பட்டய கெளப்ப போகும் தளபதி விஜய் இன் வேலாயுதம்- போஸ்டர் விமர்சனம்!

வலையுலக வரலாற்றில் முதன் முறையாகத் திரைப்படத்தின் போஸ்டருக்கு அதிரடி விமர்சனம் வழங்கி அசத்திய மாத்தியோசி வலைப்பதிவின் ஓனரும், நண்பனுமான ஓட்டவடை நாராயணனின் முயற்சியினைத் தொடர்ந்து, உங்களை நாடி வருகின்றது வேலாயுதம் போஸ்டர் விமர்சனம். தொடர்ச்சியாகப் பல படங்கள் மூலம் தன் ரசிகர்களுக்குத் தொல்லை கொடுத்து வந்த இளைய தளபதி அவர்களின் திரையுலக வாழ்வில் திருப்பு முனையாக அமையவுள்ள படம் தான் இந்த வேலாயுதம்.

இளைய தளபதி விஜய் படம் என்றதும் தலைவலி மருந்தினைத் தம்முடன் எடுத்துச் சென்று படம் பார்க்கப் போகும் ஒரு கூட்டத்தினரையும், ’ஏன்டா இந்தப் படத்தினைப் பார்க்க வந்தோம் எனத் தலை தலையாகப் படத்தின் இடை நடுவில் அடித்துக் கொ(ல்)ளும் ரசிகர்களையும்,
‘சே...குடுத்த காசிற்கு தெருக் கடையிலை சமோசா வாங்கிச் சாப்பிட்டாலாச்சும் வயிறு நெரம்பிடும் என’ நொந்து கொள்ளும் ரசிகர்களையும் திருப்திப்படுத்தும் நோக்கிலும், தனது புதிய படம் பற்றிய எதிர்பார்ப்பு மேலும், மேலும் அதிகமாக வேண்டும் எனும் நோக்கிலும் விஜய் அவர்களின் நேரடிக் கண்காணிப்பின் கீழ் இம் முறை வேலாயுதம் பட போஸ்டர் அச்சடிக்கப்பட்டுள்ளமை குறிப்பிடத்தக்கதாகும்.
காப்புரிமை: நிரூபனின் நாற்று
இந்திய, இலங்கை மற்றும் தமிழர்கள் செறிந்து வாழும் நாடுகளில் குற்றமிழைப்போருக்குத் தண்டணையாக ஒரே நேரத்தில் ஏழு தொலைக்காட்சிகளின் உதவியோடு விஜய் இன் பட டீவீடிக்கள் போட்டுக் காண்பிக்கப்பட்டு, இம்சையினைக் கூட்டிக் குற்றவாளிகள் நல் வழிப்படுத்தப்படுவதால்;
இத்தகைய எழுதப்படாத தண்டனையினை இல்லாதொழிக்கும் வகையில் இம் முறை விஜய் அவர்களின் முற்று முழுதான பங்களிப்போடு தயாராகிக் கொண்டிருக்கிறது வேலாயுதம்.
காப்புரிமை: நிரூபனின் நாற்று
தமிழகத்தில் ஈஸ்ட்மெண்ட் கலர்த் திரைப்படங்களின் கால கட்டத்தினைத் தொடர்ந்து வந்த
’கலர்த் திரைப்படங்களுக்கான போஸ்டரினைப் போல, இவ் வேலாயுதத்தின் போஸ்டரும் சிவகாசியில் கணினிப் பிரிண்டில் அச்சடிக்கப்பட்டுள்ளமை சிறப்பம்சமாகும். திரையுலகில் வெளியாகும் அனைத்துப் படங்களின் போஸ்டர்களைப் போல 1024*768 சைஸில் இந்தப் போஸ்டரும் அச்சடிக்கப்பட்டிருக்கின்றது. விஜய் இன் அதிஷ்ட எண் "6" இந்த அளவினுள் உள்ளடங்குவதால், விஜய்க்கு இப் படத்தின் மூலம் வசூல் மழை என்பது யாராலும் மறுக்க முடியாத வெளிப்படையான உண்மையாகும்.

