ஆபாசம் - நிர்வாணம் - அந்தரங்கம் - வக்கிர குணத் தமிழன்!

அனைவரும் படிக்க வேண்டிய காரசாரமான பதிவு: இங்கே முகம் சுளிக்கும் வார்த்தைகள் எதுவும் இல்லை! 

எல்லோருக்கும் வணக்கமுங்க. பதிவுலகில் உள் குத்து, ஊமக் குத்து, நேர்க் குத்து என எந்தப் பதிவு எழுதுவோராக இருப்பினும், விமர்சனங்கள், மாற்றுக் கருத்துக்கள் முன் வைக்கப்படும் போது பரிசீலிக்கும் மன உறுதி இருப்பவராக இருந்தால் மாத்திரம் எழுதுங்க. அப்படி மன உறுதி இல்லாதோர், பதிவர்களின் பதிவுகளைக் கண்டிக்கிறேன் அப்படீன்னு பதிவு எழுத ஆரம்பித்து, பதிவர்கள் யாராச்சும் எதிர்க் கேள்வி கேட்டா, ஐயோ, உங்களைச் சொல்லவில்லையே, உங்கள் மனசாட்சி ஏன் குறு குறுன்னு குடையுது அப்படீன்னு கேட்டு மழுப்பல் பதிலைச் சொல்லி எஸ் ஆக முயற்சி பண்ணாதீங்க. நீங்க ஒரு விடயத்தை கையிலெடுத்தால், சரியோ, பிழையோ கேள்வி கேட்கும் வாசகர்களுக்கு சரியான பதிலைச் சொல்லும் வண்ணம் உங்கள் பின்னூட்டங்களை எழுதப் பாருங்க. இல்லே என்னோட பதிவிற்கு என் கருத்து தான் சரி என்று சொல்லுவீங்களா இருந்தா, மத்த பதிவர்களின் கருத்துக்களை ஏற்கமாட்டேன் அப்படீன்னு எழுதி வைச்சிடுங்க! யாரையுமே தாக்காம பம்மிட்டு இருந்திடுங்க. இனிப் பதிவிற்குள் போவோமா?

நிர்வாணம்: 

வெளிநாட்டிற்கு வந்த புதிதில் மொத மொதலா ஜிம் செண்டருக்குப் போனேனுங்க. அங்கே நீச்சல் குளத்தில் நீந்துவதற்கு முன்னாடி குளிக்கனும். ஆம்பிளைங்க குளிக்கும் பக்கமா அடியேன் போனால் எல்லோரும் அம்மணமா குளிச்சிட்டிருக்காங்க. பொம்பிளைங்க பக்கமும் அப்படித் தான். எனக்கு வெட்கம் வெட்கமா வந்திச்சு. நான் மாத்திரம் உள்ளாடையுடன் குளிச்சேனுங்க.வெளிநாட்டவர்கள் எல்லோரும் அடுத்தவனைப் பற்றிய கரிசனை இன்றி, மத்தவங்க என்னா பண்றாங்க என்ற யோசனை இன்றி தாமும் தம் குளியலுமாக இருந்தாங்க. இது அவனோட பண்பாடு, கலாச்சாரம். ஆனால் நம்ம ஊர்களில் உள்ள மக்களின் மன நிலையினை இப்படியான விடயங்களில் ஒப்பிட்டுப் பாருங்கள். எமது மூஞ்சியில் நாமே காறித் துப்புகின்ற நிலைக்கு வருவோம்! தமிழனை எடை போடச் சில உதாரணங்களை முன் வைக்கிறேன். எம்மை நாமே சுய பரிசோதனை செய்து கொள்வோம்.

