இஸ்லாமியச் சொந்தங்களுக்கு தாழ்வு மனப்பான்மை அதிகமா?

ஒரு பகிரங்க விவாத மேடை!

அன்பிற்கினிய உறவுகளே, பூமியில் பிறந்த மனிதர்கள் ஒவ்வொருவரும் தாம் விரும்பிய மதங்களையும்,தாம் விரும்பிய மொழியினையும் பின்பற்றுவதற்கான பூரண உரிமை இருப்பதாக ஐக்கிய நாடுகள் சபையின் சுய நிர்ணய உரிமை பற்றிய கோட்பாடு விளக்கம் கூறுகின்றது.மனித மனங்களின் உணர்வுகளை அடிப்படையாகக் கொண்டு அவனது விருப்புக்களும், வெறுப்புக்களும் அடிப்படையில் வேறுபட்டுக் கொள்ளும். உலகில் இன்று தாழ்த்தப்பட்ட இனமாக இஸ்லாம் சொந்தங்கள் தம்மைத் தாமே கருதுகின்றார்களா என்று ஓர் வினாவினை முன் வைக்கையில் அதற்கான விடை உங்கள் மனதிலிருந்து எப்படி வந்து கொள்ளும் என்பதனை அனுபவ உதராணக் குறிப்புக்களினூடாகப் பார்ப்போமா?

உலகில் இஸ்லாம் மக்கள் தம்மைத் தாமே தாழ்வாக நினைத்து வாழ்கின்றார்களா? அல்லது பிற மதத்தவர், ஏனைய நாட்டு மக்களோடு ஒப்பிடும் போது தம்மை பிறருடனான நெருங்கிய தொடர்புகளிலிருந்து வேறுபடுத்தி மதத்தின் அடிப்படையில் இனங் காணப்படுவதனையா இஸ்லாமியச் சொந்தங்கள் விரும்புகின்றார்கள்?உதாரணமாக உலகில் அதிகளவான சர்ச்சைகளுக்கு ஆளாகின்ற இனமாக இஸ்லாமிய இனம் உள்ளது. இந்துக்களோ அல்லது உலகில் உள்ள ஏனைய மத மக்களோ தம் மதத்தினை இழுவுபடுத்தி, சிலர் கொச்சை செய்யும் போது அவ் விடயங்களினை ஊதிப் பருப்பித்து சர்ச்சையினை அதிகரித்து அனுதாபம் தேடுவது என்பது குறைவு.

நான் இங்கே ஏன் அனுதாபம் தேடுதல் என்றோர் வார்த்தையினைக் கையாள்கிறேன் என்றால், வலையுலகிலும் சரி, வெளி உலகிலும் சரி இஸ்லாமியச் சொந்தங்களின் அடி மனதில் தம்மைப் பற்றிய ஓர் தாழ்வு மனப்பான்மை இருப்பதால் தான் பிறர் பார்வையில் அவர்கள் மதத்தின் மூலம் அனுதாபம் தேடுவோர்களாக காட்சிப்படுத்தப் படுகின்றார்கள்.கேலி செய்யப்படுகின்றார்கள். உதாரணமாக தாய்லாந்திலும் ஏனைய உலக நாடுகளிலும் இந்துக் கடவுள்கள், மற்றும் கிறிஸ்தவ மத சின்னங்கள் பொறித்த உள்ளாடைகள் விற்பனைக்காக வந்த போது ஒரு சில மதச் சார்பு அமைப்புக்கள் கண்டன அறிக்கையினை விட்டு விட்டு மறந்து விட்டார்கள். காலப் போக்கில் அவ்வாறான உள்ளாடைகளை, அல்லது மதச் சின்னங்களை இழிவு செய்யும் நிலையினை இச் சம்பவத்தோடு தொடர்புடைய சமூக அமைப்புக்களும் நிறுத்தி விட்டன.