காப்புரிமை: நிரூபனின் நாற்று
இலங்கை- இந்தியப் பகுதிகளில் நிலவும் கத்தரி வெய்யிலினைக் கருத்திற் கொண்டு- போஸ்டரினைப் பார்ப்போரின் கண்ணைக் குத்தாத வகையில் கடுங் கலர் கொடுக்கப்படாது மென்மையான கலரில் போஸ்டர் அச்சடிக்கப்பட்டிருக்கின்றமையானது வழமையாக விஜய் படப் போஸ்டர் மூலம் பல ரசிகர்களின் கண்களுக்கு ஏற்படும் பாதிப்புக்களைக் குறைக்க உதவியாக இருக்கும் எனும் நோக்கத்திலாகும்.

 ஏற்கனவே வில்லுப் பட போஸ்டரில் சிகப்பு நிற மையினை தளபதி விஜய் அவர்களின் கந்தலான சேட்டினைப் புதுப் பொலிவுடன் காட்டும் நோக்கில் ஊற்றிப் போஸ்டர் அடித்து வெளியிட்ட காரணத்தினால் தமிழர் வாழும் பகுதிகளில் உள்ள மாடுகள் அனைத்தும் மிரண்டு ஓட்டமெடுத்த காரணத்தினைக் கருத்திற் கொண்டு, மிகுந்த கவனத்தோடு, சூழலுக்குப் பாதிப்பேற்படாத வகையில் இந்தப் போஸ்டரினை அச்சடித்து வெளியிட்டுள்ளார்கள் வேலாயுதம் பட போஸ்டர் டிசைனர்.

காப்புரிமை: நிரூபனின் நாற்று
தன் உள்ளங்கையினைப் போன்று, இப் படமும் வெள்ளையாகவும், பார்ப்போரை நிச்சயம் கொள்ளை கொள்ளும் வகையிலும் அமைந்து கொள்ளும் எனும் உண்மையினைக் குறிப்பால் உணர்த்தும் வகையில் விஜய் அவர்களின் போஸ்டருக்கான போஸிங் அமைந்துள்ளது. ஆஸ்கார் ரவிச்சந்திரனின் தயாரிப்பில், ராஜாவின் இயக்கத்தில், விஜய் ஆன்டனியின் இசையில் வேலாயுதம் தயாராகிக் கொண்டிருக்கிறது எனும் எதிர்பார்ப்பினை இப் போஸ்டர் நமக்குத் தந்து கொண்டிருக்கிறது.
காப்புரிமை: நிரூபனின் நாற்று
வேலாயுதத்தில் நடிக்கும் குழைத்து வைத்த கோதுமை மாக் கன்னக்காரி ஹன்சிகாவினைப் பற்றிய தகவலினையோ, அல்லது, ஜெனெலியா அவர்களைப் பற்றிய தகவலினையோ, இப் போஸ்டரில் குறிப்பிடாமலும், கதாநாயகிகளின் படங்களை இணைக்காமலிருப்பதும்;
விஜய் அவர்களின் படம் ஒரு ஆணாதிக்கவாத- அடி தடி ஆக்சன் படம் எனும் உணர்வினை போஸ்டரினைப் பார்ப்போருக்கு நிச்சயம் தரும் என்பதில் ஐயமில்லை.

 வழமையாகத் தனது படங்களில் இளைஞர்களுக்குச் சேதி சொல்ல முயற்சிக்கும் விஜய், வேலாயுதம் மூலம் இம் முறை வயசான பாட்டிமார்களின் வாழ்வினை மேம்படுத்தும் நோக்கில் அருமையான பல திட்டங்களை அவிழ்த்து விடப் போகின்றார் என்பதற்குச் சாட்சியாக, அவர் வயசான பாட்டிகளின் தோள் மேல் கை போட்டு, அன்பைச் சொரியும் ஸ்டில்ஸ் போஸ்டரோடு போனஸாக(BONUS) குழந்தைங்க உள்ள வீடுகளில் நப்பி (NAPPY) மாற்றும் போது பயன்படும் நோக்கில் அச்சடித்து வெளியிடப்பட்டுள்ளது. காப்புரிமை: நிரூபனின் நாற்று