ஒரு பஸ்ஸில் அழகிய பெண்ணொருத்தி கொஞ்சம் இறுக்கமான ஆடை அணிந்து வந்தாலே போதும்.அங்கே உள்ள அனைத்து ஆண்களின் பார்வையும் அவள் பக்கம் திரும்பும். தியேட்டருக்கு எல்லோரும் படம் பார்க்கப் போவோம். படம் பார்க்கப் போகும் இளசுங்களில் அதிகமானோர், நடிகை இந்தப் படத்தில இன்னும் காட்டியிருக்கலாமே என்று பேசுவார்களே அன்றி, ஐயோ, இவள் பாவம் இவளும் ஓர் பெண் தானே என்று யாருமே பேசுவதில்லை! பெண்ணைச் சக மனுசியாக மதிக்கின்ற, கவர்ச்சியான பெண்களைக் கண்டாலும் கண்டு கொள்ளாத ஆண்கள் எம் சமூகத்தில் உண்டு! ஆனால் அவர்களை நாம் விரல் கொண்டு எண்ணி விடலாம். நேற்று ஒரு பதிவு எழுதினேன். ஈழ மக்களின் அவல வாழ்வு பற்றி. ஆனால் அந்தப் பதிவினைப் பத்தி யாருமே பேசலை. ரெண்டு நாளுக்கு முன்னாடி, என்னைக் கெடுத்த பொண்ணுங்கள் அப்படீன்னு ஓர் பதிவு எழுதினேன். அது ஆபாசம் என்று கொடி தூக்கிட்டாங்க. என்ன தவறு அப்படீன்னு வெளக்கம் கேட்டால், பதிவு எழுதினவரு உங்களைச் சொல்லை அப்படீன்னு சரண்டர் ஆகிட்டாரு.

நிற்க: என்னைக் கெடுத்த பெண்கள் எனும் பதிவில் என்னுடைய கல்லூரி வாழ்வில், பாடசாலை வாழ்வில் என் மன ஒருமைப்பாட்டினைக் கெடுத்த பெண்களைப் பத்தி எழுதியிருக்கேன். அங்கே ஒரு ஆபாசமும் எழுதலை. கெடுத்த எனும் சொல் ஆபாசமாம்! ஐந்திணையில் இருந்து இன்றைய காலம் வரை கெடுத்த எனும் சொல் தமிழ் அகராதியில் வருதுங்க. ஈழத்திற்கும் இந்தியாவிற்கும் இடையில் சில சொற்கள் அடிப்படையில் வேறுபாடுகள் உண்டு. கெடுத்த என்று ஈழத்தில் சொல்லுவது என்னோட சிந்தனையை கெடுத்த, என் வாழ்க்கையை கெடுத்த எனப் பல அர்த்தங்களில் வரும். ஆனால் தமிழகத்தில் கெடுத்த எனும் சொல் ஆபாசம் என்று இன்று தான் அறிந்து கொண்டேன். ஈழத்தில் கற்பழிக்கிறது என்றால் தான் கெடுத்ததற்கு ஒப்பான பொருள் கிடைக்கும்.

மொழி அடிப்படையில் ஈழத்திற்கும், தமிழகத்திற்கும் சில முரண்பாடுகள், வேறுபாடுகள் உண்டு என்பது உண்மையே! ஈழத்தில் சாமான் என்றால் மளிகை கடையில் வாங்கும் உணவுப் பொருட்களைக் குறிக்கும். ஆனால் இதே வார்த்தையினை தமிழகத்தில் சுட்டினால் நிலமை வேறு! இணையத் தளங்களில் நடிகைகளின் அரை குறைப் படங்களினை பார்க்க வெறி கொண்ட ஓர் கூட்டம் அலையும். சினிமா கிசு கிசு எழுதினால் அதனைப் படிக்க இன்னோர் கூட்டம் வரும். எம்மில் பல தரப்பட்ட மக்கள் உள்ளார்கள். ஒவ்வோர் மனிதருக்கும் அவன் மனதைப் பொறுத்து ஒவ்வோர் வகையான ரசனை உண்டு. ஆனால் இந்த மனிதர்களின் ரசனையினை ஓர் மதத்தினை அடையாளமாக வைத்து மாற்ற முடியுமா?யாராவது சரியான பதில் கொடுங்கள்!