உலகில் இன்று உள்ள இனங்களினை அடிப்படையாகக் கொண்டு ஓர் எளிய உதாரணத்தின் அடிப்படையில் நோக்கும் போது கிறிஸ்தவர்கள் தம் மதத்தினை பிறர் கேலி செய்து விட்டார்கள் என்று கருதி ஒன்று திரண்டு ஓரணியில் தம் கருத்துக்களை வலுப்படுத்திக் கூப்பாடு போடுவதோ அல்லது பிறர் பார்வையில் அனுதாபம் தேடும் செயற்பாடுகளில் ஈடுபடுவதோ இல்லை. அதே போன்று இந்தியாவினை மையமாக கொண்ட ஹிந்துத்துவாத கட்சியினரைத் தவிர ஏனையோர் இந்துக்கள் தொடர்பான சர்ச்சைகளை வைத்து அனுதாபம் தேடும் முயற்சிகளில் ஈடுபடுவதும் இல்லை. ஆனால் எம் அன்பிற்குரிய இஸ்லாமியச் சொந்தங்கள் மாத்திரம் காலம் தோறும் உலகெங்கும் பல சர்ச்சைகளிற்கு ஆளாகின்றார்கள். இது ஏன்? 

இனி வலைப் பதிவுகள் பற்றிப் பார்ப்போம். வலைப் பதிவில் நாம் எம் மன உணர்வுகளையும்,எங்களின் அன்றாட வாழ்வில் இடம் பெறும் சுவாரஸ்யமான அனுபவப் பகிர்வுகளையும் பகிர்ந்து கொள்ளலாம் எனும் பிரதான காரத்தினால் தானே எழுத வந்துள்ளோம். உணர்வுகளை மதிக்கத் தெரியா விடினும், மிதிக்கக் கூடாது என்பது ஆன்றோர் வாக்கு. அப்படியாயின் என்றைக்காவது ஒரு நாள் இந்துக்கள் தொடர்பான சோதிடப் பதிவுகளை பதிவர்கள் எழுதும் போதும் அல்லது ஆன்மீகப் பதிவுகளைப் பதிவர்கள் எழுதும் போதும் இந்துக்கள் எல்லோரும் ஓரணியில் சென்று ஆதரவுக் கரங் கொடுத்து அப் பதிவிற்கும் அதிகளவான ஓட்டுக்கள் குத்தி பதிவினைப் பிரபல்யமாக்கும் முயற்சியில் ஈடுபடுகின்றார்களா? கிறிஸ்தவ மதம் தொடர்பான பதிவுகள் வரும் போது யாராவது ஒருவர் இவ்வாறான செயல்களில் ஈடுபடுகின்றார்களா?

ஆனால் இஸ்லாமியச் சொந்தங்கள் மட்டும் ஏன் இவ்வாறு செய்கின்றார்கள்? அவர்களுக்கு தாழ்வு மனப்பான்மை அதிகம் என்பதாலா இவ்வாறு செயற்படுகின்றார்கள்?வலையுலகில் இஸ்லாமியச் சொந்தங்கள் எல்லோரும் ஏனைய பதிவர்களால் புறக்கணிக்கப்படுவதாக கூறி ஓரணியில் திரண்டுள்ளார்கள். இந்த வலையுலகத்திலும் சரி, வெளி உலகிலும் சரி இந்துக்கள் எல்லோரும் ஒன்று திரண்டு தம் கருத்துக்களை வலுப்படுத்தும் நோக்கில் ஓரணியில் நின்று ஓட்டுக்கள் போட்டு, கருத்துக்கள் போட்டு தம்மைத் தமிழர் என்ற உணர்விலிருந்து வேறுபடுத்திக் காட்டுகிறார்களா? ஆனால் எம் அன்பிற்குரிய இஸ்லாமியச் சொந்தங்கள் மட்டும் தம்மைப் பிறரிடமிருந்து தரந் தாழ்த்தி வேறுபடுத்திக் காட்டுகிறார்களே! ஏன்?