வழமையான விஜய் படங்களின் பாணியிலிருந்து வேலாயுதம் போஸ்டர், மற்றும் வேலாயுதம் படத்தின் கதையும் மாறுபட்டிருந்தாலும், "தொட்டில் பழக்கம் சுடுகாடு வரைக்கும்" எனும் பழமொழியினை நிரூபிக்கும் வகையில், போஸ்டர் அச்சடித்தவர் வில்லுப் படத்தில் விஜய் மாட்டு வண்டிலில் வரும் சீனை மறக்க முடியாதவராய், இந்தப் படத்தில் மீண்டுமொருதரம் விஜய் அவர்களையும் மாட்டு வண்டிலில் ஏற்றி அழகு பார்த்திருக்கிறார்.

போஸ்டர் டிசைனர்(பிரிண்டர்) பாராட்டுப் பெறும் இடங்கள்:

* இருளிலிருந்து மக்களை ஒளிக்கு கூட்டிச் செல்லவுள்ளார் விஜய் எனும் உண்மையினை உணர்த்தும் வகையில்;
தமிழ் நாட்டு எலக்சனில் விஜய் எதிர்காலத்தில் நிற்கவுள்ளார் எனும் சேதியினை மறைமுகமாக மக்களுக்குப் புரிய வைக்கும் நோக்கில் போஸ்டரின் பின்ணனியில் இருளினைக் காட்டி, விஜய் கையினூடாக வெள்ளை நிறத்தினைக் காட்டியுள்ளார் டிசைனர்.

*தல ரசிகர்களைச் சூடேற்றும் வகையிலும், மங்காத்தா படத்திற்கு எப்போதுமே வேலாயுதம் சவாலாக அமையும் எனும் சேதியினைச் சொல்லும் வகையிலும்,
மங்காத்தாவில் துப்பாக்கியோடும், தீப் பிளம்பு பேக்ரவுண்டோடும் காட்சியளிக்கும் அஜித்திற்கு,
‘தனது இரு கைகளையும் திருப்பிக் காட்டிப் பொறுமை! பொறுமை! எனச் சொல்ல வைக்கும் விதமாக இப் போஸ்டரை இலக்கியத் தரத்தோடு, குறிப்பால் உணர்த்தும் வகையில் டிசைன் பண்ணியுளமை.

*சீட்டுக் கட்டு விளையாட்டில் வரும் குறியீடுகளைப் பயன்படுத்தியுள்ள மங்காத்தா போஸ்டருக்குச் சவால் விடும் வகையில் கத்தி போன்ற கூரிய ஆயுதக் குறியீட்டினை வேலாயுதத்தில் கையாண்டுள்ளார் டிசைனர். இதன் மூலம் தல ரசிகர்களுக்கும், தல அஜித்திற்கும் வேலாயுதம் சிம்ம சொப்பமனாக அமையும் என்பதனை அறிவித்துள்ளார் போஸ்டர் டிசைனர்.

போஸ்டரில் டிசைனர் பல்பு வாங்குமிடங்கள்:

*கோபத்தோடு எதிரியினை எதிர் கொள்ளத் தயாராகும் பாணியில் மங்காத்தாவில் காட்சி தரும் அஜித்தை, விஜய் சிரித்தபடி எதிர் கொள்வது போன்று காட்டி, ‘இப் போஸ்டரினைப் பார்ப்போரை ‘விஜய் இன் வீரம் இவ்வளவு தானா’ என எண்ணி முகம் சுளிக்க வைத்துள்ளமை.
காப்புரிமை: நிரூபனின் நாற்று
*பின்னணியில் கறுப்பு கலர் கொடுத்ததற்குப் பதிலாக, ஹன்சிகாவினையும், ஜெனலியாவையும் அருவாளோடு நிறுத்தி ஆணுக்குப் பெண் சரி நிகர் சமானம் எனும் பாரதியின் தத்துவத்தினை வேலாயுதம் மூலம் உணர்த்தாது, வேலாயுதம் ஓர் ஆணாதிக்கப் படம் என்பதைப் பறைசாற்றியுள்ளமை.
காப்புரிமை: நிரூபனின் நாற்று
வேலாயுதம் போஸ்டர்: இருளிலிருந்து ஒளிக்கு அழைத்துச் செல்வது போல, ஊழலில் சிக்கித் தவிக்கும் தமிழக மக்களை மீட்கும் நோக்கில்;
 தேர்தலில் போட்டியிட்டு, ஜெயிக்கப் போகும் இளைய தளபதி விஜய் இன் எதிர்கால வாழ்க்கையினைக் கூறி நிற்கும் ஆருடம்!!

பிற் சேர்க்கை: இப் பதிவில் உள்ள இரண்டு படங்களைத் தன் கை வண்ணத்தின் மூலம் டிசைனிங் செய்து, நகைச்சுவை வசனங்களைச் சேர்த்தவர், நாற்று வலையின் புகைப்பட எடிற்றர், சகோதரன் நிகழ்வுகள் வலைப் பதிவின் ஓனர் கந்தசாமி. 
*******************************************************************************
நாளாந்தம் மலரும் மொட்டுக்களாய் பல புதிய பதிவர்களைத் தாங்கி நறுமணம் பரப்பிக் கொண்டிருக்கும் தமிழ்ப் பதிவுலகில் அண்மையில் பதிவுலகிற்கு வந்து நகைச்சுவை, போட்டோக் கமெண்ட், பாடல் விமர்சனம், சிறுகதை, எனப் பல்சுவை அம்சங்களையும் தனது வலைப் பதிவில் பதிவேற்றிக் கலக்கிக் கொண்டிருப்பவர் தான் மாய உலகம் வலைப் பதிவின் சொந்தக்காரர் ராஜேஷ் அவர்கள். காப்புரிமை: நிரூபனின் நாற்று

பதிவுலகில் இதுவரை யாருமே எழுதியிருக்காத, முயற்சிக்காதா போட்டோக்கள் மூலம் முற்று முழுதாக எடிற்றிங் செய்யப்பட்ட ஒரு நகைச்சுவை நாடகத்தினையும் வலையேற்றியிருக்கிறார் ராஜேஷ். வித்தியாசமான கிரியேட்டிவிட்டி மைண்ட் கொண்ட பதிவர், பின்னூட்டங்களினைக் கூட வர்ணமயமான பின்னூட்டங்களாக HTML கோட் உதவியோடு எழுதக் கூடிய பதிவர்.
காப்புரிமை: நிரூபனின் நாற்று
ராஜேஷ் அவர்களின் வலைப் பதிவு முகவரி:
http://maayaulagam-4u.blogspot.com/

அப்புறம் என்ன....ஓடோடிச் சென்று ராஜேஷ் அவர்களுக்கும் எமது ஆதரவினை வழங்கி, அவரது எழுத்துக்கள் சிறப்படைய எம்மாலான ஒத்துழைப்புக்களையும் வழங்குவோமா. காப்புரிமை: நிரூபனின் நாற்று


டிஸ்கி: தமிழ் மண ஓட்டுப் பட்டையில் உங்களின் இடது கைப் பக்கம், மேல் நோக்கிப் பார்த்துக் கொண்டிருக்கும் கையினைக் கிளிக்கினால் ப்ளஸ் ஓட்டுக் கிடைக்கும். வலது கைப் பக்கம் உள்ள கீழ் நோக்கிப் பார்த்துக் கொண்டிருக்கும் கையினைக் கிளிக்கினால் மைனஸ் ஓட்டுக் கிடைக்கு. ஏலேய்...மைனஸ் ஓட்டுப் போடுறவங்க, சரியாகப் பார்த்துப் போடலாமில்லே!!!

Share