இஸ்லாம் மதம் ஓரினச் சேர்க்கையினை எதிர்க்கிறது. குர் ஆனில் ஓரினச் சேர்க்கை தகாத ஒன்று எனக் கூறப்பட்டுள்ளது. இஸ்லாம் ஆபாசத்தை எதிர்க்கிறது என்று கூறி இஸ்லாம் மதம் சாராத ஏனைய மக்களையும் அந்த நடை முறைகளைப் பின்பற்றும் படி ஓர் மதத்தினை முன் வைத்து சொல்லுவது சரியா?இதனைத் தமிழர்களாகிய எல்லோராலும் ஏற்க முடியுமா? எனக்கு குழப்பமாக இருக்கிறது. ஓர் இந்து பசுவதை கொடியது. பசுவினை உணவாக உண்பது தவறு என ஓர் கருத்தினை எல்லோருக்கும் சொல்லி, இதனை நீங்கள் பின்பற்ற வேண்டும். இது எங்கள் மதம் சொல்லும் கருத்து என அறிவித்தல் கொடுத்தால் அத்தனை இஸ்லாமியச் சொந்தங்களும் இதனை ஏற்றுக் கொள்வார்களா?

இஸ்லாம் மதத்தினை மையப்படுத்தி கருத்துக்களை, மதக் கோட்பாடுகளை இணையத்தில் எழுதுவோர் தம் மதம் சொல்லும் அத்தனை விடயங்களையும் சக தமிழ் மக்கள் பின் பற்ற வேண்டும் எனும் வகையில் கருத்துத் திணிப்பு செய்வது சரியா? இப்படி ஒவ்வோர் மதத்தினரும் கிளம்பினால் நிலமை என்னாகும்?இது எம் மறைநூல் கூறும் விடயம் எனத் திணிப்பது ஏனையோருக்கு மனச் சங்கடத்தை கொடுக்கும் விடயம் அல்லவா? அடுத்த உதாரணம், ஓர் இந்து மதத்தைச் சேர்ந்தவன், கிறிஸ்த்துவ மதத்தைச் சேர்ந்தவன் இணைந்து இந்த விடயங்கள் தவறு என்று சொல்லும் போது ஏற்றுக் கொள்ளும் பக்குவம் இஸ்லாமியர்களுக்கு இல்லை.ஆனால் இஸ்லாம் மத மறைநூல் சொல்லும் கருத்துக்களின் அடிப்படையில் இஸ்லாமியர்கள் அல்லாதோரையும் இந்தக் கொள்கைகளுக்கு கட்டுப்பட்டு நடக்கச் சொல்லுவது நியாயமான செயலா? எமது மதங்களின் மூலம் மக்களை நல்வழிப்படுத்த முயற்சிக்கின்றோமா? இல்லை எமது மதத்தை எல்லோரும் பின்பற்றனும் எனும் பாணியில் இவ் உலகை அடக்கி ஆள நினைக்கின்றோமா? ப்ளீஸ் யாராச்சும் தெளிவுபடுத்துங்கள்.

நாளை நான் திருமணம் செய்கிறேன். எனக்கு ஓர் பிள்ளை பிறக்கிறது. அது பருவ வயதினை அடைந்து பள்ளிக்குச் செல்கிறது.ஆனால் அந்தப் பிள்ளைக்கு பாலியல் பற்றியும், பாதுகாப்பான உறவு பற்றியும் சொல்லுவது தவறென மதங்கள் சொல்கின்றன.பெற்றோர் எவரும் அட்வைஸ் பண்ணலையே என்பதால் பாதுகப்பற்ற உறவின் மூலம் வயித்தில புழு பூச்சியை வாங்கிட்டு வந்து அந்தப் புள்ளை நின்னா; ஒரு பெற்றோர் தமது செயலை எண்ணி வருந்துவது அழகா? அல்லது பிள்ளைக்கு பாலியல் பற்றிய தெளிவினைக் கொடுக்கலையே என உணர்ந்து தமது அடுத்த பிள்ளைக்கு பாலியல் பற்றிய தெளிவினைக் கொடுக்க நினைப்பது சரியா? மதங்கள் பாலியல் பற்றிய விழிப்புணர்வை எழுதுவதை தவறெனச் சொல்கிறது என்பதற்காக எமது அடுத்த தலைமுறையினையும் கொடும் பாலியல் தொற்று நோய்க்குள் அகப்பட வைக்க இலங்கை, இந்திய வாழ் தமிழர்கள் முயற்சிப்பது சரியா?