ஓர் சிறிய கருத்தாடல்களைக் கூட, விஷயம் பூதாகரமாக பெருக்க முன்பதாக கலந்துரையாடித் தீர்ப்பதற்கு வழிகள் பல இருக்கையில் தம் மதத்தின் மீது சேறு பூசுகிறார்கள் என்று ஓர் அணியாகப் பொங்கியெழுந்து பிறருக்கும் தம்மைப் பற்றிப் பதிவுகள் எழுதிட சந்தர்ப்பம் வழங்கி, இஸ்லாத்தை இந்துக்கள் அவமதித்து விட்டார்கள் என்று கூப்பாடு போட்டு ஏனைய உறவுகளையும் தம் பக்கம் திரட்டி தாம் பதிவர்களிலிருந்து வேறுபட்ட இஸ்லாம் சொந்தங்கள் என ஏன் காட்டிக் கொள்ள முனைகின்றார்கள்? இதற்கான காரணம் என்ன? இஸ்லாமியச் சொந்தங்களுக்கும் தமிழர்களோடு ஒட்டி வாழ ஆசை இல்லையா?  எம் அன்பிற்குரிய சகோதர்கள் மாத்திரம் தம்மைத் தாமே இஸ்லாமியர்கள் எனப் பிரித்துக் காட்டுவது ஏன்?

முகமதியர்கள் - முகமதியர்களின் பதிவுகளுக்கு மாத்திரம் கூட்டாக ஆதரவு வழங்கி தம் உள்ளக் குமுறலை வெளிப்படுத்தலாம் என எண்ணி ஓர் குடையின் கீழ் பிரிவினையாக நிற்கும் செயற்பாடுகள் இடம் பெறுவது ஏன்? தம் மதத்தின் பெயரால் எம் அன்புச் சொந்தங்கள் தாழ்த்தப்படுகின்றார்கள் என அடி மனதில் எண்ணிக் கொள்வதாலா? சிறிய கருத்து மோதல்கள் இடம் பெறுகையிலும் ஓர் மதத்திற்கு எதிராக ஒரு பெரிய கூட்டமே கிளம்பியிருப்பதாக எண்ணி ஓரணியில் தமது சொந்தங்களைத் திரட்டி பதிவுலகில் தாம் அனைவரும் ஓர் குடை என்று பிரித்துக் காட்டும் பாரபட்ச நிலை எதனால்? ஏன் இவ்வாறு எம் சகோதரர்கள் நினைக்கின்றார்கள்? ஈழத்திற்கு எதிராக, திமுக, அதிமுக கட்சி அரசியலுக்கு எதிராகப் பலர் பதிவுகள் எழுதும் போது ஒட்டு மொத்த நபர்களும் போய் தம் ஆதரவினை வெளிப்படுத்துகின்றார்களா? அல்லது எதிர்ப்பினைக் காட்டுகின்றார்களா?

இன்று வலையில் ஒரு சில சொந்தங்கள் இந்துக்கள் தொடர்பாக ஆன்மீகப் பதிவுகளை எழுதுகின்றார்கள். சில சொந்தங்கள் கிறிஸ்தவர்கள் தொடர்பான பதிவுகளை எழுதுகின்றார்கள். ஆனால் அவர்களின் பின்னே பல பதிவர்கள் சென்று ஓரணியாகத் திரண்டு தாம் அனைவரும் குறிப்பிட்ட மதத்தவர்கள் தான். ஆகவே எம் மதத்தினை வெளிப்படுத்தும் நோக்கில் உங்கள் பின்னே நிற்போம் என பிரிவினை வாதம் வெளிப்படுத்தும் நோக்கில் நிற்கிறார்களா? ஓர் சிறிய விடயத்தினையும், அல்லது தனி நபர் ஒருவர் இஸ்லாத்திற்கு எதிராகவோ அல்லது மாற்றுக் கருத்தினையோ முன் வைக்கும் போது ஒட்டு மொத்த இஸ்லாமியச் சொந்தங்களையும் அணி திரட்டி கருத்துச் சுதந்திரத்தினை முடக்கும் நோக்கில் இஸ்லாமியச் சொந்தங்களை அவமதித்து விட்டதாக ஏன் எமது உறவுகள் மாத்திரம் நினைத்துப் போர்க் கொடி தூக்க வேண்டும்?

