வில்லங்கத்தை தூண்டும் விபரீதமான கு(சு)றும்புகள்!

கள்ளக் காதலும் கணவன் கையில் ஆதாரமும்!
பெண்டிலை(க்) கேட்டாராம் பெருசு
பெறு மாதம் எப்போதென்று?
அண்டை வீட்டு அழகனிடம்
அன்பாக கேட்ட பின்
மண்டே சொல்லுகிறேன் என
மனதுக்குள் யோசித்தாள் தேவி;
இன்றைய காலத்தில் நடக்கும்
இடக்குமுடக்கான வேலையிது
என்றே சொல்லி எனை
ஏமாளியாய் அனுப்பினாள்- பாவி
நன்றாய் இது இல்லையென
நான் பொங்கினால் ஆணாதிக்கமாம்!
மன்றம் போட்டு மைக்செட் பூட்டி
மங்கையர் முழங்கும் காலத்தில்
"கன்றாவி லைப்" இதுவென
கணவன்மார் புலம்பினால் வாழ்வும்
திண்டாடி கோர்ட்டேறி
தீராத தொல்லையோ; டிவோசில் முடியுமாம்!

விளக்கம்: கணவன் தொலை தூரத்தில் வேலை செய்பவர். ஆடிக்கொரு நாள், அமாவாசைக்கொரு நாள் என கிடைக்கும் விடு முறை நாளில் மனைவியைப் பார்க்க வீட்டிற்கு வருவார். திடீரென மனைவி மாசமாய் இருப்பதைப் பார்த்தும் கேள்வி கேட்டார். மனைவி சாதுரியமாகப் பதில் சொல்லி கணவனை அனுப்பி வைத்திட்டார்.

அரும்பத விளக்கம்/ சொல் விளக்கம்:               பெண்டில்- மனைவி
அண்டை வீடு: அடுத்த வீடு/ பக்கத்து வீடு;            மண்டே: Monday
கோர்ட்: வழக்காடு மன்றம்;                                         டிவோஸ்: விவாகரத்து

பார்வையில் மயங்கினால் பலதையும் இழக்க நேரிடலாம்!
மொட்டை மாடி மேலே நின்று - ரோஜா
மோக முள் எடுத்து வீசினாளாம்
கட்டழகன் பாய்ந்து சென்றானாம்- அவள்
காலுதையை வாங்கி வந்தானாம்!

வருமுன் காப்பதே சிறந்தது! 
வண்டலூர் கந்தனுக்கு
வராத நோய் வந்தென்றெண்ணி - அவரை
கொண்டு போய் விட்டனராம்
கோயம்புத்தூர் ஹொஸ்பிட்டலில் - அவர்
வண்டவாளம் டாக்குட்டர்
வழங்கிய சர்ட்டிபிக்கேட்டால் வானத்தை பிய்த்ததாம்
கண்ட கண்ட பெண்களை
காலமெல்லாம் சுவைத்தன் விளைவு என்பதால்
தண்டவாளம் நோக்கி ஓடி
தம்பிரான் தன்னுயிர் மாய்த்திட தாவினாராம்!

ஓவரா குடித்தால் ஒரு நாள் அழிவு! 
கொட்டிலிலே கிடைக்கும் - கொழுந்தனோடு போய்
மட்டமாக அரை அடித்தால்- மப்பேத்தி மகிழ்விக்கும்
வட்டமான உலகையும் -வாஞ்சையுடன் சுற்ற வைக்கும்
திட்டமிட்டு அடிக்கலைன்னா -தீராத ஈரல் நோயை தந்து விடும்
அட்டதிக்கும் அதன் பெயர் கள்ளு- அரை அடித்தால் ஏறிடுமாம் மப்பு!

****************************************************************************************************************
அன்பிற்கினிய உறவுகளே, எல்லோரும் நலமாக இருக்கிறீங்களா? இன்றைய பதிவர் அறிமுகம் பகுதியினை நான் கைப்பற்றி விட்டேன். ஏன் என்று யோசிக்கிறீங்க தானே.
மீண்டும் உங்கள் நாற்று வலையில்........................
உங்கள் அனைவரின் பேராதரவினையும், பெரு மதிப்பினையும் பெற்ற விவாத மேடை, மற்றும் ஈழ வயல்களுக்காய் உரமான எலும்புகளின் எச்சங்கள் தொடரின் இரண்டாம் அத்தியாயம் ஆகியவை மீண்டும் உங்கள் அபிமான நாற்று வலையில் வலம் வரப் போகின்றது!
விவாத மேடையில் கொஞ்சம் புதுமை புகுத்தும் வகையில் ஏற்கனவே பரிட்சார்த்த முயற்சியாக உங்களில் ஒருவரை - பதிவர்களுள் விவாதத் திறன் கைவரப் பெற்ற ஒரு நபரை நடுவராக முன்னிறுத்தி வெற்றி கண்டதைத்த் தொடர்ந்து;
உங்கள் நாற்று வலைப் பதிவின் விவாத மேடைப் பகுதியில் ஒவ்வோர் விவாத மேடையிலும் ஒரு பதிவரை விவாதத்தின் நடுவராக அறிவித்து அவரையே அவ் விவாதமேடையினைக் கொண்டு நகர்த்தும் பொறுப்போடு செயற்படுகின்ற வித்தியாசமான முயற்சியினைத் தொடர விருக்கின்றேன்!
உங்களின் பேராதரவோடு என் பயணம் தொடரும்!
காத்திருங்கள்! எதிர்பார்த்திருங்கள்!
இந் நேரத்தில் பரீட்சார்த்த விவாத மேடையினைத் திறம்படச் செய்த காட்டான் மாமா, மற்றும் யோகா ஐயாவிற்கு என் உளமார்ந்த நன்றிகளை உங்கள் சார்பிலும், என்சார்பிலும் தெரிவித்துக் கொள்கின்றேன்.
**********************************************************************************************************************

Share