தமிழனின் ஒரே குணம் அந்தரங்கத்தை திருட்டுத் தனமாக ரசிப்பது. இந்தக் குணத்தால் தமிழரிடையே வக்கிர புத்தி + வக்கிர குணம் தான் வளர்கின்றது. மறைக்கின்ற பொருளுக்கே மதிப்பதிகம் என்பது கவிஞர் வைரமுத்துவின் வரி. இதுவே உலகியல் யதார்த்தமும் கூட. ஆனால் எம் சந்ததியிடம், நீ இவற்றை பற்றிப் பேசவே கூடாது. மதம் சொல்கிறது. இது தப்பு! ஆகவே மதத்தின் வழி நீ நடக்க வேண்டும். நீ பிறப்பால் ஓர் இந்துவாக இருந்தாலும் பிற மதம் சொல்லும் சொற்படி நடக்க வேண்டும் என கூறி, ஓர் வரையறைக்குள் எம் சந்ததியினை வளர்த்து வந்தால் என்றோ ஓர் நாள் அந்தப் பிள்ளை பக்குவப்படும். இம்புட்டு நாளா என்னை இந்த விடயத்தினை மறைத்து வைத்திருந்தார்களே என அறியும் ஆவலில் அந்தப் பிள்ளையும் செயற்படாது என்பதை உறுதியாக யாராலும் கணிக்க முடியுமா? இந்தச் சூழலில் சீரழிவுகள் தான் பெருகுமே அன்றி, அந்தப் பிள்ளைக்கு நல்ல சிந்தனைகள் கிடைக்கப் போவது இல்லை! இத்தகைய இக்கட்டான சூழ் நிலையில் எம் பிள்ளைகளை நல் வழிப்படுத்த நாம் என்ன வழியினைக் கையளலாம்? தெரிந்தவர்கள் சொல்லுங்கள்! 

யாரிடமாவது நல்ல ஆலோசனைகள் இருந்தால் முன் வையுங்கள். பதிவிற்குத் தொடர்புடைய கருத்துக்களைப் பின்னூட்டமாக எழுதினால் நிச்சயமாகப் பதில் கூறுவேன். பதிவிற்கு தொடர்பில்லாக கருத்துக்களை, பதிவினை முழுமையாகப் படிக்காது யாரும் எழுத வேண்டாம். அவற்றுக்குப் பதில் வழங்கப்பட மாட்டாது. இப்போதிருந்து சரியாக எட்டு மணி நேரம் கழித்து அடுத்த பதிவு வரும். அது வரை உங்கள் கருத்துக்களை முன் வைக்கலாம். அடுத்த பதிவு வெளியான பின்னரும்,கருத்துக்கள் கிடைத்தால் தொடர்ந்து விவாதிப்போம்.

பிற் சேர்க்கை: ஓரினச் சேர்க்கை பற்றி தமிழ்மண கட்டண சேவையில் இணைந்து இக்பால் செல்வன் அவர்கள் எழுதியதன் காரணத்தினால் தான் அவருக்கு இன்று இஸ்லாம் மதம் தண்டனை கொடுத்து அவரைப் பதிவுலகை விட்டு விரட்டியடித்துள்ளதாக சிலர் பிரச்சாரம் செய்றாங்கோ.