இஸ்லாமியச் சொந்தங்கள் தம்மைத் தமிழர்கள் அல்லாது இஸ்லாமிய உறவுகள் என்று அழைக்கப்படுவதனையா விரும்புகின்றார்கள்? அல்லது தாம் தமிழர்களிலிருந்தும் பிரிந்த வேறோர் இனம் என்பதனைக் காட்டிக் கொள்ளவா இவ்வாறு ஒன்று திரண்டு மதம் தொடர்பான கருத்துக்கள் வரும் போது ஓரணியில் திரண்டு எதிர்ப்பலைகளை வீசுகின்றார்கள்? தமிழர்கள் எனும் பொதுப் பெயரினுள் ஏனைய பதிவுலகச் சொந்தங்கள் போன்று இவர்களுக்கும் சக உறவுகளோடு பழக வேண்டும் என்று ஆசை இல்லையா? ஆவல் இல்லையா? தம்மைத் தாமே தரந் தாழ்த்தி எண்ணுவதால் தானா எம் சொந்தங்கள் இவ்வாறு தம்மை பிற பதிவர்களிலிருந்து பிரித்து நோக்குகின்றார்கள்? இந்த வினாக்களுக்கான விடைகள் உங்கள் கை வசம் இருக்கும் சமயத்தில் விவாத மேடையில் நீங்களும் களமிறங்கி சொற் போர் புரியலாம். வாருங்கள்! 

இப் பதிவானது யாரையும் தனி மனித தாக்குதல் செய்யும் நோக்கில் எழுதப்படவில்லை. பதிவிற்கு கருத்துரைகளை எழுதும் அன்புச் சொந்தங்கள் தயவு செய்து தங்களின் கருத்துக்களைப் பதிவினை முழுமையாகப் படித்து பதிவின் திசை மாறா வண்ணம் எழுதுமாறு அன்போடு கேட்டுக் கொள்கின்றேன். பதிவிற்குத் தொடர்பில்லாத விடயங்களை, ஆதாரங்களை இங்கே எழுதுவதைத் தயவு செய்து தவிர்க்கவும். இப் பதிவிற்கு எதிர்ப் பதிவு, உள் குத்து பதிவு எழுதுவதனை விட, உங்கள் மனதில் உறுதியிருந்தால், உங்கள் கருத்துக்கள் ஆரோக்கியமானவை என நீங்கள் கருதினால் இங்கேயே உங்கள் கருத்துக்களைப் பகிர்ந்து கொள்ளலாம். இப் பதிவிற்கான சரியான விவாதத்தினை முன் வைக்காது எதிர்ப் பதிவுகளை எழுதுவோர், உள் குத்து பதிவுகள் எழுதுவோர் அனுதாபம் மூலம் தம் உணர்வுகளைத் தேடுவோராக கணிக்கப்படுவார்கள். 


வலைப் பதிவுகளூடாக உங்கள் உள்ளங்களைக் கொள்ளை கொண்ட பதிவர்களின் மற்றுமோர் புது முயற்சி இது. உங்கள் மனங்களைக் கொள்ளை கொள்ள; உங்கள் உள்ளங்களுக்குள் புதிய சில மொழிச் சொல்லாடல்களை அறிமுகப்படுத்திட இந்தப் பதிவர்கள் கரங் கோர்த்துள்ளார்கள். இது பற்றி நீங்களும் அறிய வேண்டும் என ஆவலா? இங்கே கிளிக் செய்யுங்கள்.

Share