரால் பதவி நீக்கம் செய்யப்பட்ட ஜொனி அவர்கள், தன் மனதிற்கு ஆறுதல் தேடி, சிறப்பான ஆன்மிகப் பயிற்சிகளைப் பெற்றுக் கொள்ளும் நோக்கில் திபெத்திற்குச் செல்கின்றார். திபெத்தில் பல் வேறு வகையான தற் பாதுகாப்புக் கலைகளைக் கற்றுக் கொண்டிருந்த ஜொனி அவர்களை மீண்டும் கடமைக்குத் திரும்புமாறு கோரி பிரித்தானிய உளவுத் துறை அழைப்பு விடுக்கின்றது.

"சீனப் பிரதமர்- பிரித்தானியாவிற்கு விஜயம் மேற்கொண்டு பிரித்தானியப் பிரதமர், மற்றும் பிரித்தானிய உளவுத் துறை அமைப்புக்களுடன் சந்திப்பு நிகழ்த்தும் சமயத்தில், அவரைப் பிரித்தானியாவில் வைத்து நவீன தொழில் நுட்பங்களை உள்ளடக்கிய ஆயுதங்கள் மூலம் கொலை செய்து, பிரித்தானிய உளவுத் துறையின் முகத்தில் கரி பூசுவதனை நோக்கமாகக் கொண்டு திட்டங்களைத் தீட்டும் சீன- ஹாங் ஹாங் மாபியா கும்பலைப் பற்றிய தகவல்களைத் தேடியறிந்து, அக் கும்பலின் நடவடிக்கைகளை முற்றாக அழிப்பதற்குப் பொருத்தமானவர் ஜொனி தான் எனக் கலந்தாலோசித்து; ஜொனி அவர்களைத் திபெத்திலிருந்து மீண்டும் பிரித்தானியாவிற்கு வர வைத்து, தம்மோடு இணைத்துக் கொள்கின்றது டொஷீபா உளவுத்துறை.

ஹாங்காங் - சீன என மாபியா கும்பலைத் தேடிச் சென்று அவர்களின் நடவடிக்கைகளை அறிவதற்காகச் சண்டையிட்டுத், தாம் ஹாங் ஹாங் சென்ற நோக்கத்தினை நிறை வேற்றி விட்டுத் திரும்பும் ஜொனி மற்றும் அவரது உதவியாளர் TUCKER ஆகியோரினைப் பிரித்தானியா வரை பாலோ செய்து, ஹாங் ஹாங் வரை சென்று பெற்றுக் கொண்டு வந்த கொலை முயற்சியைத் தடுப்பதற்கான ஆயுதத்தினைக் களவாடி, ஜொனி அவர்களைக் சேஸிங் பண்ணிக் கொலை செய்யும் நோக்கோடு பின் தொடரும் மாபிய கும்பலின் விறு விறுப்பான நடவடிக்கைகளை உள்ளடக்கிய ஆக்சன் - மற்றும் அடுத்தது என்ன என்று ஒவ்வோர் தடவையும் திரையினை நோக்கி விழியினை நிமிர்த்திப் பார்க்க வைக்கும் அதிரடிக் காட்சிகளைத் தாங்கி நகர்கின்றது இந்தத் திரைப்படம்.

உளவுத் துறை அலுவலகத்தில் உள்ளவர்களையும் மாபிய அமைப்பினர் விலைக்கு வாங்கித் தம் நடவடிக்கைகளினைச் சுலபமாக்கும் நோக்கில் காய்களை நகர்த்தும் வேளையில், தனது உற்ற நண்பனும், மேலதிகாரியுமாக நடிக்கும் நடிகர் Dominic West அவர்களும் இந்த மாபியக் கும்பலோடு தொடர்புள்ளார் எனும் தகவலை அறிந்தும் ஜொனி அவர்கள் நம்ப மறுக்கும் காட்சியானது, "உண்மை நண்பர்கள் போல நடித்து நம்ப வைத்துக் கழுத்தறுக்கும் நட்பின் இயல்பினை" அழகுறக் காட்சிப்படுத்தி நிற்கிறது. 

படத்தில் இடம் பெறும் ஒவ்வோர் அசைவுகளின் பின்னேயும், விறு விறுப்பான காட்சிகளும், அதற்கு குறைவில்லாத வகையில் படம் பார்க்கும் ஒவ்வொருவரையும் படத்தினுள் உள் இழுத்து ஒன்றிக்க வைத்துப் படம் பார்க்கும் வகையில் படத்தினை இயக்கியுள்ளார் இயக்குனர் Oliver Parker. ஹாலிவூட் திரையுலகில் சரியான வாய்ப்பேதுமின்றி 16 வருடங்களாக சாதாரண படங்களைக் கொடுத்து வந்த இயக்குனர் ஒலிவருக்கு இப் படம் இனிவருங் காலத்தில் தரமான ஹாலிவூட் வாய்ப்புக்களை அள்ளி வழங்கும் என்பதில் ஐயமில்லை. படத்திற்குப் பக்க பலமாக வசனங்கள் அமைந்திருக்க வேண்டும் என்பதற்கு எடுத்துக் காட்டாக படத்தின் வசனங்கள் அனைத்தையும் கதாநாகயன் மிஸ்டர் பீன் புகழ் Rowan Atkinson அவர்களே எழுதியுள்ளதோடு, தன்னுடைய நகைச்சுவைக் காட்சிகளில் சிறிதளவும் தொய்வு நிலை ஏற்படக் கூடாது என்பதனைக் கருத்திற் கொண்டு, வசனங்களினை அமைத்திருக்கிறார். 