தமிழ்மண கட்டண சேவையில் அடியேன் இணைந்ததால் எனக்கு நன்மை ஒன்னுமே இல்லைங்கோ. தமிழ்மண கட்டண சேவை இல்லைன்னாலும் எனக்கு ஒரேயளவு வாசகர்கள் தான் எப்போதும் வருவாங்க. கட்டண சேவை இருந்தாலும் எனக்கு அதேயளவு வாசகர்கள் தான் இப்பொழுதும் வாறாங்க. அப்புறம் எதுக்கடா நீயி கட்டண சேவையில் இணைஞ்சே என்று கேட்போருக்காக சில பதில்கள்.ஏலவே பல பதிவுகளில் பதில் சொல்லிட்டேன்! மறுபடியும் சொல்றேன். தமிழ்மணம் ஓர் திரட்டி. அதன் முகப்பில் போய் குந்தியிருந்து கொண்டு தமிழ்மணத்தை அவதூறு செய்து எழுதுவது தான் நாகரிகம் எனப் பல பதிவர்கள் நினைக்கும் நாளில் நான் கொஞ்சம் வித்தியாசமா யோசித்தேன்,

நான் எழுதும் பதிவுகள் தமிழ்மணத்தில் பல இடங்களிலும் திரட்டப்படுவதால், எம்புட்டு நாளைக்கு ஒரு திரட்டி மூலம் ஓசியில சேவையினைப் பெற முடியும். அதனால என்னால முடிஞ்ச ஒரு தொகையினைச் செலுத்தி தமிழ்மணத்தில் இணைஞ்சிருக்கேன். அப்புறமா, கடந்த வருட இறுதியில் பதிவுலகை விட்டு விலகுவதா சொல்லியிருந்தேன். பின்னர் பல நண்பர்களின் வேண்டுகோளுக்கு அமைவாக ஓய்வு நேரம் கிடைக்கும் போது எழுதிட்டு வாரேன். இந்த வருட ஆரம்பத்தில் என்னோட பதிவுகளில் ஆல்ரெடி சொல்லிட்டேன். பெப்ரவரி மாதத்துடன் நான் கொஞ்சம் ஓரமா ஒதுங்கப் போறேன். அதனால பதிவுகள் வராது அப்படீன்னு!

இதனைக் கூடப் புரிஞ்சுக்காம, இப்பவே சிலர் ஆரம்பிச்சிட்டாங்க. கட்டண சேவையில் இணைஞ்சு ஆபாசம் எழுதுவோர் காணாமற் போயிடுவாங்க. மறைநூல் நிச்சயம் இவர்களுக்கு தண்டனை கொடுக்கும் அப்படீன்னு சிலர் புலம்புறாங்க. அப்போ நான் பதிவுலகை விட்டு போன பின்னாடி, எங்கள் மதம் நல்ல தண்டனை குடுத்திருக்கு அப்படீன்னு சொல்லி உங்களையும் சிலர் மூளைச் சலவை செஞ்சிடுவாங்க பதிவர்களே! ஜாக்கிரதை! ஆபாசம் என்றால் என்ன என்று யாராச்சும் சரியான விளக்கம் வழங்குமாறு தாழ்மையுடன் கேட்டுக் கொள்கின்றேன். ஏன்னா அப்படி ஒன்றை நான் எழுதுவதில்லை என்று சொல்லி பல மாதங்கள் ஆகிட்டு! அவ்வ்வ்வ்வ்வ்வ்

பதிவினை முழுமையாகப் படிக்காது, பதிவிற்கு தொடர்பில்லாது யாருமே கருத்துரை எழுத வேணாம். இது தாழ்மையான வேண்டுகோள்.
பதிவு தொடர்பாக விவாதிக்க விரும்பும் அன்பர்களின் கருத்துக்களை வரவேற்கிறேன். பின்னூட்ட பெட்டி திறந்த நிலையில் தான் இருக்கு. அப்படி இருக்கும் பட்சத்தில் சும்மா, புதுசு, புதுசா ப்ளாக் தொறந்து அதில இந்தப் பதிவு பத்தி எழுதிட்டு, என்னை காணலையே அப்படீன்னு ஏங்க வேணாம். ஏன்னா நான் ரொம்ப பிசி, நீங்க பதிவு போடுவது எனக்கு தெரியனுமில்லே!

Share