இதற்கு எடுத்துக் காட்டாக அனைத்து வயதினரும் பார்த்து மகிழ்வதற்குப் பொருத்தமான படமாக இப் படம் உள்ளது என்று அடை மொழி போட்டு விட்டு, நாசூக்காக படத்தில் ஒரு கட்டத்தில் ஜொனி அவர்களிற்கு உதவியாக தகவல்களைச் சேகரிக்கும் பணியில் ஈடுபடும் பெண் ஊழியரைப் பார்த்து, அவரின் பெயர் என்னவென்று கேட்டவாறு, அவரின் மார்பிற்கு அருகே "BARBRA" எனும் பெயரினை இரண்டு தடவைகள் பிரித்துச் சொல்லி சிரிப்பொலியினைத் தியேட்டரில் அதிகரிக்கச் செய்திருக்கிறார் வசன எழுத்தாளரும் நடிகருமான Rowan Atkinson அவர்கள். 

Rowan Atkinson, அவரது உளவுத் துறை உதவியாளரான Tucker அவர்களும் இணைந்து மாபியா கும்பலின் நடவடிக்கைகளை முறியடித்தார்களா? பிரித்தானியாவிற்கு வரும் சீனப் பிரதமரின் உயிருக்கு அசம்பாவிதம் ஏற்பட்டதா? போன்ற கேள்விகளுக்கான பதிலினைப் படத்தினைப் பார்க்கையில் நீங்கள் நிச்சயம் பெற்றுக் கொள்ளுவீங்க(ள்). Ilan Eshkeri இன் இசை படத்தின் நகர்விலும், தியேட்டரில் உள்ள ஜனங்களின் மன மகிழ்ச்சியின் சம நிலையினையும் பேணுவதில் முதன்மை வகித்துள்ளது. 

மிக நீண்ட நாட்களாக ஜேம்ஸ் பாண்ட் படங்களைப் பார்க்க முடியவில்லையே எனும் ஆதங்கத்தில் இருப்போருக்கு, ஒரே கல்லில் இரண்டு மாங்காய்களாக ஆக்சன் கலந்த காமெடி நிறைந்த -  விறு விறுப்பிற்கு குறைவற்ற படமாக இப் படம் அமைந்திருக்கும் என்பதில் ஐயமில்லை.

JOHNNY ENGLISH REBORN: குழந்தைகளின் குதூகலத்திற்கும், பெரியவர்களின் விறு விறுப்பு நிறைந்த ஆக்சன் ரசனைக்கும் விருந்தளிக்கும் ஜாலியான படம்.

27 மில்லியன் செலவில் எடுக்கப்பட்டுள்ள இப் படத்தினைப் பார்ப்பதற்காக நீங்கள் செலவு செய்யப் போகும் நேரம் 102 நிமிடங்கள் மாத்திரமே!

படத்தின் ட்ரெயிலரினைக் கண்டு களிக்க:

http://www.youtube.com/watch?v=F0tijf2fh2Q

இலங்கையில் கொழும்பு லிபர்ட்டி திரையரங்கில் இந்தப் படம் இப்போது ஓடிக் கொண்டிருக்கிறது.

தமிழகத்தில் இந்தப் படத்தினைக் கண்டு களிக்க:

*********************************************************************************************************************************************************************************

எம் மனதில் பதிந்துள்ள நினைவுகள் சிலவற்றை காலப் போக்கில் நாம் மறந்து விடுவோம். ஆனால், சில நினைவுகள் அடி மனதில் பதிந்திருந்து நினைக்க நினைக்கச் சுகம் தரும் வல்லமை கொண்டு விளங்குகின்றன. மறக்க முடியாத நினைவுகள் என்றால் சில வேளைகளில் அவஸ்தையினையும், சில நேரங்களில் நினைத்துப் பார்க்கையில் அதீத சுகத்தியினையும் கொடுக்குமாம். 

"மறக்க முடியாத நினைவுகள்" வலைப் பதிவிற்குச் சென்றால் எமக்கு எவ்வாறான உணர்வுகள் ஏற்படும் என்று யாராவது சொல்ல முடியுமா?

கவிதைகள், சமூக நலன் சார் கருத்துக்கள், பதிவரசியல் பற்றிய குறும்பான விடயங்கள் எனப் பல அம்சங்களைத் தன் "மறக்க முடியாத நினைவுகள்" வலைப் பதிவில் பகிர்ந்து வருகிறார் கவிப்ரியன் அவர்கள். 

கவிப்ரியன் அவர்களின் வலைப் பதிவிற்குச் செல்ல:

http://kavipriyanletters.blogspot.com/

***********************************************************************************************************************************************************************************

Share